النهارده برضه كنت في التوفيقيه لقيت فيه نوع صيني اسمه فيردي verdi عامل 370 جنيه للجوز الامامي او الخلفي .
وده تليفونهم اولاد مختار الهواري 25744839& 0123519173
عرض للطباعة
النهارده برضه كنت في التوفيقيه لقيت فيه نوع صيني اسمه فيردي verdi عامل 370 جنيه للجوز الامامي او الخلفي .
وده تليفونهم اولاد مختار الهواري 25744839& 0123519173
الف شكر لوائل علي الموضوع القيم ده عادته دائما وكمان الف شكر لعفرتوا علي مشاركته لمعلوماته المفيده
nice work
بس فيه نقطة غريبة شوية... انت بتقول فى ارابكوم كان فيه طقم بتاع نوبيرا عبارة عن المساعد الداخلى فقط من غير الطبق و الكلام دة... اللى اعرفة ان مساعد النوبيرا بيجى كامل... يبقى ازاى الطقم الكونى كان بالشكل دة؟؟
http://i83.photobucket.com/albums/j3...ouh/nubira.jpg
انا دخلت على سايت كونى بس للاسف مفيش صور للمساعد... و من صور مونرو انا شايف ان ممكن فعلا الشمعدان يتفك و يطلع القلب منة بس هما بيغيروا الشمعدان كامل ليه مش فاهم... حتى المساعدين الKYB بتيجى بالشمعدان كاملة
الظريف فى الموضوع ان مساعدين اللانوس الاماى بيتغير القلب فقط و معمول صامولة عشان تفكها و تطلع القلب من الشمعدان... لحد دلوقتى مش فاهم ايه الحكمة
عموما ايا كان السبب المهم انك ضبطت العربية و الف مبروك و ربنا يكفيك شرها... انا سالت على المساعدين الكونى للانوس و لقيتها غالية عليا... مازلت بفكر فى السوست الابكس بس خايف من تهبيط العربية فى المطبات الخزعبلية اللى فى البلد خصوصا ان دى عربية عائلة....
MMamdouh
باشمهندس محمد طبعا يشرفنى زيارتك وردك.
بص ياباشا أنا كانت أول مرة ليا أشوف النوع ده من المساعدين وأول مرة أعرف انه بيتركب فى النوبيرا لأن مساعدينها زى الأوبترا بردو (بطبق...)
دى صورة أنواع المساعدين من كونى واللى أنا جبته هوا النوع اللى فى النص ( زى متقول بيكون يونيفرسال لكل العربيات)
http://www.koni-na.com/uploadimages/...rt-graphic.jpg
فكل اللى عمله انه نشر الحته اللى فوق فى المساعد الاستوك وراح مدخل القلب جواه ( المساعد الكونى)
عشان كده الصامولة دى موجوده فى المساعد بتاعك عشان يتركب القلب منها.
السوست الأبكس جامدة بس أوعى تركبها من غير مساعد رياضى والا هتلاقى العربية عمالة تتنطط فى أهيف مطب ( زى النص نقل الصندوق وهيا محملة ).
ربنا يوفقك يامحمد ولو عرفت سكة فى مصر للأبكس تبقى تسألى على بتوع الوبترا ( هيا ليها بس مش لاقيهم هنا).
اكيد يا باشا
MMamdouh
معلش يا جماعة هل ممكن اغير المساعدين بعد سنتين بس مع العلم اننى عندى سيراتو 2008
و بشتكى من العفشة من اول يوم
منين اشترى المساعدين الكونى و اجيب اربعه ولا اثنين فقط و هما بكام