تقبل العوض لو حد خبط عربيتك؟
أنا عملت الموضوع ده علشان عايز أعرف لو لا قدر الله حد خبط عربيتك :_Alshmokh08[1]: تقبل منه عوض ولا لأ؟
فيه ناس كتير بيقولوا أنا مأبلش عوض و ربنا يعوض علينا و كلام كتير من ده.
أنا شايف إن المفرض "من أفسد شيء فعليه إصلاحه". تخيل كده لو واحد عمال يخبط في عربيات الناس (مابعرفش يسوق أو مستهتر، مش فارقه) و كل مره يمشي من غير ما يحس بأي مشكله خصوصا بأه لو عربيته قديمه. يادوبك يقولك :Zb_sor1[1]:.
أنا هاحكي حكاية واحد للأسف إنه صاحبي.
الباشا كان عنده عربيه فيات 125 صاجها حديد. كان كل مشوار يخرجه يخبط عربيه - يحك عربيه - أي حاجة. والله كان كتير بيخبط عربيات زيرو و كل مرة بتعدي من غير أي عقاب. إحنا كنا بنقول إنه غشيم مابعرفش يسوق وكنا بنقولوا حرام عليك عربيات الناس و مافيش فايده.
المهم إن بعد كده ربنا كرمه و جاب عربيه لانوس. بقى ماشي بيها زي ال....* و بيحافظ عليها جدا لدرجة إنه مشي بيها حوالي 35000 كلم بدون أي خربوش. مره بقى و هو ماشي في حاله، عربيه سايقهاراجل عجوز خبطت فيه من ورا و كسرتله فانوس. الواد قلب الدنيا لغاية لما خد من الراجل 200 جنيه ثمن الفانوس.
للأسف إن في ناس كتير بالنوعيه دي و لو كل مايخبط واحد يدغع ثمن التصليح هياخد باله.
يا سيدي اللي مش عايز ياخد عوض في عربيته يطلعه صدقة لأي غلبان يبقى اللي خبطه إتعلم وهو أخذ ثواب و في واحد غلبان إستفاد.
أرجو من الجميع المشاركه في التصويت علشان أنا عايز أعرف إذا كنت أنا باتكلم صح ولا أنا مفتري.