الموضوع: لوجان و سير الكاتينه

بالظبط ...... سير الكاتينة بيتغير عادة بدري قبل تلفة كنوع من الصيانة الوقائية Preventive Maintenance

لسبب انه لو تلف بيتسبب في تلف وش السلندر و الصبابات ..... يعني ده من الأجزاء اللي ما ينفعش تستنى اما يظهر لها "أعراض" بداية تلف لأن لو ده حصل هيتلف حاجات تانية كتير غيره مكلفة جدا ...... عكس اجزاء تانية ليها علامات بداية تلف زي تيل الفرامل أو أجزاء تانية ممكن تسيبها لحد ما تبوظ خالص زي البطارية لأنها مش هتتلف حاجة تانية في العربية

واحد زميلي كسل يغيره (رينو كليو) ...... لبس شغل في الموتور ب 5000 جنيه غير ان الموتور اتفتح ........ في حين لو كان غيره بدري شوية ماكانش جرى حاجة

المشاركة الأصلية كتبت بواسطة cementman

بعض اسيارات الحديثة تلف سير الكاتينة لا يسبب أى مشكلة فقط توقف الموتور عن العمل لكن لا أعرف اذا كانت لوجان تنتمى لهذه الفئة

الكلام ده غير صحيح

و لو سير الكاتينة اتقطع ان شالله في بورش و لا ليكزس هيخرب الموتور

دي حقائق ميكانيكية بحتة ...... لا أكثر ..... الموتور هيفضل داير و لو كسر من الثانية بالقصور الذاتي ...... لو انت ماشي على 3000 rpm يعني 50 لفة في الثانية يعني في الثانية دي وش السلندر رزع في الصبابات خمسين مرة خربها و اتخرب ........

المشاركة الأصلية كتبت بواسطة cementman

يمناسبة الحقائق الميكانيكية البحتة تفتكر انها حاجةمستحيلة أو حتى صعبه ان يكون فى سيارة سير الكاتينة يتقطع دون تأثير على الصبابات ؟؟

طبعا ..... لان الكاتينة هي المسؤولة بشكل كلي عن التوقيت ...... اسمها Timing belt .... هي اللي بتفتح و تقفل الصبابات بدقة متناهية مع حركة السلندرات ....... لما الكاتينة تتقطع الصبابات كلها هتدلدل جوة الموتور و ساعتها البساتم هترزع فيها


ممكن لو مقطوعة و العربية واقفة ماتدورش ..... ماشي ...... بس لو اتقطعت و العربية ماشية ...... و الله لو عربية معمولة في المريخ ..... هتحصل لها مشكلة


و في النهاية احب اضيف ان Valeo بتصمم حاليا مواتير بتحكم اليكتروني في الصبابات ...... من غير كاتينة خالص ..... الكمبيوتر هو اللي هيوقت و يصدر اوامر للصبابات اللي هتتطور و يبقى فيها كونتروللر الكترومغناطيسي زي اللي في الرشاشات الكهرباء (يعني تديله كهرباء المغناطيس يشتغل و يفتح او يقفل) .... للتغلب على المشكلة دي ...... بس طول ما فيه سير كاتينة طول ما القطع يعني دمار لوش السلندرات و الصبابات