اعتقد حضرتك محتاج تغير سير الدينامو و سير الباور و ان شاء الله الامور تبقى زى الفل
رقم العضوية : 26640
تاريخ التسجيل : 01Dec2008
المشاركات : 263
النوع : ذكر
الاقامة : zagazig
السيارة: none
السيارة[2]: corolla 99
دراجة بخارية: none
الحالة :
ازيكم يا شباب
انا بصراحة مش عارف احط موضوعي فين في قسم المشاكل
فقولت بما اني تويوتاوي فهحطها للتويوتاوية
العربية بعد ما خرجناها (من الركنة الطويلة سنة ونص)
دلوقتي بقت عند التشغيل الصبح او بعد فترة ركن كام ساعة
بتصفر
(طبعا مشكلة سيور)
ولكن الصفارة دي موجودة من زمان عادي
ومفيش حاجة
امبارح بقة
كانت الصفارة شغالة علطول طول ما انا ماشي
يجي حوالي 40 او 50 متر ولسة الصفارة ماشية
وللعلم
مفيش صوت صفارة لما تكون العربية فاضية (مش على غيار يعني)
قصدي يبقى صوت صفارة موجود وبعدين لما تدوس بنزين يختفي ويختفي خالص
بس لما تحطها على الاول مثلا او التاني وتمشي بتصفر مني وبتطول في التصفير
وكمان لاحظت صفارة خفيفة كده في بداية النقلة وخصوصا التاني لما تكون العربية اقل من
20 كم \ساعة ولما تعلى سرعة العربية او الار بي ام تفضل شوية وبتروح
ده اولا
ثانيا
وانا امبارح برضه (اصله كان يوم تهييس العربية)
كنت ماشي عادي وعلى التالت والسرعة حوالي 40 كم\ساعة وقولت اسحب شوية ورحت دايس على البنزين على الاخر خالص (جيبت الدواسة على الاخر)
العربية سحبت شوية وفجأة لقيت لمبة الزيت نورت وبعدها على طول لمبة البطارية وادوس بنزين
ومفيش استجابة (اصل العربية انطفت مني وانا مش عارف)
والكلام ده والعربية لسة ماشية على حوالي 50 كم\ساعة
ادور المفتاح العربية دارت وانوار البطارية والزيت انطفت وشوية علطول (ثانيتين مثلا) العربية بطلت تاني (الحمد لله الاشارة كانت قفلت)
رحت واقف بيها وسط الشارع عادي مع العربيات
وقبل ما الاشارة تفتح رحت مشغلها لقيتها اشتغلت تاني ومش كررتها تاني
بس دي اول مرة تعملها من عشر سنين استخدام يا جماعة وانا قلقان جدا
ثالثا (معلش تاعبكم معايا)
العربية الصبح مش بتدور من اول مرة حتى لو قرصت على الكونتاكت
ولكن تاني مرة من شعرة كونتاكت بتدور علطول
وملحوظة
(لمبة الزيت بتنور شوية وبعد كده تطفي)
انا حكيت على الموضوع بالتفصيل الممل علشان احاول ارسم صورة كاملة للمشكلة
وشكرا على صبركم
رقم العضوية : 22379
تاريخ التسجيل : 17Oct2008
المشاركات : 821
النوع : ذكر
الاقامة : الاسكندرية
السيارة: لا يوجد
السيارة[2]: تويوتا كورولا 2015
الحالة :
اعتقد حضرتك محتاج تغير سير الدينامو و سير الباور و ان شاء الله الامور تبقى زى الفل
اللهم انك عفو كريم تحب العفو فأعف عنى
رقم العضوية : 26640
تاريخ التسجيل : 01Dec2008
المشاركات : 263
النوع : ذكر
الاقامة : zagazig
السيارة: none
السيارة[2]: corolla 99
دراجة بخارية: none
الحالة :
طيب انا هكشف واشوف وربنا يسهلها
بس مش سير كاتينة صح؟
رقم العضوية : 97
تاريخ التسجيل : 23Apr2007
المشاركات : 11,050
النوع : ذكر
الاقامة : ManSOuRa
السيارة: coRoLLa 06
السيارة[2]: siRiOn 07
دراجة بخارية: ان شاء الله
الحالة :
سير كاتينة ميعملشي كده
ده شغل كهرباء لبنزين
وانا رايي انه بنزين لطرمبة البنزين لبنزين مش نظيف وشوائب فيه
عن أبي هريرة قال :
قال رسول الله صلى الله عليه وسلم :
إذا قال الرجل لأخيه :جزاك الله خيرا ، فقد أبلغ في الثناء
رقم العضوية : 26640
تاريخ التسجيل : 01Dec2008
المشاركات : 263
النوع : ذكر
الاقامة : zagazig
السيارة: none
السيارة[2]: corolla 99
دراجة بخارية: none
الحالة :
روحت للميكانيكي
ولقيت السيور مريحة شوية ظبط الشداد وانتهى الموضوع
وقولتله يكشف على سير الكاتينة وفك الغطاء وقالي ان السير ناشف وهيعوز يتغير
يا ترى السير من دول بكام
رقم العضوية : 28488
تاريخ التسجيل : 26Dec2008
المشاركات : 1,128
النوع : ذكر
الاقامة : Mansoura
السيارة: None
السيارة[2]: Yaris
دراجة بخارية: لايوجد
الحالة :
طبعا مع احترامى دا دليل انك ركنت العربيه سنه ونص ركنه غلط
يعنى لما تكون مسافر او مش هتستخدم العربيه لفتره طويله بيبقى فى شويه اجرائات لازم تعملها الاول
ماعلينا نخلينا لمشكلتك بقى المفروض انك كل فتره وانتا راكنها تخلى حد يشغلها باستمرار كل 3 ايام او اسبوع بالكتير لتفادى صدا البساتم وتلف السيور والحفاظ على الطرمبات والدينامو والتاكيف وال وال وال ......
