الموضوع: مضيفات الطيران

المشاركة الأصلية كتبت بواسطة ahmedgen2

الافتراض دة مع احترامى ليك ساذج وسطحى لأبعد حدود وللأسف تشوفه كتير فى المناقشات اللى تمس الطابع الشرقى وبيدى ايحاء انك لازم تجاوب عليه ب "لا".

"ترضاها لمراتك؟؟؟ يعنى انت ترضى أختك تعمل كدة؟؟؟"

مالها مراتى وأختى مش فاهم؟.

عشان أريحك ، أنا مش هتجوز مضيفة مش عشان حاجة غير ان ظروف شغلها متناسبنيش انا مش عاوز واحدة تسبنى وتسافر.

انما مفيش أى مشكلة نهائى فى المضيفة كوظيفة ، اللى عندها المؤهلات وشغلت الوظيفة أحترمها وأشيلها على عينى وراسى ، زيها زى أى موظفة استقبال فى فندق فايف ستارز.

والمضيفات عموماً محترفين فى التعامل مع الناس وعارفة كويس أوى تتعامل ازاى مع حد تعدى حدوده زيها زى اللى بتشتغل فى الكول سنتر مثلاً ما أحياناً فيه عملاء تدخل تسب وتلعن وتهينها بأقذع الشتائم ، ودى طبعاً حالات نادرة !! بس هى بتعرف تتصرف ازاى وفيه حد مسئول أكبر بيعرف يتعامل فى المواقف اللى زى دى وحقها محفوظ مفيش حاجة اسمها غورى فيه ألف غيرك دة كلام فارغ.

أنما مش من حق أى حد أبداً يصدر أحكام بالشكل دة لمجرد ان ظروف الشغل لا تناسب طبيعة البيئة اللى نشأ فيها أو أياً كان !!

1- انا مألزمتش حضرتك ان تكون اجابتك لأ
2- حضرتك متقنعنيش إنك مش هتوافق علشان بس مش عايزة واحدة تسيبك وتسافر ..
لأ فيه اسباب تانية .. بس حضرتك اللى مش هتقول ..
3- حضرتك المضيفات آه يعرفوا يتعاملوا مع الناس بإحترافية وكل حاجة ..
ماشى .. لكن لو فيه (زبون) عمل حاجة مش لطيفة وهى بردو هتتصرف بإحترافية بردو ..
اوك .. لكن الحدث بالفعل موجود طب ليه البنت او المضيفة دى تكون عارفه اللى (ممكن) يحصل ..
وبردو تكمل ؟؟؟
4- مين اللى قال لحضرتك ان فيه حد ممكن يطلع المضيفة صاحبة حق لو فيه مشكلة حصلت من طقم الطيارة ؟؟
لأ ياباشا مش ده اللى هيحصل .. (الزبون دايماً على حق) وده اللى كل الشركات بتطبقه ..
5- وانا بكلمك من منطلق البيئة اللى احنا فيها وسؤالى كان واضح من البداية .

المشاركة الأصلية كتبت بواسطة hossam_hassan

مناقشة الموضوع بدون اسباب حقيقية يجعله بدون فائدة و مجال للخلاف و المزايدة، ايه المبرر وراء طرح الموضوع؟

قلت بردو الهدف من الموضوع المناقشة وإبداء الآراء ..
لو فيه حد من الناس اللى شافوا الموضوع ومستفادش يقول عشان نقفل الموضوع ..
حضرتك مش عايز تتكلم فى الموضوع .. فيه غيرك عايز يتكلم فى الموضوع ..
حضرتك عارف مداخل ومخارج الموضوع من كافة النواحى .. غيرك ميعرفش ..
عموماً شكراً لرد حضرتك .

المشاركة الأصلية كتبت بواسطة janno28

بس حقول حاجه مع العلم انى سمعتها والله اعلم بصحتها
سبق ورديت ان ممكن تكون مضطرة تشتغل الشغلانة ديه وان ده سبيلها الوحيد للرزق واتسال فيها شيخ قال بما انها هى اللى بتتكفل بالبيت وان ديه الوسيلة الوحيدة بيجوز هل الكلام ده صح ولا غلط

!!!!!!!!!!!! ده شيخ مين ده اللى قال كده ؟! ممكن اسمه او سنة او عنوانه !

يعنى لو البنت مضطرة تشتغل مضيفة فحلال انها تلبس قصير و تسافر و تستحمل قلة ادب اى حد من الركاب .. شيخ مين ده ؟؟!

مادام هى مضيفة فاكيد بتعرف انجلش كويس , ممكن تشتغل 10000000 شغلانة و اقلها سكرتيرة فى مكتب و الشغل ده مفيش اكتر منه و باحترامها كمان ..

لكن حضرتك تقولى سبيلها الوحيد للرزق , بصراحة كلمة تعصب الواحد كانها مبرر او ضحك على النفس .

و لو حد عايز يشوف المضيفات بيشتغلوا ازاى ممكن ابعت له على الخاص , علشان محدش يبقي عنده شك مش اكتر !

مقبلش لكل الاسباب اللي ذكروها الاعضاء بالرغم ان في شركات طيران من شروط اليونيفورم الحجاب
ده غير في نقطة مستغربالها بصراحة فين البرستيج في شغلانة المضيفة انا مش شايفاها اكتر من جرسونة مع احترامي لاي جرسونة في المطاعم المحترمة فقط
وطبعا بما ان في الطيارة في تقديم للخمور اذن هي جرسونة غير محترمة