طريقة فك الاكصطدام الامامى للميجان؟؟؟؟

**yalahwy2010** · 05-03-2010 05:23 PM

حد يا جماعة جرب يفك الاكصدام الامامى للميجان؟؟؟
ويا ترى ايه العدد والمفكات المطلوبة ؟؟؟؟

**ecybrarian** · 05-03-2010 10:37 PM

هو حضرتك يا هندسة نواي تعمل الموضوع دا لوحدك!!!! انا مانصحش..دا حتى الكلبسات البلاستيك مش هاتلاقيها غير عند واحد بس في الحرفيين

**yalahwy2010** · 06-03-2010 01:17 AM

أصل انا بصراحة المواضيع اللى فى المنتدى الخاصة بعمل الرينجات او تغميق الفوانيس كلها لازم تحل الاكصدام.....وانا بصراحة شايف انه مش صعب أوى...بس عايزين فيديو او حد جرب يفكه ونعمل الموضوع ده بنفسنا
وبعدين اللى بيفكه ما بياخدش 10 دقايق منه....وبقولك 50 جنيه مصنعية
وللأسف ....أخر مرة كنت فكيت الفوانيس عشان انضفها....أخد السمكرى 50 جنيه...ويا ريته ركبه صح....اكتشفت بعد كدة انه ما قفلش صح...وحتى الفوانيس ما اتعملتش صح
الصنايعية بقم متوحشين جدا...والله بسمع من سمكرية انهم بياخدوا 100 او 150 جنيه لفك الاكصدام.....فا مش هتيجى على فك الاكصدام...المنتدى بيعلم اغلب الحاجت الصعبة...عايزين بقى حبة سمكرة....مع كل تقديرى للعقيد خالد....بس المشكلة بقى انى من الزقازيق.....ومحتاج اتعلم الحاجات دى بنفسى