الموضوع: عاوزين وقفة بجد ضد التوكيل

المشاركة الأصلية كتبت بواسطة محمد عز

ممكن بس تقولنا خلفيه عن المشاكل اللى عندك فى العربيه

والتوكيل عمل معاك ايه قبل كده

وايه نوع العربيه الرينو اللى معاك

أعتقد و الله أعلم هو لسه مراحش قبل كده بس هو متحفز شوية.....على أساس أن صيانة ال 5000 هى أول صيانة للعربية

المشاركة الأصلية كتبت بواسطة hardlive

السلام عليكم
انا خلاص علي وشك ان شاء الله اعمل صيانة ال 5000 وهاروح توكيل المقطم بس اعمل ايه لو روحت ولقيت استهبال منهم للمشاكل اللي عندي يكون ايه رد فعلي ؟؟
بمعني عاوز حد يقولي ايه الخطوات اللي ممكن اعملها لو لقيت معاملة وحشة اوتجاهل للمشاكل دي هل نعمل اعتصام جماعي ادام التوكيل مثلا ولا اروح جهاز حماية المستهلك؟
صدقوني لو مش لحقنا التوكيل من الاول كده هايتمادي في تصرفاته وهايقلد توكيلات تانية بنسمع عنها؟
احنا ملاك الرينو في مصر عددنا مش صغير وممكن لو صممنا نعمل حاجة هانعملها بجد؟
مش تهديد اد ماهو مطالبة بحقوقنا انا راجل دافع فلوس (حتي لو جنيه) يبقي اخد خدمة ومعاملة كويسة مع الخدمة .غير كده لأ..........
احنا مش سارقين فلوس العربية ولا بابي ومامي جايبهالنا... دي فلوس طالع عنينا بيها يعني يوم ماروح والاقي مهندس غير محترم يتنك علينا سوري مش عندي غير ال .......
بنقول توكيل كويس يبقي لازم يهتم بكل مشكلة سواء صغيرة او كبيرة من اي عميل عنده حتي لو عميل شاري عجلة عليها علامة رينو مش ينفض


انا مستني رايي الخبراء بتوع الموقع هنا واي رايي منهم انا موافق عليه طالما فيه المصلحة العامة

بص يا سيدى الفاضل............بفرض أن اللى حضرتك بتقوله حصل و هو أحتمال وارد مش هقول لأ

عندك مدير خدمة العملاء أ/عمرو أبو الفتوح راجل فى منتهى الذوق..........أدخله و هو هيظبطك....مكتبه على شمال المدخل و مكتب الأستقبال

بفرض برضه أنه معملش حاجة عندك أكتر من حل
1- تبعت أيميل لرينو فرنسا و ده له مفعول السحر
2- تشتكى فى حماية المستهلك

أنا عاوزك بس متبقاش متحفز عشان متبقاش مستنيلهم على غلطة.......و أتأكد أن التوكيل شغال بنفس الطريقة ( اللى معظمنا شايفها كويسة و محترمة ) من زمان و كان الأولى بيه لو عاوز يسلك نهج التوكيلات التانية اللى بنسمع عنها كان عمل كده من زمان.

و هو برضه بيتعامل مع الناس بنفس الطريقة من ايام ما كانت الكليو بتتباع زيرو ب 45 الف جنيه.............يعنى الموضوع مش موضوع فلوس.

و لو عندك أسئلة تانية تحت أمرك.

المشاركة الأصلية كتبت بواسطة hardlive

السلام عليكم
انا اولا مش اقصد اني اعمل حملة علي حد او اسئ لحد انا كل اللي اقصده اني حد يدلني في حالة لو روحت وحصل حاجة مش عجبتني اعمل ايه ادي كل الموضوع ....

لا انا روحت قبل كده توكيل العبور وكانت العربية عاملة 1000 كيلو وكنت بشتكي من السخونة والرعشة بتاعة الدواسة والفتيس والمهندس اللي قابلني قاللي انها عادية ومفيش حاجة والعربية زي الفل وفعلا مشيت من غير مادخل الصيانة لانه قاللي انها تهيؤات ولو فيه هاتروح مع الوقت ..
بالنسبة للمشاكل اللي عندي :
رعشة في الفتيس والدواسة
سخونة من تحت نازلة من ناحية الدواسات
صوت الماتور عالي علي الرغم اني خلاص قربت غلي 5000 كم
الببان قفلتها تقيلة بشكل باين اوي
عضة في المارشدير
صوت هوا بسمعه وانا سايق اعلي من 120 كم مصدره من ناحيتي بس منين بالظبط مش عارف
استهلاك البنزين مابين 8 و 9 علي الرغم اني طريقي مابين مصر الاسماعيلية الصحراوي والدائري ( القاهرة الجديدة)
خبط في العفشة من ادام بسمعه لو ماشي في حتة مكسرة خبط زي حاجة بتكسر
تاني انا هاقول انا مش اقصد اي اساءة لحد خالص لا توكيل ولا غيره

الرعشة على حد علمى من وحوش اللوجان ملهاش حل....و يا ريت حد يصححلى
السخونة بيتركب لها عازل فى التوكيل ببلاش
صوت الموتور مش هقدر أفيدك فيه هو و الأبواب
العضة أعتقد أن بيشوى كان قال أنهم حلوها فى التوكيل بس مش متأكد
باقى الحاجات محتاجة تجربة العربية.......و غالباً لو حاولت تخليهم يجربو سرعة أعلى من 100 كم مش هيرضو عشان دى تعليمات جايلهم بكده أنها حصلت معايا قبل كده

و بالتوفيق إن شاء الله و مفيش مانع أبداً أنك تنتقد التوكيل لأن أحنا هنا هدفنا مصلحة بعض مش مصلحة التوكيل.