لا هو موضوع النزول من العربية هنا مبيحصلش في مصر كتير لإن في عمال في البنزينة هما اللي بيفولوا العربيات واحنا يدوب نفتح التانك وبس.
لكن بره الناس هي اللي بتنزل تفول عربياتها بنفسها مبيكونش في عمال خدمة عند مضخة البنزين اصلا.
وفعلا انا شوفت كليب ع اليوتيوب عن شخص أجنبي نزل من عربيته حط خرطوم البنزين في التانك (زي ماهما متعودين) وتقريبا كان لابس حاجة صوف فمجرد ما جه يفول طلعت حريقة من تانك البنزين (بفعل شحنات الكهرباء الإستاتيكية المنبعثة نتيجة التفاعل مع الصوف) والعربية كانت هاتولع وغالبا لحقوها.
بس موضوع الموبايل ده خطير فعلا وكتير مبياخدوش بالهم من خطورته.
الاخطر من كدة بقي موضوع التدخين انا مرة لاقيت واحد في محطة بنزين جاي يغير زيت لعربيته (وكان دوره قبلي) وواقف يدخن سجاير اترددت شوية اني انبهه لخطورة الموضوع بعدين قررت اقوله لاقيته بيبتسم ويقولي متخافيش انا بعيد فمفهمتش يعني هي الناس بقت مستهترة للدرجة دي ده ممكن يولع في المنطقة كلها بسبب حتة السيجارة دي.
وشكراً لصاحب الموضوع
المفضلات