ما هو الترصيص وامتى الجأ له و وده بيكون ليه جهاز وللا ايه بالظبط؟
حاجه تانيه ..انهى احسن الخوابير وللا اللحام؟و الفرق واللى عنده لينكات يدينىd :
عرض للطباعة
ما هو الترصيص وامتى الجأ له و وده بيكون ليه جهاز وللا ايه بالظبط؟
حاجه تانيه ..انهى احسن الخوابير وللا اللحام؟و الفرق واللى عنده لينكات يدينىd :
اخى الحبيب الترصيص هو اضافة قطع صغيرة من الرصاص على الجنط لاضافة الاتزان المطلوب للجنط ومعادلة بعض الميول التى توجد على الجنط اثر خبطة فيه او عدم اتنزان نتيجة عيب تصنيه .. واللجوء اليه يظهر من رعشة خفيفة وغربة فى عجلة القيادة عند سرعة 80 الى 120 كيلو وتتفاوت من سيارة الى اخرى فبعض السيارى تظهر عند ال 80 واخرى عن ال 100 واخرى عند ال 120 مثلا وفى حالة الترصيص تمنع هذه الرجة تماما ويقيس الرجة جهاز الاتزان للكاوتش فى بعض البنزينات او عند بتوع الكاوتش والجهاز يحدد بالضبط المكان الذى يحتاج الى تركيب الثقل الرصاصى لمعادلة الرفة فة الجنط نتيجة قصور الوزن فى بعض اماكن الجنط او التوائه بشكل غير ملحوظ الا على السرعة العالية جدا كما ذكرت ....اما بالنسبة لموضوع الخابور او اللحام فكلاهما يؤدة نفس الغرض والموضوع نسبى بين محل لاخر ومن عميل لاخر حسب الافضلية لهم وحسب احتياجه فمرة مثلا انا كنت مستعجل جدا ولم يكن عندى وقت لفك الكاوتش ولحامه والكلام ده وعملت الخابور ده فى ثوانى ومشيت وكله تمام يقالى سنة عليه وكله تمام وفين مرة اخرى فك الراجل الاكاوتش وعملى لحام وانا تمام والاتنين بالنسبة لى واحد والكلام فى الموضوع ده هايكون راى شخصى بحت مش اكثر ..
اللحام طبعا افضل بكتير من الخوابير لأن الخوابير بتضعف الكاوتش و مش امان
اللحام افضل من الخابور
لان الخابور بيقطع سلوك الكاوتش وده بيضعفه
رغم عن انفنا الكاوتش اتخرم والسلك فى المنطقة دى ضعف فالخابور يكون مكان خرم المسمار بالضبط يعنى لا يخرم من جديد واساسا المسمار خرم السلك وعدى من الجهة لاخرى .. على العموم كما قلت سابقا هى بترجع لافضلية عند كل مستخدم وحسب الامكانيات المتاحة فى محل الكاوتش وحسب الظرف اللى موضوع فيه
ولنعود للموضوع الاصلى الخابور السريع ما هو الا اصلاح مؤقت وليس دائم وهو يستخدم لاصلاح منطقة المداس فقط وليس كما يدعى بلية بانه اصلاح دائم وفى اى مكان من الاطار، اما بالنسبة للاصقة (البطشة) او الرقعة الداخلية فيجب العلم ان هناك نوعية منها مخصصة لاصلاح الداخلى فقط (الشنبر) وهناك نوعية مخصصة لاصلاح الاطار التيوبلس الخارجى وهى بالطبع اقوى من الاولى وللاسف الشديد يقوم بلية باستخدام الاولى فى الاصلاح للاطارات لرخص ثمنها وممكن لجهله بوجود الثانية. على العموم اصلاح الاطارات يجب ان يتم فى مكان تثق فيه ومجهز تجهيز جيد والفنيين به مدربين جيدا. بالنسبة لاصلاح القطوعات فى جانب الاطار فللاسف الطرق المطروحة حاليا ليست جيدة وغير آمنه ونحن لا نقوم باصلاح القطوعات بجانب الاطارات بفروعنا ولكن نقوم باصلاح الثقوب او الخروم الناتجه عن المسامير او الاشياء الحادة فى منطقة المداس فقط بتكنولوجيا المانية لشركة متخصصة فى تصنيع كل ما هو متعلق باصلاح الاطارات من ادوات ومواد وما نستعمله يسمونه مينىكومبى وهو عبارة عن توليفة من الرقعة (البطشة) والخابور وهو مصنع من المطاط بالكامل ويتم تركيبة من داخل الاطار للخارج ويقوم بسد الثقب من الداخل بقاعدته التى تشبه الرقعة وجذعه يقوم بسد الثقب الحادث من المسمار بمداس الاطار فبذلك نضمن ان الثقب سد من الداخل ومن الخارج ولا مجال لدخول اى شئ من الخارج لداخل الاطار وكذلك يقوم ضغط الهواء بالضغط على القاعدة فيحكم غلق الثقب من الداخل ويمنع تسرب الهواء من الاطار عكس ما يمكن ان يحدث فى حالة الاصلاح بالخابور. ويوجد من هذا المينىكومبى مقاسات حسب قطر الثقب من 3مم الى 6مم لاطارات الملاكى. واذا كان لديك اطار به خوابير يفضل تبديلها بالمينى كومبى حسب تعليمات الشركة الالمانية فكما اتفقنا ان الخابور مؤقت لحين استخدام الوسيلة الدائمة فى الاصلاح باذن الله
منقول عن المهندس نجاد - ببريدجستون مصر
http://www.nilemotors.net/Nile/31221-a-2.html
وتقبلوا احترامى لكم جميعا
انا شاكر ليكم جميعا
شكرا على المعلومات
اولا شكر لطرح الموضوع المهم
معلش انا ليا سؤال انا علي ال 120 كدة بحس ان الدريكسيون بيترعش
بس مفيش حدفة ولا حاجة وبالتالي بخاف ازود السرعة عن كدة
* هل لو عملت ترصيص الديركسون هيثبت ؟؟؟؟