برشورز لجميع موديلات بروتون

**Dr_Smart** · 01-01-2008 04:08 PM

وبعدين متهيالي في الخليج مش هيستفيدو من المنتدى اوي عشان عربياتهم فئة اعلى لسه ماوصلتش مصر :) كامري بقى واكورد ولومينا والحاجات الحلوة دي

**fahd_628** · 01-01-2008 04:08 PM

الف شكر على الموضوع الجامد دة تسلم ايدك

بالنسبة للأخ شريف شعبان السيد اية اخبار بروتون فى السعودية هل هية شغالة كويس ولا مش بتتباع ولا اية الأخبار

و انا كان بودى اجى مع حضرتك بس انا من الأسكندرية :(

**tutankhamoun** · 01-01-2008 04:31 PM

المشاركة الأصلية كتبت بواسطة شريف شعبان السيد

الحياة هنا غير مصر يا باشا يعنى مش كلهم عندهم اجهزة كمبيوترات فى البيت عد على ايدك كام سيبر موجود هنا وبمواعيد مشددة غير طبيعة الشباب السعودى انه لا يطيق يجلس على منتدى الا اذا كان داخل شات وقاعد بيظبط والكل بيحب ياخد المعلومة من غير تعب بس انا يا باشا اتعبكم معايا ان شاء الله لما انزل مصر تيجوا نشترى جين 2 ان شاء الله انت والاستاذ فهد والاستاذ توت ان شاء الله من كونتكت كاران كلمتهم واتفقت على كل حاجة وربنايسهل دعوتكم

أنا تحت أمرك يا أستاذ شريف في أي وقت و أنا من سكان القاهرة و لو كان عندي وقت يومها لن أتأخر أبدا :)

**yasserayad** · 01-01-2008 08:42 PM

المشاركة الأصلية كتبت بواسطة شريف شعبان السيد

الحياة هنا غير مصر يا باشا يعنى مش كلهم عندهم اجهزة كمبيوترات فى البيت عد على ايدك كام سيبر موجود هنا وبمواعيد مشددة غير طبيعة الشباب السعودى انه لا يطيق يجلس على منتدى الا اذا كان داخل شات وقاعد بيظبط والكل بيحب ياخد المعلومة من غير تعب بس انا يا باشا اتعبكم معايا ان شاء الله لما انزل مصر تيجوا نشترى جين 2 ان شاء الله انت والاستاذ فهد والاستاذ توت ان شاء الله من كونتكت كاران كلمتهم واتفقت على كل حاجة وربنايسهل دعوتكم

مبروك مقدما
بس اتمنى انك تبعد عن كونتاكت كارز
التامين عندهم غير اسلامى يعنى حرام شرعا
http://www.nilemotors.net/Nile/showthread.php?t=5618
شوف ياصاحبى
ادخل اللينك ده+طول باللك جدا+اقراللاخر بتمعن حتستفيد جدا
ان شاء الله

**شريف شعبان السيد** · 01-01-2008 10:58 PM

فعلا الشباب هنا اقل واحد فيهم هو تلاقيه راكب تويوتا ياريس او هوندا سيتى والباقى تلاقى نيسان التيما او كابرس ده غير طبعا الجيبات وخصوصا بعد تخفيض سعر البنزين الى 60 هلله للتر يعنى بما يوازى 90 قرش للبنزين الى كام مش هتصدقوا 95 وبالنسبة للبرتون هنا انا لفيت مكة وجدة كلهم ما شفتش ولا عربية برتون حتى مش عارف وكيلها فين بس اعتقد انها لو نزلت هتشد الشباب ليها بمنظرها وتصميمها الرياضى بالاضافة الى سعرها طبعا هيكون اقل عشان مافيش جمارك ................

طيب بالنسبة لموضوع كونتكت كارز انا اتصلت بجميع البنوك الاسلامية والمعارض الى بتتبع نظام اسلامى قالوا لازم تكون موظف فى مصر عشان نضمن حقنا ده غير ان الجين تو مش موجودة فى معظم المعارض