شكرا على الموضوع
عرض للطباعة
شكرا على الموضوع
مشكوووووور يا باشا
===============
اللي أعرفة أن ال ABS فايدتها أن العجل ما يقفشش لما تدوس علي الفرامل
لكن المشكلة عند أنفجار الإطار بتبقي في عدم إتزان السيارة وتمركز ثقل السيارة ناحية الإطار المنفجر ( لأنها بتبقي أوطي من باقي أركان السيارة ) يعني السيارة ممكن تقلب معاك .
لو ال ABS لة فايدة في حالة إنفجار الإطار يبقي فهمنا كي تعم الفائدة ؛
كما أنة طبقاً لمعلوماتي فإن غالبية السيارات الجديدة بها نظام لتوزيع قوة الفرامل علي العجل الأمامي والخلفي بنسب معينة (مش عارف النسب بالضبط ) وبطريقة تحفظ توازن السيارة عند الضغط الفجائي علي الفرامل ؛؛؛؛ بس دة في الأحوال العادية مش في حالة أنفجار الإطار
يا ريت لو حد عندة أي معلومات عن فائدة ال ABS في حالة أنفجار الإطار يبقي يشرحها لنا بالتفصيل
المشكلة مش فى مركز ثقل و كدة... المشكلة ان العجلة اللى انفجرت فقدت كل تماسكها مع الطريق و بالتالى لما تدوس فرامل العجلة السليمة حتفرمل و اللى فرقعت مش حتفرمل و حتلاقى العربية بتحود ناحية العجلة السليمة
الABS حيحاول يخلى العجلة اللى مفرقعة متقفش و بما ان العجلة مش ماسكة فى الارض اصلا فا الABS حيمنع عنها اى قوى فرملة و بالتالى العربية حتلف برضة لو دوست فرامل
MMamdouh
ايام صفقه الكاوتش الصيني المضورب اللي دخلت مصر انفجر مني كاوتش علي الدائري وكان معايا
سعتها عربيه واحد صاحبي سوزوكي سويفت ( وطبعا كلكم عارفين السويفت ) وكنت ساعتها ماشي
علي سرعه 100 تقريبا وربنا الهمني الحمدلله ومسكت الدركسيون جامد جدا لدرجه اني ملت عليه
بجسمي وسبتها لحد ماوقفت لوحدها ورحت بعد كده بايس العربيه وركنتها جمب الحيط :biggrin24:
ليه بستها وركنتها جمب الحيط
كمل الشرح
تتشاهد اولا وتعمل ال قاله الاخوة ماعدا استخدام الفرامل
المشكله ياجماعه ان لما بينفجر احد الاطارات بيكون صوته مدوى ومفزع جدا ومن شده الصوت ممكن السائق يرتبك وبدون اراده منه يدوس على الفرامل من الصدمه
وهنا تكون الكارثه
لذلك ربنا يرحمنا جميعا ويسترها مع الجميع يارب
مهم جدا انك ما تنشغلش بالانذار لو خايف من اللي حواليك. امسك في الدركسيون أحسن. هم أكيد سمعوا و فهموا
- في حالة انفجار أحد إطارات السيارة أثناء سيرك في الطريق راعي عند قيامك بالتوقف أن يكون توقفك على مراحل و ليس بصوره مفاجئه ..
و ذلك من خلال ضغطك على دواسة الفرامل بصوره متقطعة و تدريجية و ليس بصوره قوية .
لأن القيام بالضغط بقوه على الفرامل قد يعرض السيارة للانحراف إما يميناً أو يساراً خصوصاً في حالة ما إذا كان الإطار المنفجر أحد الإطارين الأماميين .
انا نقلت الكلام ده من كتاب عن الصيانات
معنى كلامه انك بتدوس فرامل بسيط يعنى بتشعر فرامل بس ده فى حاله الفرامل العاديه
بالنسبه لتقليل الغيار فى الاتوماتيك مفيش الكلام ده فما العمل اذا كان هناك اختلاف فالاصلح تشعير فرامل ولا بلاش نهائيا حتى لو كنت على سرعه عاليه