بسم الله الرحمن الرحيم
ازيكوا يا احلي اعضاء وان شاء الله تكونوا بخير
معلش كنت عاوز اعرف شوية حاجات
– هتقل عليكوا شويه – :36_1_1[1]:
بالنسبه لتسقيط المواتير لو انا عندي عربيه مثلا موديل
97 و 1600 سي سي وبدفعلها ضريبه مثلا 500 في السنه لو هسقطلها موتور 2000 سي سي هدفعلها ضريبه كام سنويا ؟
ومثلا لو هجيب موتور انجكشن 2 كامه 16 صباب
لو اوبل ايكوتك يعمله كام ولو لانسر مايفيك كام - استيراد -؟
تقريبا يعمله كام وبيجي معاه الفتيس بتاعه والضفيره ولا فاضي ؟ واجيبه منين ؟ باخد معاه الافراج الجمركي بتاعه ولا ايه بالظبط ؟
طب بعد كده انا جبت الموتور وركبته وروحت بعد كده اجدد الرخصه – ولا لازم اول مغير الموتور اروح المرور – هيبقي الموقف ايه ؟ بمعني هيثبتهولي على الرخصه وهدفع ضريبة الـ 2000 سي سي وخلاص على كده ؟ ولا في حوارات تاني ؟
لو ركبت تربو هينفع اجدد وانا مركبه ولا لازم اشيله ولا اريح دماغي واركبه بعد التجديد ؟
بخصوص العفشه ،
لو انا ركبت عفشه كوني اللى انا اعرفه انها بتوطي العربيه تقريبا 5 سنتي والعربيه تقريبا ارتفاعها 14 سنتي يعني ارتفاع العربيه هيبقي 9 سنتي وده معناه ان العربيه هتبقي واطيه اوي وخصوصا لو في عتب وكساحات يعني اي مطب هيشعلق العربيه وهيدمرها من تحت ؟
بخصوص الفرامل ،
في اعضاء كتير بتحاول تغير الفرامل الخلفيه للعربيه وتخليها ديسكات وفي اعضاء بتقولهم ان الديسكات مبتفرقش في قوة الفرامل والديسكات فايدتها انها بتتحمل الحراره اكتر وبتظبط نفسها اوتوماتيك مع التيل – الكلام ده مظبوط – ولا الديسكات خلفي بتفرق في قوة الفرامل ؟
ليه الديسكات والطنابير الكبيره افضل في الفرامل من الصغيره ؟
اي عربيه الموتور بتاعها انجكشن يبقي فيها ECU ?
طب لو عربيه كربراتير ينفع اعملها ECU ?
بالنسبه لكمبيوتر الرحلات هوا دا اللى بيعرفني العربيه فيها بنزين اد ايه وهيمشيني اد ايه واللتر بيعمل كام كيلو على السرعه اللى ماشي بيها ؟
طب لو هوا تمنه كام والاقيه فين ؟
بعد كده سؤال اخير بس محدش يضحك عليا :mahf(5):
لو عربيه مثلا اوكتافيا
( A4 ) موديل 2003
الغيار الاول يقدر يجيب سرعة
100 كم في الساعه؟
ممكن العربيه دي تطلع اول وتاني وتالت ورابع وخامس امريكاني – حتي لو العجل في الغيار الخامس لف لفه بسيطه يعني امريكاني خفيف ؟
طب في اي عربيه عاديه – يعني تمنها اقل من 200 الف جنيه - تقدر تعمل كده – اول 100 وخامس ارمريكاني - ؟