:: جاجوار تستدعي سيارات بسبب مشكلة بالمحرك تؤدي لتوقفه ::

**AMA** · 04-03-2010 02:35 AM

اللهم ماصلى على النبى
أعرق الشركات الأسيوية و الأوروبيه و الأمريكية فيها مصايب و الصين دلوقتى بتتوسع
والله فى خلال سنتين كدة هتبقى الصين دى أعلى مبيعات سيارات فى العالم سواء كانت جيدة أو غير جيدة دى ناس عايزة تشتغل مش عواطلجيه

**Mostafa.Mahran** · 04-03-2010 02:40 AM

فاضل ان شركة فيات تستدعى السيارات ال127 لوجود عيب خطير فى رشاشات المية بتاعة المساحات والذى يؤدى الى انقلاب العربية على السرعات العالية

**Sharky** · 04-03-2010 09:25 AM

المشاركة الأصلية كتبت بواسطة أبو عبدالله

ايوه اوروبي
الرينو الكليو وعن تجربة وحصل حادثة كمان بسبب ان طرمبة البنزين كانت بتقطع وفصلت والعربيه ماشيه على الطريق

ياريت لو عند حضرتك اثبات أو دليل ان العيب دا عيب صناعة و شائع و ليس عيب بنزين مستخدم بدل الكلام المرسل

**modiabbas** · 04-03-2010 12:34 PM

المشاركة الأصلية كتبت بواسطة Eng.Mostafa Mahran

فاضل ان شركة فيات تستدعى السيارات ال127 لوجود عيب خطير فى رشاشات المية بتاعة المساحات والذى يؤدى الى انقلاب العربية على السرعات العالية

ههههههههههههههههههههههههه ههههههههههههههههههههههههه ههههههههههههههههههههههههه هههههههههههههههههه

موتنى من الضحك حرام عليك ههههههههههههههه

على اساس انها بتجيب سرعات عاليه

بهظر معاك

بس انا وقعت من كتر الضحك

**أبو عبدالله** · 04-03-2010 01:08 PM

المشاركة الأصلية كتبت بواسطة sharky

ياريت لو عند حضرتك اثبات أو دليل ان العيب دا عيب صناعة و شائع و ليس عيب بنزين مستخدم بدل الكلام المرسل

الدليل انك تسأل في التوكيل او ملاك الكليو كام واحد غير طرمبة البنزين داخل الضمان وانت ساعتها تعرف
وبعدين انا بقول تجربة شخصية مش رأي شخصي او كلام مرسل ياريت تفرق بين الأتنين
وحضرتك انا قرأت هنا الكثير عن تغيير طرمبة البنزين في عربيات رينو والفرنساوي عموما في وقت لا يتعدي سنتين للعربية او اقل كمان وكيلو متر لا يتعدى 100 الف
وده مش موجود في اغلب عالم العربيات
والمنتدى موجود وممكن تبحث فيه لو مكنتش شوفت الكلام ده

**Sharky** · 04-03-2010 01:56 PM

حتى الان الكلام عن تجارب فردية و لا يوجد اثبات أو دليل انها شائعة فى كل سيارات كليو فى العالم أو انها عيب صناعة

شكرا لك

**kareemhisham** · 04-03-2010 01:59 PM

المشاركة الأصلية كتبت بواسطة sharky

حتى الان الكلام عن تجارب فردية و لا يوجد اثبات أو دليل أو خبر من على الإنترنت انها شائعة فى كل سيارات كليو فى العالم أو انها عيب صناعة

شكرا لك

طب بلاش نتكلم على الرينو كليو ..

عشان لسه شايف استدعاء ليها في 2007 .. بسبب مشكلة اكبر من موضوع طرمبة البنزين بكتيير

**Sharky** · 04-03-2010 02:08 PM

المشاركة الأصلية كتبت بواسطة kareemhisham

طب بلاش نتكلم على الرينو كليو ..

عشان لسه شايف استدعاء ليها في 2007 .. بسبب مشكلة اكبر من موضوع طرمبة البنزين بكتيير

و ليه بلاش الكلام عليها :)
يا باشا و ايه المشكلة لما يكون عندها إستدعاء !

ما أحنا قلنا دا لا يعيب الشركات و كل الشركات بستدعى سيارات و شئ طبيعى انها يكون عندها عيوب

لكن اللى بيعيب شركات السيارات الأنى

شركة عندها مشاكل متعلقة بسلامة و امن الركاب (و ليست مشاكل عادية ) و كانت عارفها و وفرت 100 مليون دولار بدلا من لإصلاح العيب و تجاهلت شكاوى الملاك و تأخرت فى التعامل فى مع السيارات المعيبة

و فى الأخر يتم الإستدعاء بعد الضغط عليها و التهديد بعقوبات :)

لو فيه اى شركة فى العالم بما فيها رينو عملت كده
تبقى شركة غير محترمة و لا أثق فيها