ولا حتى الزوجة طالما ممكن تتغير
عرض للطباعة
بصراحه و بدون زعل... صاحبك لا يطاق 5 دقائق على بعض, و وجهة نظري لو باقي عليه و عايز مصلحته...
اتفق انت و كل اصحابكوا انكم هتتكلموا معاه و تقلوله ان اللي بيعمله ده مش معاملة بني آدمين طبيعيين
و احنا مش قادرين نستحمل لأن كل واحد أصلا عنده اللي مكفيه, و انت بصراحه فيك كذا و كذا و كذا .....
و الكلام ده ماينفعش, ممكن نغير الكلام ده أهلا و سهلا و احنا حبايب, قافش و هتعيش اللحظه, شوفلك صحاب غيرنا
لأنك ماينفعش تعاملنا اقل بكتيير من ما بنعاملك, و ماينفعش ماتقدرناش, و ماينفعش...........
و لو ماستجابش و اتغير بالتدريج واحده واحده, تقاطعوه بجد كلكوا, و ساعتها هيحس ان الموضوع بجد
و مش ممكن يعيش من غير صحابه اللي معاشرهم و واكل معاهم عيش و ملح, فهيفكر و يتغير بجد
يا إما هو كده و مش هيتغير و ساعتها و بكل صراحه ده مش صاحب أصلا و مايتعاشرش بالأمانه...
صاحبك هو اللي يخاف عليك و فرحك من فرحه, و زعلك من زعله, مصلحتك هي همه, و تلاقيه جنبك وقت الجد,
صاحبك هو اللي باقي عليك, هو ظهرك, هو اللي يقدرك....................
و صفات تانيه كتييير جدااا لازم تكون في (الصاحب اللي بجد)
ده رأي بكل صراحه و أنا لو مكانك هعمل اللي قلتلك عليه بالظيط, و ربنا يكون في عونك و عون اصحابك
اتمنى ماتكونش زعلت من كلامي, لكن انا بكلم بكل صراحه والله...
افقعوووووووووه علقة محترمة واشنقوووووه رميا بالرصاص ههههههههههههه بهزر معاك
احسن حل لصحابك تتجاهلو فترة لأن اللي هو فيه ده غلط دي من سمات العيال كل شوية يتقمص اومال لما يجوز هيعمل ايه
لو هوة متعمد يعمل كدة
يبقى
..................
لو هوة غشيم ومش عارف يتعامل فعلا مع الناس
يبقى تفهموه
إذا المرء لا يرعاك إلا تكلفا ...... فدعه ولا تكثر عليه التأسفا
ففى الغير أبدال وفى الترك راحة ........... وفى القلب حب حبيب ولو جفا
مش لاقى احسن من كلمات الإمام الشافعى ارد بيها على موضوع صاحبك ده كلمة صاحب دى كبيرة قوى لكن اللى بيعمله الشخص ده ابعد ما يكون للصداقة
الصداقة مسئولية وواجب وحاجات كتير عيشة على المر قبل الحلو لكن ده واضح إنه إنسان مش سوى عايز ناس يطلع عليهم عقده وبصراحة بيكون انسب حل للناس اللى بالشكل ده انه يدخل الجيش كان عرف إن الله حق بس نعمل إيه بقى حظهم حلو .
الاول ممكن اسال شويه اسئله
انت شايف ايه كويس في صاحبك ده
ما هي المواقف الجيده التي مرت بكم والتي تتذكرها جيدا
هل حصل مره وندل معاك نداله جامده يعني اتزنقت ومنجدكش
ياتري تعرف حاجه عن طريقه اداره البيت عنده
يعني مين المسيطر في البيت السيد الوالد (وده احتمال بعيد)
ولا الوالده (وده الاقرب لان الطباع دي طباع نسائيه بحته)
مين اكتر انسان ممكن يسمع له
لو قدرت تجاوب علي الاسئله دي يبقي انت مش محتاج رد تاني مني انت هتفهم لوحدك