انا عاوز اشتري الجيتا 2010 ولا اوكنافيا

**Mansy4** · 06-03-2010 03:29 PM

يا جماعه ممكن حد يساعدني انا عاوز اشتري عربيه ايه اللي احسن
جيتا 2010 ولا اوكنافيا ايه رايك من ناحيه كل حاجه في عربيتن
ممكت تسعدوني

**mmans** · 06-03-2010 08:40 PM

هتسمع كلام كتيييييييييير و بصراحة العربيتين متقاربيين فى حاجات كتير و انا كنت محتار زيك بالظبط و فى الاخر جبت الجيتا لكن نصيحة منى اركب العربيتين الاول قبل ما تقرر و الى من نصيبك هتلاقيها بتناديك

**seqoia** · 06-03-2010 08:43 PM

في مواضيع كتيرة في نفس المقارنة دي

الخلاصة الجيتا انعم واريح واشيك بس واطية وقطع غيارها غالية
الاوكتافيا اعلى وقطع غيارها ارخص بس انشف واقل راحة واقل شياكة

مع الاخذ في الاعتبار ان بنفس السعر تجيب مستوى اعلى في الاوكتافيا احسن من الجيتا

انا عن نفسي افضل الجيتا

وممكن الافينسيس افضلها عن الاثنين لو مش فارق معاك الجير العادي المانيوال

وآسف على الاطالة

**H_A_T_Em** · 07-03-2010 07:53 PM

يا ريت حد يحسملنا الموضوع ده لان انا اللي اعرفه انهم نفس الموتور و في تقارب كبير فياريت حد يقولنا المفيد و شكرا

**moh.aboelkheir** · 08-03-2010 07:34 PM

بصراحة انا شوفت الاثنين و الفرق بين الجيتا و الاوكتافيا و الله و انا كنت باشوفهم في معرض جنب بعض كدة ان علامة سكودا موجودة مكان الفولكس على الموتور و الدركسيون ... بجد نفس كل حاجة copy, paste ... بس الجيتا فيها زيادة انك بتحرك الكرسي ب.راير كهرباء ... مع العلم الجيتا تأفيل مكسيك و الاوكتافيا تقفيل التشيك .... ف لو انت بتحب فولكس جيب جيتا ... لو مش فارقة انصحك باوكتافيا ... و اسف للاطالة

**hanady** · 09-03-2010 01:21 AM

الأوكتافيا هى الجيتا متجمعة فى التشيك. لا يوجد فروقات بينهم. شوف شكل أيهما يعجبك و أتكل على الله.
عن نقسى عملت هذه المقارنة قبل كده عند الشراء و أخترت الأصل (الجيتا)

**fathelbab** · 09-03-2010 03:29 AM

جيتا اكيد افضل قطع غيار واحد التجميع لصالح جيتا قطع غيار الخارجيه الاوكتافيا غاليه وشبه احتكار الذوق العام الجيتا

**M.almaghraby** · 09-03-2010 03:46 AM

فولكس جيتا

**TeMoON** · 09-03-2010 04:34 PM

شوف يا اخ mansy انا كنت زيك انا كمان وقارنت بين الفانتازيا والجيتا بس بعد المقارنة الجيتا كسبت معايا رغم انى كنت بقارن الجيتا 2009 بالاوكتافيا الفانتازيا 2010 الى فيها التعديلات الجديدة والى منها تغير شكل الدركسيون واضاءه وشكل التابلوة ولكن الجيتا حققتلى المعادلة الصعبة الى انا بدور عليها

بالنسبة للجيتا هى افضل من الاوكتافيا من حيث الشكل (رأى الخاص)
كماليات الجيتا بتكون اكتر فى الموديلات العالية هاى لاين
الذوق العام للجيتا افضل من الاوكتافيا بمعنى

لو قارنت بين تابلوة الجيتا الجديد ( تكيف - اضاءه تابلوة - دركسيون - كاسيت تاتش )

هتلاقيهم متقاربين بس الجيتا تكسب لانها الى حد ما اشيك من الاوكتافيا ولو قارنت بين الجيتا الهاى لاين والاوكتافيا الهاى لاين فى الكاسيت التاتش هتلاقية فى الجيتا اشيك مليون مرة من الاوكتافيا

ولو انت من النوع الى بتحافظ فى مشيك بالعربية وبتاخد المطبات براحة وهتعرف تتعامل مع العربية هات جيتا

انما لو بتجرى وبتاخد مطبات والكلام دا كلة هات اوكتافيا

بس كا شكل وانسيابية واداء وراحة ونعومة الجيتا تكسب

**beeboo2005** · 10-03-2010 12:44 AM

بعد شراء فولكس فاجن لسكودا التشيكية سمحت لها بأنتاج الجيتا فى التشيك مع التعديلات الطفيفة اللتى تراها سكودا فى الشكل الخارجى أو الداخلى. لذلك لو العربيتين واقفين حنب بعض و فتحت غرفة المحرك أو الشنطة الخلفية (أنا عملت كده) تلاقيهم طبق الأصل (ألا علامة فولكس او سكودا على المحرك). الأختلافات طفيفة جدا فى الشكل بتاع الفوانيس (أمامية أو خلفية) أو التابلوه.
عن نفسى بعد عملى لهذه المقارنة فى السابق عام 2008 أخترت الجيتا (العربية الأصل و التى تنتجها الشركة الأم بمصنع مخصص لها فى المكسيك و معد خصيصا للتصدير إلى أهم أسواق العالم---السوق الأمريكية التى لا ترحم و التى حققت فيها الجيتا مبيعات خرافية 6.6 مليون سيارة منذ أنطلاقها عام 1985 حتى 2005) و هى عربية رائعة للغاية و أختيار لن تندم عليه.
شوف أيهما من حيث الشكل تحبها و توكل على الله.