فرش الارضية للانسر شكله ايه؟

**Daash** · 08-10-2008 07:47 AM

هو فى واحد قالى على فرش جلد شفاف مركبة فى سيارتة بيبينلك ارضية العربية عادى جداً وهو عبارة عن طبقة جلد شفافة وبالتالى هتحافظ على ارضية عربيتك وعلى شكلها الداخلي وطبعاَ سهولة فى التنظيف ...

انا بقى عاوز اعرف حد ركب الفرش ده قبل كده لأنى عاوز اركبة فى عربيتى برضه

**tamera** · 08-10-2008 11:00 AM

المشاركة الأصلية كتبت بواسطة eng_mkhalaf

ياعم فرش أرضية أية - أنا كنت ناوى أركبة فى سبير كار وأنا بركب الفرش الجلد - راحوا ضحكوا عليا وقولولى أنا راكب تاكسى ولا أية

هما أكيد قالوا لك كدا لأنهم معندهمش سروجي بيعمل الموضوع دا.. شوف لو كانوا شغالين فيه كانوا قالولك ايه..
وعموما هو دا الحال مع كل البياعين والصنايعية الحاجة اللي مش عنده يقولك مابشتغلش فيها اصل كلها مشاكل .. ويألف اي حاجة ..

أما بالنسبة لفرش الارضيات دا انا مكنتش اعرف شكله ايه بس كنت اسمع ان ناس بيعملوه في الخليج وكنت اتمنى حاجة زي كدا فعلا..
ومن قريب اشتريت عربية سيراتو . متركب لها فرش جلد بيج وأرضية جلد بني فاتح شكله جميل فعلا ماشاء الله..
والاهم انه عملي جدا.. هو فرش الأرضيه مش وظيفته انه يحمي موكيت العربية.. علشان نقول مين هايتمتع بيه ومين مش هايتمتع.. هو اكتر ميزة للمشمع انه بيديك على طول منظر جميل ونظيف يعني زي مهندس كريم ماقال مسحة واحدة وتلاقي المنظر بقى زي الفل.. بعكس الموكيت اللي بيوبر بعد كام شهر ويبقى شكله جربان.. واقل شوية رمل ولا تراب يبهدلوه..
هو بس عيبه ان الدواسات بتتزحلق و مش بتثبت خالص.. مش عارف نستغنى عنها بقى ونكتفي بالفرش ولا ايه؟؟
وبالنسبة لسعره حوالي 220 ج بالتركيب
وفي اشكال منه .. في شكل حلو اسمه الزلط بس متهيألي افضل حاجة يكون المشمع أملس..
وفي واحد بيعمله في م نصر في السادس وواحد في ش أحمد سعيد - عباسية جنب عبد الجليل بتاع الفيبر .. ومعظم السروجيه بيعملوه دلوقتي

**tamera** · 08-10-2008 11:09 AM

المشاركة الأصلية كتبت بواسطة tamera

هما أكيد قالوا لك كدا لأنهم معندهمش سروجي بيعمل الموضوع دا.. شوف لو كانوا شغالين فيه كانوا قالولك ايه..
وعموما هو دا الحال مع كل البياعين والصنايعية الحاجة اللي مش عنده يقولك مابشتغلش فيها اصل كلها مشاكل .. ويألف اي حاجة ..

أما بالنسبة لفرش الارضيات دا انا مكنتش اعرف شكله ايه بس كنت اسمع ان ناس بيعملوه في الخليج وكنت اتمنى حاجة زي كدا فعلا..
ومن قريب اشتريت عربية سيراتو . متركب لها فرش جلد بيج وأرضية جلد بني فاتح شكله جميل فعلا ماشاء الله..
والاهم انه عملي جدا.. هو فرش الأرضيه مش وظيفته انه يحمي موكيت العربية.. علشان نقول مين هايتمتع بيه ومين مش هايتمتع.. هو اكتر ميزة للمشمع انه بيديك على طول منظر جميل ونظيف يعني زي مهندس كريم ماقال مسحة واحدة وتلاقي المنظر بقى زي الفل.. بعكس الموكيت اللي بيوبر بعد كام شهر ويبقى شكله جربان.. واقل شوية رمل ولا تراب يبهدلوه..
هو بس عيبه ان الدواسات بتتزحلق و مش بتثبت خالص.. مش عارف نستغنى عنها بقى ونكتفي بالفرش ولا ايه؟؟
وبالنسبة لسعره حوالي 220 ج بالتركيب
وفي اشكال منه .. في شكل حلو اسمه الزلط بس متهيألي افضل حاجة يكون المشمع أملس..
وفي واحد بيعمله في م نصر في السادس وواحد في ش أحمد سعيد - عباسية جنب عبد الجليل بتاع الفيبر .. ومعظم السروجيه بيعملوه دلوقتي

أنا آسف
الصح:
وعموما هو دا الحال مع بعض البياعين والصنايعية الحاجة اللي مش عنده يقولك مابشتغلش فيها اصل كلها مشاكل .. ويألف اي حاجة ..

