فرش الارضية للانسر شكله ايه؟

**Moh.Fahmy** · 01-01-2008 03:48 AM

انا عامل فرش تلبيسة للعربية و الحمد لله جميل و زي الفابريكة و سألت عند حمدي داوود في سموحة اللي علاقته بأخونا محمد ابراهيم ممتازة و بيعمل واجب كبير عن فرش الارضية للانسر و قالي انه بيبقي شكله جميل و بيحمي ارضية العربية كويس قوي و تكلفته 220 جنيه بس انا مش متخيل منظره فهل فيه حد عامله في اللانسر.... شكله حلو و فعلا عملي و لا مالوش لازمة

محمد فهمي

**eng_mkhalaf** · 01-01-2008 11:57 AM

ياعم فرش أرضية أية - أنا كنت ناوى أركبة فى سبير كار وأنا بركب الفرش الجلد - راحوا ضحكوا عليا وقولولى أنا راكب تاكسى ولا أية

**tamera** · 08-10-2008 11:00 AM

المشاركة الأصلية كتبت بواسطة eng_mkhalaf

ياعم فرش أرضية أية - أنا كنت ناوى أركبة فى سبير كار وأنا بركب الفرش الجلد - راحوا ضحكوا عليا وقولولى أنا راكب تاكسى ولا أية

هما أكيد قالوا لك كدا لأنهم معندهمش سروجي بيعمل الموضوع دا.. شوف لو كانوا شغالين فيه كانوا قالولك ايه..
وعموما هو دا الحال مع كل البياعين والصنايعية الحاجة اللي مش عنده يقولك مابشتغلش فيها اصل كلها مشاكل .. ويألف اي حاجة ..

أما بالنسبة لفرش الارضيات دا انا مكنتش اعرف شكله ايه بس كنت اسمع ان ناس بيعملوه في الخليج وكنت اتمنى حاجة زي كدا فعلا..
ومن قريب اشتريت عربية سيراتو . متركب لها فرش جلد بيج وأرضية جلد بني فاتح شكله جميل فعلا ماشاء الله..
والاهم انه عملي جدا.. هو فرش الأرضيه مش وظيفته انه يحمي موكيت العربية.. علشان نقول مين هايتمتع بيه ومين مش هايتمتع.. هو اكتر ميزة للمشمع انه بيديك على طول منظر جميل ونظيف يعني زي مهندس كريم ماقال مسحة واحدة وتلاقي المنظر بقى زي الفل.. بعكس الموكيت اللي بيوبر بعد كام شهر ويبقى شكله جربان.. واقل شوية رمل ولا تراب يبهدلوه..
هو بس عيبه ان الدواسات بتتزحلق و مش بتثبت خالص.. مش عارف نستغنى عنها بقى ونكتفي بالفرش ولا ايه؟؟
وبالنسبة لسعره حوالي 220 ج بالتركيب
وفي اشكال منه .. في شكل حلو اسمه الزلط بس متهيألي افضل حاجة يكون المشمع أملس..
وفي واحد بيعمله في م نصر في السادس وواحد في ش أحمد سعيد - عباسية جنب عبد الجليل بتاع الفيبر .. ومعظم السروجيه بيعملوه دلوقتي

**tamera** · 08-10-2008 11:09 AM

المشاركة الأصلية كتبت بواسطة tamera

هما أكيد قالوا لك كدا لأنهم معندهمش سروجي بيعمل الموضوع دا.. شوف لو كانوا شغالين فيه كانوا قالولك ايه..
وعموما هو دا الحال مع كل البياعين والصنايعية الحاجة اللي مش عنده يقولك مابشتغلش فيها اصل كلها مشاكل .. ويألف اي حاجة ..

أما بالنسبة لفرش الارضيات دا انا مكنتش اعرف شكله ايه بس كنت اسمع ان ناس بيعملوه في الخليج وكنت اتمنى حاجة زي كدا فعلا..
ومن قريب اشتريت عربية سيراتو . متركب لها فرش جلد بيج وأرضية جلد بني فاتح شكله جميل فعلا ماشاء الله..
والاهم انه عملي جدا.. هو فرش الأرضيه مش وظيفته انه يحمي موكيت العربية.. علشان نقول مين هايتمتع بيه ومين مش هايتمتع.. هو اكتر ميزة للمشمع انه بيديك على طول منظر جميل ونظيف يعني زي مهندس كريم ماقال مسحة واحدة وتلاقي المنظر بقى زي الفل.. بعكس الموكيت اللي بيوبر بعد كام شهر ويبقى شكله جربان.. واقل شوية رمل ولا تراب يبهدلوه..
هو بس عيبه ان الدواسات بتتزحلق و مش بتثبت خالص.. مش عارف نستغنى عنها بقى ونكتفي بالفرش ولا ايه؟؟
وبالنسبة لسعره حوالي 220 ج بالتركيب
وفي اشكال منه .. في شكل حلو اسمه الزلط بس متهيألي افضل حاجة يكون المشمع أملس..
وفي واحد بيعمله في م نصر في السادس وواحد في ش أحمد سعيد - عباسية جنب عبد الجليل بتاع الفيبر .. ومعظم السروجيه بيعملوه دلوقتي

أنا آسف
الصح:
وعموما هو دا الحال مع بعض البياعين والصنايعية الحاجة اللي مش عنده يقولك مابشتغلش فيها اصل كلها مشاكل .. ويألف اي حاجة ..

