المشاركة الأصلية كتبت بواسطة sa3dawy
بس يا جماعة الياريس توقفت لحين انتاج الجيل الجديد الى اكيد هيحمل اسم جديد
دا فى مصلحة سعر اعادة البيع والا لا؟؟
وهل هتظل قطع الغيارة موجودة ؟؟؟
والا ابيع دلوقتى قبل ما العربية تنزل اوى ؟؟؟
انا خايف ليحصلها الى حصل للايكوا ...
رغم انها طبعا لا علاقة لها بالايكو اساسا ...
والعربية الكل يشهد بنجاحها وانها محترمة جدا ...
ايه رايكم
توقف انتاج سيارة دا يقلل من سعرها جامد والا مش للدرجة ؟؟؟
بس انا لما بشوف الى بيتعمل مع الانسر البومة بستغرب من دماغ الشعب المصرى !!!
والا الفيرنا الى هى الاكسنت القديمة لسة متعلقين بيها !!!!
طب ما يعملوا كده مع الياريس اولى من العربيتين الى فوق
على الاقل تكنولوجى احدث والى يركب الياريس والعربيتين الى فوق هيفهم
انا اقصد با ايه بتكنولوجى اجدد .....او اكثر عصرية
معلش بقى مين يشهد للعروسة
بس حقيقى انا تعاملت مع تويوتا فى كمرى وكورولا وترسل وايكو
وبكل صراحة انا شايف الياريس من اجمل وافضل ماقدمته تويوتا فى تاريخها .
وكنت اتمنى اركبها 1500 .....لدرجة ان لو جاتلى فلوس فى حوار كده جايز يتم انا ناوى اجيب المكنة ال 1500 من بورسعيد ولو لقيت ال 1800 الى كانت بتركب فى التويوتا الشكل الى فات فى الخليج ياسلام يبقى فل
انا اعرف ان الموتور ال 1800 دا نزل فى الياريس بره
الى هو كان بينزل فى الكورولا لو تفتكروا فى الخليج
فا با ختصار ينفع يركب على الياريس بكل سلاسة
بس طبعا هحتفظ بموتورى وفتيسى ومش هدخل حاجة فى حاجة ..
وهجنط بقى اوحول العربية ...
والتسارع مع 1800 هيبقى زى الجولف التيربو ال 160 حصان الى 220 الف
8 ثوانى ......
بس مش عارف هل ممكن الاقى الموتور ال 1800 دا بالتحديد...
ال 1500 انا سالت وموجود حقيقى ...
شكلى ادمنت العربية دى يا جماعة
اصل بجد مرنة موووت وبتسعفنى فى اضيق واحرج المواقف الصعبة والضيقة ..
مثالية بجد لزحمة المدينة وبتشم البنزين زى ما بقولوا...
توكل على الله وان شاء الله تلاقى واحدة ...
صحيح مفكرتش ليه فى مستعمل
اهو حتى عشان متخسرش فيها حاجة
على فكرة اغلب الى بيسوقوا ياريس سواقتهم هادية ومش بيبهدلوا العربية بجد
واصلا تجيبها كسر زيروا وتعملها صيانة فى التوكيل كانك اشترتها زيرو..
طبعا بتكشف عليها كويس قبل كده ...
بس ياريت حد يفيدنا فى اسعار المستعمل
لو افترضنا ان كله فابريكا جوه وبره والحالة ممتازة ونقول العربية تقريبا من 20 الى 40 الف ؟؟؟
تفتكروا سعرها العادل كام
لو واحد بيفكر يشترى مستعمل
ولو واحد بيفكر بيبيع ؟؟