المشاركة الأصلية كتبت بواسطة ahmedcooper
مع كل إحترامى لكل المشاركين سواء كانو متسائلين أو مجاوبين أو حتى بيفتو الموضوع بتاع الديفيل دة أنا وكتييييير أوى من الأعضاء ردينا علية وأتمنى تكون دى أخر مرة(مع إنى عارف إنى بحلم) في اسس علمية لازم نعرفها عن نظم خرج العادمexhaust system
1-كل عربية ليها نسبة ضغط معين داخل غرفة الإحتراق و داخل ماسورة إخراج العادم ودى لازم تبقى متناسبة لأن الضغط إللي جوة الموتور دة هو سبب الحركة فنتخيل مثلاً إن فى 3 أشخاص واقفين مع بعض
x بينفخ فماسورة مسودة
y بينفخ فبلونة
z بينفخ فالهوا
فى حالة x الراجل هينفجر من الضغط العالى
فى حالةy هيكون فى ضغط مناسب لنفخ البلونة وعدم إنفجار الراجل
فى حالةz مش هيكون فى ضغط والراجل هينفخ عالفاضى و هيتقطع نفسة ويموت
زى الموتور بالظبط فى الحالة الأولى الموتور هينفجر وفى التانية الموتور هيبقى زى الفل وشغااااااااال يونيفيرسال وفى التالتة الموتور هيبقى ضعيف والتسارع بطييييىء ومفيش عزم
2-وظيفة الشكمان الأصلى 1-تقليل الصوت 2-تنظيف العادم 3-تنظيم إندفاعات الهواء الخارج من غرفة الإحتراق 4-الحفاظ على الضغط فى غرفة المحرك
*بنشوف كتيير شباب راكبين 128 (سماوى) و حاطط لها ديفيل واسع فبنلاقى الموتور بيشحر والعربية مش قادرة تمشى أساساً لأن الموتور فقد الضغط فجأة
*والأستاذ إللى قال إن كل العلبة ما كبرت كل ما الصوت زاد فدة غلط فمثلاً ال128 صوتها أعلى من المازدا 3 مع إن علبة ال128 أصغر من علبة المازدا3
* إلى بيركب هيدر أو ديفيل أو يوسع المواسير من غير ميسقط موتور أعلى أو يركب تربو.....إلخ فدة جاب أجل العربية والعكس إللى يعدل الموتور وميعدلش نظام الإخراج فدة بردة هيجيب أجلها لإنو كتم الموتور كتمة سودة أرجو 1-إنى أكون قدمت شرح وافى للموضوع 2-إن الموضوع ميتكررش 3-إن إلى ميعرفش ميتكسفش يسأل لإن السؤال مش عيب العيب هو الإفتاء 4- إن إللى ميعرفش يقول عتس