الموضوع: ممكن حد يقولى ليه ده بيحصل

انا متشكر جداً يا جماعه على ردودكم .... بس أعتقد إن الفحر م كانش بمسمار .... ده غالباً بمفك .... لإن فيه قرصه تحت الكلمه اللى متشاله و بالمناسبه الكلمه اللى متشاله هى ExSaloon مش Sunny زى م كنت كاتب - ساعة م كنت بكتب أول مره كنت بكتب بإنفعال - و أعتقد إن اللى عمل كده واحد من بتوع الميكروباصات - السوزوكى - لإنى من إمبارح للنهارده شوفت أكتر من سوزوكى معلقين تقريباً مش أقل من 3-4 ماركات على عربياتهم ... بس هقول إيه .... حسبى الله و نعم الوكيل فى اللى عمل كده و فى أهله كمان لو كان طفل -لإنهم م عرفوش يربوه -

انا بقي عارفه الناس دي بتعمل كده ليه
الناس دي حاسه بحقد وغيظ فظيع من اي حد راكب عربيه ومتهيألهم ان الي راكب عربية ده بيلعب بالفلوس لعب وخصوصا لو كانت العربيه جديدة
فعشان كده هما بيعملوا كده (بيفشوا غلهم ).
تعرف انا اشتريت عربية اسبرنزا مو 2010 سودة وبصراحة العربية شكلها جميل وملفت
عايزة اقولك من ساعت ما اشترتها وكل ما انزل اركبها الاقي حاجه شكل
مرة الاقي حد مجرحها من الجنب ومره الاقي حد فاتح المرايات ولاعب فيها وانت عارف المرايات دي اتوماتيك ماينفعش يتلعب فيها بالايد وهكذا وهكذا اخر ما زهقت اشتريت غطاء وغطتها بيه ومن ساعتها ما مافيش حد بييجي جنبها
فانا بانصحك تجرب تغطيها وربنا يبعد عنك كل سوء

يا ريس ابتسم انت في مصر .
طب هقولك حاجه ..
انا يوم ما رشيت عربيتي تاني يوم مباشرة 4 مرات ورا بعض حد يريح عليه من ورا عالاكصدام , لدرجة ان الاكصدام الحديد اتنى في خبطه منهم لاني كنت شايل الفيبر ساعتها .و اتجرحت بعدها بيومين بالمفتاح بطول العربيه .
قول الحمد لله والافضل تغطي العربيه لما تركنها ده هيقلل شويه

انا برضة حصل معايا كدة بس المهم او اللى عاوز اسالة ازاى نعالج الخدوش دية

لو فكرت فى الحوار دة هتتعب