الموضوع: احسن عربيه هاتشباك ب 90000جنيه

المشاركة الأصلية كتبت بواسطة hhhhhh

ايه احسن عربيه هاتشباك اوتوماتيك في حدود 90000 جنيه في مصر من حيث الثبات و سعر قطع الغيار ومش مهم سعر اعادة البيع ؟
برجاء الافاده من خبراء المنتدي

جراند بونتو
سيريون 1.5

لو هتعلى عن ال 90 يبقى Bravo أو New Ibiza

الGen2 مش هتشباك ولا الA4

المشاركة الأصلية كتبت بواسطة mrsailor

شوفوا الموضوع ده و احكموا .. علشان كده كان حكمى على الفيات و ان فى حاجات احسن منها 10000000000 مرة .. و كمان علشان تعرفوا انى مش متحامل

quote=fouady;3872441019]مع احترامي لا حضرتك وبجد مش قصدي اضيقك حضرتك تعرف إيه عن العربيات أو عن فيات بالخصوص علشان تقول كده ويا ريت تاخد الموضوع ب نوع من المنقشاه مش أكتر
أنا مش قصدي على دكتور المغربي أنا قصدي على mrsailor[/quote]

المشاركة الأصلية كتبت بواسطة dr.almaghraby

اكيد mrsailor اصده علي 131 او اونو او 128

اكيد مشافش البرافو او اللينيا....... اكيد

المشاركة الأصلية كتبت بواسطة eng.sameh

يا جماعة طلعت نزلت فيات يعني ايه ، ما كل الماركات كان فيها عربيات قديمة ، وعمر ما كان القديم زي الجديد ، مش ذنب فيات ان عربياتها القديمة لسة عايشة وماشية في الشوارع عشان يبقة كل مفهومنا عن فيات هو 128 و 132 ، لأ ، فيات عاملة عربيات حديثة ممتازة ومنافسة جداً ، طب ما مازدا كان ليها عربيات قديمة وماشية بردو في الشوارع لحد دلوقتي وهوندا ومرسيدس وعربيات كتير .. اشمعنة يعني فيات اللي وقفت عند ال 128 في عقول الناس .. خلي فيه مرونة شوية في التفكير .. محسسني كأن مفيش نت ولا اي وسيلة تواصل بينا وبين الدنيا وكأن أخرنا اللي بنشوفه ماشي في الشارع ..

علشان كده

خلينا حياديين شوية ولازم نتكلم بالشكل اللي يليق بينا كمنتدى رائد في عالم السيارات في الشرق الأوسط .. مش كأننا منتدى طبيخ وطبق اليوم !

المشاركة الأصلية كتبت بواسطة hemaah48

[frame="7 80"]
اخى العزيز من الواضح انك ماشوفتش الفيات من اساسه ومن الواضح انك متحامل على الفيات اوى بص يا سيدى الفيات الجراند بونتو واللينيا والبرافو يمسحوا اى عربيه فى نفس الفئه السعريه ولو تحب تشوف الفيات المعارض مش بعيده على اى حد ولما تتكلم على عربيه لازم تكون ركبتها والواضح ان اخر حاجه تعرفها عن الفيات ال127 و 131 احب اقولك ان فى موديلات كتير نزلت تحفه فى كل حاجه واخيرا كل واحد حر فى رأيه وربنا يوفق الجميع
[/frame]

المشاركة الأصلية كتبت بواسطة u3mbkp

اللى ميفهمش فى الفيات الجديد .. فليقل خيرا او ليصمت

المشاركة الأصلية كتبت بواسطة slim_shika

يا راجل يا طيب الفيات مش عاجباك....
طب لو مش عاجباك شكلا تبقي عادي ديه اذواق, لكن تكنولوجيا وأمان وأداء :zb_sor1[1]:
ده البرافو دلوقتي بقت تتقارن بالجولف (أحسن هاتش في العالم), وتقولي الفيات طلعت ولا نزلت؟؟؟
طيب حتى ك ماركة فيات من أقوى الشركات اللي في العالم مش في أوروبا بس,مثال, فيات تحتيها:
Alfa romeo
lancia
maserati
ferrari
abarth (tm)l

- أكبر شركة سيارات في ايطاليا.
- أحسن hot hatch في العالم ال500abarth , عن تقييم fifth gear و top gear.
- بعض الموديلات اللي حازت على جائزة سيارة العام في أوروبا:

• 1967: 124
• 1970: 128
• 1972: 127
• 1980: Lancia delta
  
• 1984: Uno
• 1989: Fiat tipo
• 1995: Punto
  
• 1996: Bravo
• 1998: Alfa romeo 156
  
• 2001: Alfa romeo 147
  
• 2004: Fiat panda
  
• 2008: Fiat 500
  

يعني حتى العربيات اللي مش عاجباك والناس بتعيب عليهم كانوا في زمانهم أحسن عربيات.


كفاية كده.

بعد كل ده تتقارن بقى ولا إيه؟؟؟

المشاركة الأصلية كتبت بواسطة hemaah48

ايه يا عم الحاج انت عارف فيات يعنى ايه اولا الفيات احسن من الاوكتافيا 4 ولا 5 انت حضرتك شوفت اللينيا ولا البرافو احب انك تشوفهم الاول

شوفوا الموضوع ده و احكموا .. علشان كده كان حكمى على الفيات و ان فى حاجات احسن منها 10000000000 مرة .. و كمان علشان تعرفوا انى مش متحامل و ده من اللى راكبين فيات (يعنى شهد شاهد من اهلها .. و ياريت اللى عاوز يتناقش معايا فى التقييم العربية يبقى على اساس انها عربية يعنى مش العملية تيربو و سرعة و تجميع فى كذا ثانية العملية ليها حسابات تانية زى متانة و اعادة بيع و كمان ممكن الاقى ايه فى نفس سعرها .. مش كماليات ومنظر و بس ..و كمان العربية فى مصر لو نظرنا لسعرها يبقى احنا بنتكلم عن حاجة ممكن نقتنيها سنين و لما نحب نبيعها تكون محافظة على سعرها .. مش افرح بالشكل و الكماليات و بعدين يطلع روحى مع الوكيل و قطع الغيار و اعادة البيع .. ياريت بلاش ندافع و بس و نبقى موضوعيين .. احنا بنتكلم على عربية مش على DVD او موبايل .. معلش علشان طولت بس الردود كانت غريبة شوية .. و دلوقتلى شوفوا الموضوع ده اللى هو احسن رد على كل االى فات و من اللى راكبينها ..http://www.nilemotors.net/Nile/21232-a-2.html