ماذا يعنى كبس الموتور وكيف يمكن قياسة و ما هى النسبة المثالية لكل من الموتور الجديد و الموتور القديم و هل لها تأثير على نوع البنزين المستخدم او نو الزيت ارجوا الافادة
عرض للطباعة
ماذا يعنى كبس الموتور وكيف يمكن قياسة و ما هى النسبة المثالية لكل من الموتور الجديد و الموتور القديم و هل لها تأثير على نوع البنزين المستخدم او نو الزيت ارجوا الافادة
الاستاذ اسامه
اولا كبس الموتور يقصد به كبس البساتم
اي ان خليط الوقود والهواء عندما يحترقا في غرفه الاحتراق الداخلي مما يدفع البستم الي اسفل
يختلف الكبس من سيارات الي اخري حسب تكنولوجيا التصنيع اعلي كبس في الاوربي مثل الالماني لاختيار خامات جيده وتقل في الياباني والكوري والصيني
وتقل بتقادم الموتور وكلما قلت النسبه دل علي ان الموتور يحتاج الي صيانه (شميز وطاقم شنبر)
وهناك تأثير علي الكبس من البنزين المستخدم ولكن تاكد ان رقم الاوكتان مناسب اطراز سيارتك
لكل سياره معامل انضغاط مثلا الباسات يحتاج الي اوكتان 95 ولو رفعت النسبه لسياره لا تتطلب اوكتان اعلي لا فائده من ذلك مثال ان سيارتك 128 تحتاج الي اوكتان 80 وليس اكثر
ان الزيت لا يوثر تأثير مباشر في الكبس ولكنه بساعد علي عدم تأكل المحرك وسلاسه حركته
والله اعلي واعلم
طيب فين ممكن نقيس كبس الموتور بدقة فعلية
معلش انت اختلط عليك مصطلحين... الكبس و نسبة الانضغاط
نسبة الانضغاط بتبقى النسبة بين حجم الغاز و البستم فى النقطة الميتة السفلى و حجم الغاز و البستم فى النقطة الميتة العليا و كل ما النسبة دى زادت كل ما كان الموتور بيدى قدرة احسن لكن بيحتاج بنزين بدرجة اوكتان اعلى ولا العرية حتسقف... دايما حتلاقى اما على غطاء التنك او فى كتالوج العربية رقم الاوكتين الادنى اللى المفروض تستعملة
نسب الانضغاط بتبختلف من موتور للتانى حسب التصميم و المواتير ذات نسب الانضغاط العالية دايما بتبقى فى السيارات الحديثة او سيارات الاداء العالى و جرى العرف ان اى موتور نسبة انضغاطة 9.5 او اعلى هو محرك انضغاط عالى... نلاحظ ان العربيات التربو او اللى فيها سوبر شارجر بتبقى نسبة الانضغاط قليلة 8 او اقل و على الرغم من كدة بيتحطلها بنزين باوكتين عالى
كبس الموتور هو مصطلح يقصد بية مدى كفائة احكام الشنابر و البساتم فى سد غرفة الاحتراق... يعنى بالبلدى الشنابر بتنفس ولا لا... و دة بيتم عن طريق جهاز بيقيس الضغط جوة كل غرفة احتراق و حسب قيمة الضغط و نسبة الفرق بين اعلى و اقل بستم يتم تحديد مدى كفائة الموتور
على حيب ما اتذكر ان فى عربية نسبة انضغاطها 9.5 بيكون الضغط فى غرفة الحريق 160 PSI و لو الفرق بين اعلى قياس و اقل قياس لا يزيد عن 25% يبقى الموتور دة كويس و مش محتاج شنابر و خلافة
الزيت يفرق معاك فى كبس الموتور لان الزيت الخفيف مش حيملى الفراغ بين البستم و البلوك لو عندك تاكل و الزيت التقيل ممكن ميقدرش يدخل فى المسافة دى لو موتورك جديد و بالتالى استعمل درجة الزيت الصح اللى مكتوبة فى كتالوج عربيتك
اعتقد محطة كالتكس اللى على ناصيه عباس العقاد و النحاس فيها جهاز قياس كبس الموتور
MMamdouh
تمام الأخ ممدوح وضح كل حاجة - بس أحب أضيف أن الكبس لحد 69 يعتبر مقبول بس أقل من كدة هيبقى قى كلام
وأماكن قياس الكبس كتيرة فى المانيول وفى الكمبيوتر زى ما أنت عايز
طيب معلش سؤال هوة الكبس دة بيتقاس على الأيدل ولا على اقصى Rpm و كيف يتم ذلك اقصد بيقيصوة اذاى يعنى بيحطو اية علشان يقيسو
و شكراااااااااا
القياس بيتم و الموتور مش داير... القياس بيحصل و انت بتدور الموتور بالمارش و كهربه البوجيهات مفصولة و بيتم تركيب مقياس ضغط مكان البوجية لقياس الضغط
MMamdouh
اعتقد ان فى العربيت الجديده هتلاقيها 85 او 90 %
90% دة كتير قوى أكيد إلمانى