حتى يقولك من الحاجات الى تقصف عمر العربيه على طول الركنه الطويله
دلوقتى حضرتك مافيش ادامك حل غير انك تصلح العيب بالظبط ودا فى مركز متخصص يعملك كشف على العربيه كلها من الاول للاخر كدا
يا اما تشد على نفسك حبه وتغير كل الكلام الى عندك دا يعنى تعمل صيانه كبيره حبه
زى تغيير سيور كلها وتغيير الفلاتر كلها والزيوت كلها
واهم حاجه قبل ما تعمل كدا اطلع بيها على الطريق السريع وسافر بيها مشوار محترم كدا وزود سرعتك حبه بس مش اوى وارجع تانى بيها وشوف حصل تحسن ولا لا
لان يمكن العيب يروح من السفر على الطريق لو فى اى شائب او وساخه فى مجموعه البنزين والماتور والسيور ولا اى حاجه هتروح مع المشوار الطويل
شوف كدا ولاغينى تانى
رقم العضوية : 26640
تاريخ التسجيل : 01Dec2008
المشاركات : 263
النوع : ذكر
الاقامة : zagazig
السيارة: none
السيارة[2]: corolla 99
دراجة بخارية: none
الحالة :
اصل الوالد كان مسافر وانا مش معايا رخصة ولكن انا لسة مطلعها
احنا كنا رفعنا العربية وجيبنا ميكانيكي رفعها
وباين فعلا هنحتاج مشوار كبير نجري عليه
اما عن التغيير
الكل قال الزيوت حلوة
زيت لباور وزيت الفرامل وغيرت زيت الموتور وقالولي برضه ان فلتر الزيت حلو مفيهوش حاجة
وان شاء الله بكرة كده ولا كده هنضف فلتر الهواء وهرش الاسبراتير بسبراي (صاحبي قاللي عليه) علشان ينضفه
اتفضل فلتر البنزين واعتقد انه مش محتاج تغيير لان العربية قبل ما تدور بعد الركنة الطويلة دي كانت شرقانة والراجل فصل خرطوم الزيت وقعد يشفط يشفط (متفهمش بيبلعو ولا ايه خخخخخ) المهم وراح جاي كب البنزين جوة (معرفش فين) بس الظاهر انه كان فك الفلتر بتاع الهواء وكب البنزين جوة (مش هعرف افهمك) ولكن العربية دارت علطول
طبعا قعد يدوس بنزين يدوس بنزين لدرجة اني كنت هزعقله من كتر ما كان صوت المتور عالي (والله سمعني صوت عمري ما هنساه ابدا خخخ امال الفيراري والحاجات دي لما مواتيرها بتزرجن وبيعلى صوتها بتعمل ايه)
المهم
العربية طلعت هباب اسود زي ما يكون جرار مش عربية كورولا ابدا
وقعدت تدخن وهو يدوس بنزين يجي 5 دقايق وبعدها رجع العادم لحالته الطبيعية وانت عارف الميكانيكية بقة قعد يجري بالعربية وياخد بيها غرز وسط العربيات وانا حاطط ايدي على قلبي وبدعي ربنا انه يسترها
والفرامل شغالة وزي الفل والهاند شغال الدريكسيون مش كان بيرد وظبطته فاضل التكييف اكيد هيعوز يتنضف ويتشحن فريون
نرجع للموضوع الاصلي والاهم
الراجل قالي سير الكاتينة ناشف (بصراحة مشفتش فيه تشققات) بس هو قالي غيره احسن وانا بصراحة مش عارف
لان الوالد من الناحية التانية بيقول انا لسة مغير سير الكاتينة ومش تسمع كلام الميكانيكية وعربيتك حلوة وكلام من ده
انا بقة اعمل ايه
اصدق اللي في السعودية ولا اصدق الميكانيكي
على فكرة انا معرفش مراكز في الزقازيق
الميكانيكي عندنا في الحتة وواحد تاني من ناحية ناس معرفة
احل الموضوع ده ازاي؟
رقم العضوية : 26640
تاريخ التسجيل : 01Dec2008
المشاركات : 263
النوع : ذكر
الاقامة : zagazig
السيارة: none
السيارة[2]: corolla 99
دراجة بخارية: none
الحالة :
اعرف ازاي انه ناشف زي ما بيقولو؟
سير الكاتية اعرف ازاي انه ناشف؟
رقم العضوية : 28488
تاريخ التسجيل : 26Dec2008
المشاركات : 1,128
النوع : ذكر
الاقامة : Mansoura
السيارة: None
السيارة[2]: Yaris
دراجة بخارية: لايوجد
الحالة :
مممممممم ياعم سير كاتنه ايه مش محتاج يتغير ماتقلقش اصله مشرشر
وزى ما قولتلك اطلعلك طلعه حلوه كدا امشى بيها فتره علشان لو البوجيهات لو رطبت من البنزين الكتير الى دخلته دا تتظبط امشى بيها بس كتير على طريق سريع وزود سرعتك وكدا وهتلاقى كله تمام
المفضلات