استكمال وصف الفيرنا الفيفا
8 - فيها سماعتين فى الابواب وسماعتين ورا
11 - بصراحة استهلاك البنزين لسه ماحسبتهوش بس سمعت من المجربين قبلى ان استهلاكها كويس جدا
13 - الوانها للأسف قليلة جدا ( اسود - ذهبى - فضى - سماوى خفيف ) واحسن الالوان هو الأسود
15 - انا حاسس ان الصوت بتاع الموتور عالى شوية - بس ناس تانى قالوا لى لا ان ده العادى - يعنى مش عارف ياريت حد يفيدنى فى النقطة دى
بخصوص هذه النقط اللى انا كنت كتبتها فى مقدمة الموضوع ده احب بس اعدل شوية :
8 - السماعتين اللى ورا موجودين ولكن تشغيلهم صعب - يعنى انا لغاية دلوقتى مش عارف اشغلهم ازاى؟ هل ده عدم فهم منى والا فى عيب مثلا او سلك مفصول او حاجة ؟ لو حد فاهم يقوللى
11 - استهلاك البنزين حلو جدا جدا عن تجربة
13 - الألوان زادت - نزل كمان ابيض - واحمر طوبى كده - ونبيتى
15- صوت الموتور عادى وانا اللى مقلق بزيادة وده نتيجة تجربة وسماع اصوات موديلات مختلفة اخرى من هيونداى
معلومات اضافية مرة تانى عن الفيرنا المستوردة - الفيفا
معلومات اضافية مرة تانى عن الفيرنا المستوردة - الفيفا
1 - فعلا مافيش سماعات ورا - فتحت الشنطة واتاكدت ان مافيش غير قدام بس
2 - معدل استهلاك البنزين علما بانها 1500سى سى - داخل القاهرة ( اللتر = 10.8 كم بالضبط ) ومش عارف ده معدل اخباره ايه لكن ناس قالوا لى انه حلو - لو حد عنده معلومة زيادة يقول.
3 - نزل الوان كتير تانى منها بعد ماكانوا اربع الوان بس فى اواخر نوفمبر 2007 كانوا اسود وذهبى وفضى وسماوى خفيف
نزل كمان ابيض واحمر طوبى ونبيتى ورمادى غامق وبصراحة الاربع الوان الجداد احلى من بعض كلهم
4 - قطع الغيار والصيانة متوفرة حسب اعلانات غبور فى الجرايد - بنفس اسعار وتكاليف صيانة الفيرنا المصرية
5 - اكتشفت ان الفيرنا المصرى مافيهاش مرايات كهرباء فى الفول اوبشنز بتاعها - دى فيها مرايات كهرباء
6 - المراية اللى فى النص اكن مالهاش اى لازمة خصوصا وان الشنطة عالية والكنبة كمان ظهرها عالى وده مقرف فى الركن شوية - باحاول اتعود عليه
وسأكمل الملاحظات تباعا لو فى جديد وانتظر الإفادة والتعليقات والنصائح من الأعضاء المحترمين
شكرا