الموضوع: سر قوة اللانسر في الاكصدام

ربنا يكرمك ويحفظك من الحوادث، مع انى عملت حادثتين قبل كده بالانسر بس الاكصدام بتاعى اتبهدل للاسف

استاذى . لاغبار على السيارة الانسـر و انا عندى لانسر 2007 -1300سى . سى مواصفات مصرية ولكن بالنسبة لى عيبها فى الاكصدام الخلفى للسيارة لانة فاضى من الداخل و غير محمل على اى حاجة سوى 3 قطع شاسية صغيرة جدا جدا هى التى تحملة. و قد تعرضت لحادثة على نهاية كوبرى محرم بك بالاسكندرية و انا قادم من ناحية كارفور متجها الى داخل البلد و معى اسرتى .
و قد و قفت مع سير السيارات بسبب الزحمة و اذ بسيارة نصف نقل سرحان و يلبس فى الخلف . باين كان سرحان او لم يلم نفسة - المهم لقيت الاكصدام كلة انبعج و الشنطة بها بعض التطبيقات و طبعا ذهبت الى التوكيل لتغيير الكلام دة كلة و الحمدللة انى كنت مأمن عليها و لكن بغض النظر ان الاكصدام الخلفى ثمنة 1250 جم -فهل معقول مفيش حاجة ورا الاكصدام سوى حتة صفيحة صغيرة لصد الخبطات .
صدقونى دة من ضمن الاسباب اللى خليتنى افكر ابيعها مع انها لسة جديدة و اذا كان حد عندة فكرة تتعمل علشان الاكصدام ياريت يقول .
بعض الاصدقاء قالوا ان فى الازاريطة فى واحد اسمة خالد فيبر يمكن يقدر يعمل حاجة و لكن انا مش عاوز لعب فى شاسية السيارة و لحامات علشان ميبوظهاش .

طيب هل حد عندة حل بالنسبة للاكصدام الخلفى .هل فية علاج للموضوع دة ولا الشركة قصدها يكون الاكصدام خفيف اوى علشان السيارة تتبهدل من كل خبطة او اى احتكاك و الكلبسات تتفك و تطرقع من حول الاكصدام

الاكصدام فى الانواع الحديثة كله كدا معادا حاجات قليلة
فكرته انه بيكون معمول من الفبر ليه ميزتين
1-انه يكون يقدر يمتص الصدمات والترييحات الخفيفة
2-الحوادث لا قدر الله يمتص جزء من الصدمة هوا وجسم السيارة بحيث انه ميكونش تاثير الحادث على جسم الراكب كبير يعنى متكونش الهزة عنيفة تؤذيه

عيوبه انه حتى الترييحات البسيطة بتاثر فى شكله
والخبطات المتوسطة بتبهدله
لكن احب اقول حاجة انه مش معنى الكلام دا انه الخبطة بتخليه لازم يتغير
على حسب الخبطة وزاويتها وقوتها والمساحة اللى بتتخبط
يعنى انا مثلا كنت راجع لورا وخبطت فى عمود مكنتش شايفه اصلى كنت سرحان
المهم انا قبل ما ارجع لقدام قلت اشوف الخبطة وانا ونازل كان فى بالى انى حلاقي الاكصدام مكسور من الجنب اللى هيا ناحية العامود
المهم ليقت الالاكصدام داخل لجوة مسافة 10سم والفانوس اتلخلخ
قلت اول ما حطلع لقدام الاكصدام مش حيرد وحيحتاج سمكرة
الحمد لله اول ما طلعت لقدام الاكصدام رد لوحده بدون ما اعملله حاجة بس اتخدش كام خدش