محتـــــــــــــــــار ياريت حد يقوالى يجماعه فورد فيستا99 ولا فايت بونتو 94

**DR.M** · 06-03-2010 02:44 PM

بونتـــــــــــــــــــــ ــــــــــــو

**ahmatar** · 06-03-2010 10:19 PM

سيارة فيات بونتو

**srm** · 09-03-2010 01:04 AM

بص انا حكيلك عن تجربه شخصيه ليا مع البونتو يمكن تفيدك......انا اشتريت فيات بونتو من حوالى سنه والله العظيم ندمت جدا ان انا جبتها وذلك للاتى
-اولا العربيبه دى هاف انجكشن يعنى لاهى انجكشن ولا هى كربيراتير بيتنزل برشاش واحد بس ولو فتحت كبوت العربيه هتلاقى على الشمال جهاز غريب كده اسمو الكمبيوتر بتاعها الجهاز ده لو حصل فى عطل او باظ العربيه مستحيل تمشى الا لما تجيب واحد زيو والجهاز ده صعب جد انك تلاقيه وغير كده غالى جدا ده لو لاقيتو وتقريبا الجهاز ده موجود فى العربيه لانها هاف انجكشن ...على فكره الجهاز ده بردو موجود فى البولو 94 و 95 عشان كده حاول تبعد عن البونتو والبولو لوجود الجهاز الغريب ده اللى اسمو الكمبيوتر بتاع العربيه
-فى ناس كتير هتقولك دى عربيه فيات واتلفيات قطع غيارها موجوده ورخيصه الكلام ده لو تهجيس .......انا معاك اه ان الفيات قطع غيارها رخيصه بس الكلام ده ينطبق على الفيات القديم زى 128 و 132والريجاتا انما العربيه دى والله انا كنت بتعب عشان الاقيلها حاجه وفى الاخر كنت بجيب مستعمل عشان مفيش جديد
-مره قبل كده دراع الكهربا والاشارات بتاعها باظ طلع عينى على ما لقيتو عند واحد بس وقالى هديهولك ب300 ج ومرضيش ينزل ولا مليم عشان عارف انى مش هلاقيه الا عندوومره تانيه طرنبه البنزين باظت برد وركبت بتاعت النوبيرا عشان بتاعتها مش موجوده
-من الاخر انا اتخنقت من العربيه دى جدا عشان كل شويه تبوظ فيها حاجه ومش بلاقى قطع الغيار وبعتها وخسلرت فيها حوالى 5 الاف
-ممكن يكون لان العربيه اللى انا جبتها مكنتش كويسه او لان العربيه اصلا قديمه بردو شويه 94
-المهم انا مخنوق جدا من العربيه لو حابب تشترى حاول تجيب حاجه تكون معروفه وقطع غيارها موجوده ورخيصه وربنا يوفقك

**hanyalmasry** · 09-03-2010 04:53 PM

الف الف الف الف شكــــــــــــراا يا باشا والله انا مش عارف اشكراا اذاى بس بجد على حق اليقال اسئل مجرب ولا تسائل طبيب وانا بجد بدائت افكر فى الابيزا وربنا يكرم بحاله كويسه يارب