**zeyad1810** · 13-10-2008 09:07 AM

المشاركة الأصلية كتبت بواسطة karim_monir

ومع ذلك عشان البشوات اللي عندي كنزي وبيدو لما بيقعدوا ساعة في العربية بتتحول مزبلة
يوقعوا اكل وشرب
بيبسي وايس كريم وشيبس ووووو
ويا سلام لما يرجعوا اووووووف

العيال وياعينى عليهم
انت فعلا معاك حق وحاسس انك بتتكلم عن اللى عيالى بيعملوة فى عربيتى وبسببهم بردة ركبت ارضية جلد وكسيت الكراسى جلد
دة انا من كتر الارف ما بقتش انضف العربية علشان كا مانضفها يزبلوها فى نفس اليوم ايشى كور وعربيات لعبة وبالالين وورق ولبان ومصاصة ويا سلام بقى على الكراتية والشيبسى والبسكويت بيعملوا شغل نار وبخلوا الشارع انضف من العربية

**drhaytham** · 13-10-2008 09:32 AM

المشاركة الأصلية كتبت بواسطة zeyad1810

العيال وياعينى عليهم
انت فعلا معاك حق وحاسس انك بتتكلم عن اللى عيالى بيعملوة فى عربيتى وبسببهم بردة ركبت ارضية جلد وكسيت الكراسى جلد
دة انا من كتر الارف ما بقتش انضف العربية علشان كا مانضفها يزبلوها فى نفس اليوم ايشى كور وعربيات لعبة وبالالين وورق ولبان ومصاصة ويا سلام بقى على الكراتية والشيبسى والبسكويت بيعملوا شغل نار وبخلوا الشارع انضف من العربية

والله يازياد انت اللي كانك بتوصف حالي مع بناتي جنى وهنا وياسلام بقى لما فتافيت البسكويت تدخل في حتة مزنوقة زي بين ظهر الكنبة والقاعدة بتاعتها

**mondy2010** · 15-10-2008 12:05 AM

الدواسة الجلد دي شياكة و كمان عملية جدا بس المهم تتعمل بنظافة عشان متدخلش مية تحتها فتعمل بروما
وبالنسبة للتكلفة هتبقى حسب نوع الجلد

**د./اليشع ثابت** · 06-11-2008 03:34 AM

فعلا يا جماعة فرش الارضية للعربية وحش جداااااااااا دى حقيقة

ولا انصحك اخى الكريم بعملة نهائياااااا و حقيقة كمان ان كل الى يشوفها هيقولك

دى ملاكى مش تاكسى......وكمان لما تيجى تبيعها هتقلق المشترى منها زى الى

حصل معاى صدقنى كل الى بيتفرج عليها يقولى فارشها لية هو فرشها بايظ؟؟؟؟

لكن بالنسبة للمحافظة على العربية علشان الاولاد(ربنا يخليهم لك)

تركب فرش جلد للكراسى دة المهم فعلا انا ركبتة للانسر ب 325 جنية+60

جنية للسروجى الى بيركبة ودواسات عريضة للارضية كافى جدااااااا للمحافظة

على نظافة و جمال العربية

وتقبلوا شكرى للجميع

**amr123** · 06-11-2008 06:08 PM

طيب يا جماعة عندى سؤال :

هو لازم يكون شفاف ..يعني مفيش جلد اسود مثلا فيكون شكله قريب من موكيت العربية ؟

**samofox** · 29-12-2008 09:34 AM

فى طبعا يا عمرو فرش اسود ودة افضل من الشفاف لانة بيبقى غامق ومش بيلمع والمشمع الشفاف بيبقى زى بتوع الميكروباص والتاكسى فالاضل الجد الاسود ولو مش عاوز تركب جلد اسود هات دوسات عريضة وهى حتحمى الارضية كويس

**lancerevolution** · 29-12-2008 10:01 AM

فى واحد صاحبى عامله فى العربية بتاعته لونه بيج مع لون الفرش الجلد الصراحة شكله حلو و طبعا سهل التنضيف جدا لأن صاحبى هو الى بيغسل العربية بنفسه
من الأخر إعمل و توكل وسيبك من الى يقولك هى تاكسى أيوه تاكسى بس حبقى مستريح نفسيا ودى عربيتى مش عربية حد تانى