معاك فى كلامك يا باشا - بس ياريت نشيل حتة دراسيا لاننا كده دخلنا فى موضوع اختلاط -
بس افرض العلاقات الاجتماعية مش مساعدة و للعدد كبير من الناس ليه منحولش نفكر فى طريقة جديدة
مش الحاجة ام الاختراع
عرض للطباعة
لا دى مش فكرة , و لكن اصول الزواج اللى المفروض الناس تتبعها .
يعنى هو اتزوج فلانة بنت فلان , ابوها رجل محترم و سُمعتهم كويسة و البنت متربية و متدينة و ابوها اللى اختار لها العريس المناسب علشان عارف اخلاق بنته كويس .
و الرجل شافها مرة اتعزم فيها على الغداء هناك و اتخطبوا و بقوا يتقابلوا فى بيتها فى وسط اهلها علشان يعرفوا بعض اكتر و تم الزواج و ربنا يديمها عليهم نعمة ,
أولا موضوع النت وموقع خاص بالزواج ده عن ثقة موضوع فاشل فاشل فاشل حتى النخاع
ثانيا موضوع راسين فى الحلال ده اذا الطرفين اختلفوا بيبدأوا يدعو على الشخص اللى عرفهم ببعض وده فى حد ذاته غباء منهم لأن بمنتهى البساطة ما اجبرهمش على حاجة وهما اللى اخدوا القرار بنفسهم
ثالثا انتم بتتكلموا ان صعب ان الواحد يلاقى شخصين متكافئين - طيب اسمحوا لى احكى قصة واقعية
قصة الفشل الذريييييييييييع
بدون مبالغلة عمركم شوفتم ولد وبنت متكافئين فى كل حاجة
العائلة - المستوى المادى - المستوى الاجتماعى - المستوى الادبى - حجم العائلتين - بالاضافة ان الولد والبنت بيحبوا بعض ونزود عليه ان البنت بتموت فى التراب اللى بيمشى علية الولد
فترة الخطوبة لمدة 12 شهر
أول 10 شهور بدون اى مشاكل سواء من قريب او من بعيد
اخر شهر ونصف من حياة الخطوبة مشاكل خفيفة يتم تداركها من الطرفين بسرعة
اخر اسبوعين قبل الزواج مشاكل مفزعة لكن الكل كانوا بيقولوا كبروا دماغكم وخلوا المركب تمشى
تم الجواز
اول اسبوعين شهر العسل فى شرم الشيخ - 14 يوم فى الجنة
الرجوع الى عش الزوجية لمدة 20 يوم تقريبا
كل الكلام ده حصل من حوالى 3 سنوات
من تاريخة وحتى يومنا هذا
حرب مفزعة بين الولد والبنت فى المحاكم وقواضى وفضايح وقلة ادب فوق الوصف
الغريب ان الاول كان الولد والنت عايشين ليل نهار فى المواضيع ديه أول سنة - لكن الولد زهق وكبر دماغه - تخيلوا ان البنت وأهلها والله العظيم حتى وقتنا هذا بيحاربوا علشان يأذوا الولد ده - الغريبة ان احد اقارب البنت قال لهم يا جماعة خلاص حاولوا تكونوا متحضرين وتنسوا المواضيع ديه - لكن لا حياة لمن تنادى
طيب دول كانوا على وفاق شديد فى كل حاجة
طيب ايه اللى حصل
وازاى ولد وبنت بيحبوا بعض وفى لحظة يعملوا كده فى بعض؟؟؟؟؟؟؟
يبقى لازم نركز قبل الخطوة ديه
اللى انا شايف ان الراجل بيتظلم فيها بنسبة 10000 %
الغريبة ان كل واحد عايز يتجوز بيقول انى مش لاقى واحدة محترمة يتجوزها وانا من الناس ديه
عارفين اللى بيلعب شطرنج بيبقى قدام عنية تحركات قوية جدا والمفروض يعملها لكن مش بيقبى شايفها بعكس اللى قاعد يتفرج على الماتش من بره بيبقى شايف احسن وبياخد قرارات احسن
انا بعد ما اتزوجت (والحمد لله رب العالمين على ما رزق) فعلا انا دلوقتى تقريبا قدامى اكتر من 100 بنت ممكن انى اتجوزهم - والغريب انى الاول مكنتش بفكر فيهم من الاساس لكن فجأة بدأت ابص بمنظور تانى للدنيا
اعتقد ان اهم حاجة الهدوء فى القرارات ديه وانا اسف فى اللفظ اللى هاقوله بس الرجال فرصتهم احسن من البنات بكتيييييييييييييييييييييي يييير وده لزيادة العرض من ناحية البنات يقابلة قلة الطلب من ناحية الرجال
نصيحة اخيرة الى كل الرجال - مفيش جواز قبل الثلاثين
فكره الجواز بالنسبه لي حاضره غائبه !!
بغض النظر عن موضوع الاعلانات دى بس انا شايف انه فى الاول و فى الاخر قسمة و نصيب, و طبعا مهما عملت مش هتغير حاجة فى النصيب!
بسم الله الرحمن الرحيم"قل لن يصيبكم الا ما كتب الله لكم" صدق الله العظيم
انا شايف ان موضوع توضيد العلاقات الاجتماعية احسن حل
يعنى مثلا حاليا انا بدور على عروسة, فى البداية بابحث عن الاصل الطيب و بعد كدة البنت نفسها من ناحية التدين و الاخلاق و .............
بس فى الاخر عمرى ما هعرف حتى لو قعدت خاطب 5 سنين كل صفات البنت دى لان مع اول مشكلة حقيقية بيبان الطبع و التربية فمش من السهل معرفة اذا كانوا الاثنين متوافقين ولا لا
انا شايف ان التوكل على الله و الاخذ بالاسباب ممكن يكون كبداية فى موضوع البحث عن شريكة الحياة!
بس هنا فى مصر نظرا لحالة الاكتئاب الحاد الشائعة و نظرا للظروف الاجتماعية و نظرا لحاجات كتير اوى متوقع لموضوع الزواج النجاح بنسبة 50%