اهلا و سهلا بيك في قسم النيسان و في المنتدي كله
انا من ملاك ال ex اوتوماتك موديل 2007 و شاريها مستعمل
الصني عربيه حلوه و ان كانت اقل في اوبشنز الدلع الموجوده في عربيات كتير كوري و ياباني حاليا
طبعا اوبشنز الدلع دي مش الزجاج الكهربا و الباور و التكييف
انما تابلوه حديث تكييف تتش او توزيع هواء منفصل لكل راكب و باقي الاوبشنز دي
و علشان تجميع مصري و بابشنز اساسيه فسعرها مناسب للي عايز يركبها
لو هتشتري السوبر صالون فمبروك عليك بس الاول انزل اقعد فيها و ظبط الكرسي بتاعك و شوف هتناسب حجمك و غرضك من العربيه ولا لأ في اي معرض عربيات عارضها
و لو انتويت جديا عليها اكشق مش بس في التوكيل ده كمان في البنزينه و تترفع و يتبص عليها و تفصصها مللي مللي
انا اتلسعت للاسف في كشف عن عربيتي قبل الشرا في مودرن موتورز البوابات
فأكشف عليها كويس و ربنا معاك
و بالنسبه للمشاكل و المميزات قلب في مواضيع القسم علشان ممكن اي شخص يكون متحيز للعربيه او ضدها انما المناقشه العامه لعيب او ميزه بتتيح انك توصل للحقيقه
المفضلات