**Moh.Fahmy** · 02-01-2008 02:17 AM

انا بقول كده برضه بس فيه ناس كتير مكبرين الموضوع ده في دماغي

محمد فهمي

**ahmedezzat78** · 02-01-2008 03:56 AM

فعلا هتبقى تاكسى لان الموكيت بيدى شياكه ده غير انك لازم تفك كل الاعتاب واحتمال الكونسول

هات دواسات مقاسها مناسبه للسياره و لونها ماشى مع الصالون وما اعتقدش ان فيه حد رجلو هتطلع بره حدود الدواسة

يعنى انا باشيل فرش الدواسات انضفه كل اسبوعين و الموكيت ما فيهوش حبه رمل

**Moh.Fahmy** · 02-01-2008 04:10 AM

حمد باشا عشان بس ما عندكش قردين اسمهم مازن و مالك ما تفرقش معاهم الحاجات دي ابدا
يعني انا طقم دواسات بتاع بي ام و مع ذلك لازم في كل مرة بعد ما الارهابين اللي عندي ينزلوا من العربية تلاقي العملية فظيعة جدا و لا شركة اونيكس تقدر تعمل في عربيتي حاجة
كنت الاول حريص بعدين بقيت اكبر دماغي يعني بين كل فترة و فترة ابقي انضف االعربية من الداخل انما من بره عشان الايادي الشريرة ما بتطلوهاش باهتم بيها جدا و جايب كل وسائل الرفاهية الخارجية للعربية انما جوه العربية اتعقدت خلاص
و بالفعل الاعتاب و الكنب و الكراسي و الكونسول بيتفكوا بس مافيش منهم خوف طالما بيقوم بالموضوع حد فاهم انا اللي كان شاغلني الشكل حيبقي ايه

محمد فهمي

**Karim_Monir** · 02-01-2008 03:57 PM

تاكسي ايه بس
محدش بيهتم بشكل وشياكة عربيتة قدي
ومع ذلك عشان البشوات اللي عندي كنزي وبيدو لما بيقعدوا ساعة في العربية بتتحول مزبلة
يوقعوا اكل وشرب
بيبسي وايس كريم وشيبس ووووو
ويا سلام لما يرجعوا اووووووف
وتقوللي مالوش لازمة
وبعدين هو ما بيبقاش باين تحت الدواسات اصلا
لكن بيحمي قوي وخاصة في الشتاء وقرف ولحوسة الارض
والصيف والرمل والبلاجات
ده انا يوم ماكنت راجع من مطروح العربية كان فيها شوالين رمل ومستحيل كان يطلعوا الموكيت
بفضل الله شفطة في البنزينة ونفخة هوا ومسحة فوطة مبلولة رجعت تبرق
ولا تتخيلو ريحة المية على الموكيت لما بتتقف بتعمل ريحة قذرة
اتوكل على الله ما تتردش بس ما تعملش مشمع الارضيات التخين
اعمل الفرش الجلد العادي الخفيف حاجة تحمي بس
مش تخين ما يباتش تحت العتب كويس ويتعوج ويبقي شكلة عرة
كان نفسي تشوف عربيتي معمولة ازاي

**zeyad1810** · 13-10-2008 09:07 AM

المشاركة الأصلية كتبت بواسطة karim_monir

ومع ذلك عشان البشوات اللي عندي كنزي وبيدو لما بيقعدوا ساعة في العربية بتتحول مزبلة
يوقعوا اكل وشرب
بيبسي وايس كريم وشيبس ووووو
ويا سلام لما يرجعوا اووووووف

العيال وياعينى عليهم
انت فعلا معاك حق وحاسس انك بتتكلم عن اللى عيالى بيعملوة فى عربيتى وبسببهم بردة ركبت ارضية جلد وكسيت الكراسى جلد
دة انا من كتر الارف ما بقتش انضف العربية علشان كا مانضفها يزبلوها فى نفس اليوم ايشى كور وعربيات لعبة وبالالين وورق ولبان ومصاصة ويا سلام بقى على الكراتية والشيبسى والبسكويت بيعملوا شغل نار وبخلوا الشارع انضف من العربية

الموضوع: فرش الارضية للانسر شكله ايه؟

LinkBack

أدوات الموضوع

عرض

العرض المتطور

فرش الارضية للانسر شكله ايه؟ - انشر الموضوع فى :

-

-

-

-

-

-

المواضيع المتشابهه

احذروا قبل تنجيد الارضية او التلميع الداخلى

فكيت فر الارضية بتاع اللانوس

عربيتى بها اغرب ماف فى الكرة الارضية

فرش الارضية جلد فكرة

سؤال عن فرش الارضية و الكراسي و الباب للشاهين

الكلمات الدلالية لهذا الموضوع

المفضلات

المفضلات

ضوابط المشاركة