الموضوع: مش حرام كده؟؟

المشاركة الأصلية كتبت بواسطة abav

يا جماعة العربية الصنى كل يوم سعرها بيقل ليه كده؟؟؟
ده اللانوس و الاسبيرانزا سعرهم ثابت حسبنا الله و نعم الوكيل
فعلا أبو الفتوح توكيل محترم
الشركة دى غير محترمة و لا تحترم العملاء القدامى أنا اشتريت العربية قبل التخفيض بأسبوعين
و كذبوا و قالوا إن التخفيض لفترة محدودة و بعد كده كل يوم سعرها بينزل حتى ال abs
كانوا بيقولوا فى الاول سعره2500 دلوقتى سعره 1000
أنا مش عارف هم عاوزين الناس اللى اشتريت العربية تكرهها ليه؟
ما يحاول يعمل مزايا تفيد الجديد و القديم زى تخفيض أسعار الصيانة قطع الغيار

Sure You have the right to be angry,

but lets take a helicopter view and look it from another point of view:

1- You will not gain anything from being mad and sad about Nissan.
2- This happens anywhere in the whole world, so if it happens in Egypt, we become angry, why?
3- This will let more Nissan Sunnys to be sold in Egypt, which will lead to a huge decrease in the spare parts prices, services and an increase in the resell value of your and my cars, as what happened for the Verna and the Lanos, which will be benefecial to You and me,

So please do not be angry as this will affect your mood,

Lets enjoy riding your beautiful car and enjoy its great performance.....

Sorry for the long reply



Cheers

حاجة غريبة و عجيبة لا يوجد وجه مقارنة من أساسه بين الصنى العربية اليابانية المحترمة للغاية و الأسم الكبير ذو التاريخ العريق و اللانوس الكورية (مع العلم أنى أمتلك لانوس بالأضافة للصنى) و الأسبرينزا الصينية الغير مصنفة من اصله حتى الأن من ضمن العربيات الموثوق فيها لو هناك مقارنة يبقى نقارن بين الأنترا و السيراتو و الصنى لأنهم عربيات فى نفس الفئة و التنافس بينهم على أشده هذه الأيام فهناك عروض و تخفيضات بينهم الثلاثة لزيادة نسبة المبيعات و بالتالى زيادة حصة السوق و بخاصة هذه الأيام بعد مشاكل تويوتا و هوندا و بعدين اللانوس و الأسبرينزا أسعارهم ثابتة لأن مبيعاتهم موجهة لمشروع التاكسى و غالبية مبيعات اللانوس و الأسبرينزا تاكسى فى الوقت نفسه رفضت نيسان رفضاً باتاً المشاركة فى مشروع التاكسى لأن النيسان الكلاسيكية و اسمها الكبير لا يسمح أدبياً أمام عملائها أن تنزل تاكسى عموماً الأختلاف فى الرأى لا يفسد للود قضية و لكن المهم الموضوعية فى المشاركات

ياعزيزى المهم الموضوعية و تحرى الدقة فى المشاركات بعيداً عن الأحلام و الأوهام العربيات فئات يعنى ممكن تقارن اللانوس و الاسبرينزا و الفيرنا و اللوجان حيث كلهم ينتموا الى فئة واحدة ( و أسعارهم قريبة) و يمكنك مقارنة الصنى و الأنترا و السيراتو حيث ينتموا الى فئة واحدة (و أسعارهم قريبة) و أؤكد لحضرتك أن كل مشاركاتى فى المنتدى بعيدة تماماً عن التريقة كلها جادة و هدفها تحقيق الأستفادة لكل أعضاء المنتدى و بدون مبالغة كل المعلومات عن السيارات أتابعها هنا من خلال هذا المنتدى المحترم و من خلال مشاركات الأعضاء الجادة و الموضوعية و مرة أخرى أقول الأختلاف فى الرأى لا يفسد للود قضية

لا لا ربنا ما يجيب زعل و لا خلاف كلنا أخوة و زملاء فى هذا المنتدى المحترم مهما اختلفت الاراء و لكن من حيث الوكيل و الأسعار حضرتك احنا كنا هنا من سنة فى المنتدى عملنا حملة اسمها خليها تصدى و كان هدفها محاربة جشع التوكيلات و التجار و بالفعل نجحت فى ضبط الأسعار بعد أن قلت المبيعات خلال 2009 و المبدأ السارى الأن اللى حايخفض السعر حايبيع و يستفيد و كذلك نحن كعملاء سنشترى و نستفيد و بالتالى الكل استفاد و العكس صحيح اللى مش حايخفض الاسعار مش حايبيع و عربياته حاتصدى و الجديد فى 2010 الحملات التسويقية الناجحة التى شملت تخفيضات و عروض ساهمت كثيراً فى زيادة المبيعات