الناس مالها و الله ما عارف
بقى فى ناس كتير بتنزل علشان تغلس على الناس او تسابق و متعديش حد كأننا فى حلبه سباق واللى هيوصل لاخر الشارع الاول هو اللى يكسب
انا حصل معايا موقف و كنت ها أكتب عنه و بعدين قلت الناس مش ناقصه هم كفايه اللى بيشوفوه
الزمان الاربعاء اللى فات الساعه 2 بعد نصف الليل , والدى الله يعطيه الصحه و العافيه تعب جد فنزلنا نوديه الطوارىء فى مستشفى السلام الدولى
المكان كورنيش النيل من المعادى الى المستشفى
واحد ظريف ماشى بالعربيه هادى جدا يمكن 50-60 فى الشمال ,و اليمين على الكورنيش ممكن تلاقى ميكروباص او تاكسى واقف , المهم الطريق رايق جدا و فاضى انا واخد سرعتى 100-120 لغايه المحكمه الدستوريه و قابلت اخينا قلبت نور و زمرت مش بيوسع حاولت اخد يمينه نفس الحركه البايخه بيزنق عليك . وانا مش عاوز اخش فى مهاترات علشان المريض اللى معايا
المهم عديت منه سخن جامد وبقى يشد سيبته يعدى وكبرت دماغى نفس الحركات اللى فاتت .
على الكوبرى اللى قبل النيل بدراوى شديت جامد من نرفزتى منه وعديته واديت اشاره يمين للمستشفى و هوا لازق ورايا وفاتح النور العالى المهم هديت شويه شويه لانى لو فرملت هيدخل فى العربيه .
و بقيت عاوز اقوله و اقول لنفسى و اقول لكل الناس .اعطى الناس عذرها مش اى واحد بيقلب نور او عايز يعديك بيقسم عليك و خلافه , ممكن ليه عذر يخليه يجرى او يعدى منك سيبه وده مش هيأثر على سمعتك فى حاجه لو خليته يعدى ولا هيخليك سواق جامد جدا انك تعطله
لازم الناس تعذر و ترحم الناس
المفضلات