اهلا بيكي امة الله عنصر نسائي جديد في نايل موتورز تورتي المنتدى يا جميل
على فكرة النك نيم بتاعك رائع وكنت بستخدمه زمان في المنتديات بس عربي
تصدقي بالله كنت لسه بفكر النهارد وبقول لنفسي طول عمري بحاول ارضيها وبعمل معاها اللي مش بعمله مع مامتي ولا بناتها بيعملوه معاها وديما كنت احث زوجي على ان الام لازم تكون مميزة في الهدايا هو بار بيها والحمد لله بس لما كان يهاديها كان هداياه ليها عادية زيها زي خالته مثلا
وانا اللي علمته يجيبلها الدهب وكلها حاجات قيمة زي الاساور والكوليهات لاني عارفه ان الستات بيحبوا الدهب وعمر ما قيمته ما تتغير
وفي نفس الوقت عمرها ماوقفت جنبي او قالت لي كلمة حلوة لدرجة ان من كام سنة تعبت ورقدت في السرير شهرين تلاته مسألتش عني
بصراحة هي اول مرة تقف جنبي في حياتها الفترة دي لاني تعبت جامد ومكنتش بتحرك من السرير
المهم سألت نفسي انا كنت بعاملها كويس ليه ؟؟؟
لقيتني بقول لوجه الله فقط لا غير انا مش هستفيد حاجة لو عاملتني كويس ومش خسرانة حاجة من سوء المعاملة
قلت عشان كدة ربنا مبارك لي في كل حاجة والحمد لله وعمري ما تمنيت حاجة إلا وربنا حققها لي
الخلاصة عايزة اقول عامل الناس عموما كويس هتلاقي ربنا عوضك بطرق اخرى
المفضلات