المشاركة الأصلية كتبت بواسطة arakysolom
السلام عليكم
انا محولتش لأني بصراحة خايف العب في حاجة تبوظ الدنيا بالاضافة انني اعتقد ان هذا الاجراء بيعلي الار بي ام بتاع الموتور و بكده بيلغي الرجرجة كأنك بتدوس علي الدواسة زيادة شوية .
انا رحت التوكيل اول امس وقابلني م/ مصطفي عبد الباقي مدير الورشة و جرب العربية مع مندوب جنرال موتورز و اقروا بأن الرعشة غير طبيعية خاصة انها بتكون مع التموير للعربية و اقر مندوب جنرال موتورز بوجود حدفة يمين و قدرها تخمين حوالي 1 متر لكل 100 متر و عند الوصول للورشة المهندس طلب من الفني الكشف علي الفتيس للنظر في موضوع الرجة راح الفني قاله ده طبيعي مفيش حاجة و اترفعت العربية و بالنظر فقط افاد الفني ان المقصات سليمة و لا يوجد فروق تتسبب في الحدفة و بالتالي تغير رأي الباشمهندسين !!!!!
حددوا ميعاد زيارة اخر وده حيكون الرابع عشان يحلوا الفتيس و يشوفوا ايه المشكلة بالضبط و كمان حيقيس بالكمبر ؟؟؟ عشان يحدد سبب الحدفة
مش عارف اعمل ايه مع الناس دي الفني يلغي كلام مدير الورشة ؟
المهم انا حخليني ورا الكداب لحد ما اشوف حنوصل لأيه
و شكرا