شكرا على الموضوع
عرض للطباعة
شكرا على الموضوع
ألف شكر على الموضوع
مش حضيف حاجة كبيرة لكلام الإخوة عن الموضوع ففيه الكفاية
ولكن حاجة بسيطة
الموقف ده بالذات -الانفجار المفاجئ للإطار- المفروض يخلينا ناخد بالنا من شوية حاجات
١- السير بسرعة معقولة حتى لو الطريق فاضي وحتى لو العربية كويسة، الفكرة إن الواحد يعرف ياخد رد فعل مناسب في وقت مناسب وده بيبقى صعب قوي على السرعات العالية لاسيما لو في زحمة عشان اللي حواليك ممكن يخلوك ترتبك
٢- البعد عن كل ما يشتت الانتباه أثناء القيادة ويبقى أهم حاجة التركيز في الطريق لغاية لما نوصل وبعد كده براحتنا، ومن أهم الحاجات اللي بتشتت الانتباه: الأكل- التدخين- الكاسيت العالي- كثرة الاكسسوات الداخلية عديمة القمة - الحديث الصاخب مع من بجوارك في السيارة- الانتباه لإعلانات الطريق- القيادة مع الاحتياج إلى النوم - السرحان في حوارات داخلية مع النفس - القيادة المتوترة
يعني باختصار لازم الواحد تكون عينه وسط راسه وهادي جدا
٣- المراجعة الدورية للسيارة: إطارات - فرامل- اتزان- عفشة لأن مهم قوي الحاجات دي تكون مظبوطة عشان المشكلة تكون في حدودها الدنيا
لو الواحد خد باله من الحاجات دي المشكلة بتقل جدا لو حصلت لا قدر الله
والصراحة أهم من ده كله إن الواحد يدعي إن ربنا يستره في الدنيا والآخرة لأن المسائل دي كلها أسباب ليس إلا وربنا قادر على كل شئ وممكن ربنا يحفظك لأسباب إنت نفسك ما تتخيلهاش
ربنا يسلمنا جميعا
وآسف للإطالة
انا حصل معايا الموقف دة كنت رايح مرسى علم وجيت عند سفاجا والكاوتش ضرب ربنا سترها ومكانش فية عربيات ماشية ورايا مسكت الدريكسيون كويس ومورت العربية واديت انتظار كلة كان ماشى زى الحلاوة لحد مقلت انزل على الرمل علشان اغير الاستبن وكانت هنا المشكلة
العربية لما الكاوتش انفجر بتوطا خالص وانا نازل على الرملالعربية حكت فى الاسفلت دخلت الرداتير على مروحة الموتور الريداتير باض والمروحة انكسرت الكلام دة كان فى عز الظهر تانيتنى قاعد لحد متصلحت ودخلت البيت الساعة 3 الصبح . لو كنت قريت المداخلة بتاعت الاستاز بشير كويس كنت طلعت باقل الخساير
علشان كدة ارجوا من السادة الاعضاء قرائة مثل هذة التبيهات بعناية
وشكرا
الف شكر على المعلومات
ربنا يسترها
شرح رااائع
حصلت معايه من يومين بس صوت الانفجار مكنش باين بسبب غلق الزجاج وتشغيل التكيف والاستماع الى الموسيقا
انا حصلت معايا قبل كده بس مش عرف ايه سبب انفجار الاطاريين لغايت دلوقتي كنت ماشي رايح المطار في الرياض على الدائري بعربية افيو (و مش عارف ليه الافيو هنا عجلها مقاس 13 و رفيع تحس انه بتاع الفسبة) المهم الكلام ده كان قبل الفطار مباشرا كنت ماشي علي 120 و فجاءة العربية عامت يمين و شمال رحت مكلبش في الدركسيون
وسبتها تروح في اتجاها كانت عرضت في وسط الطريق (و ماادراك الطريق ده ممكن في ناس ماشية فوق 250) المهم فضلت مكلبش في الدركسيون وبدوس فرامل براحة كأني بهدي و فضليت العربية ماشية لحد مطلعت فوق الرصيف وكان في رمل جامد وكتير رحت مفرمل جامد مرة واحدة راحت العربية وافقت وبعد كده اتقلبت على جنبها و الحمدلله جم ناس عدلوها و عددت على خير نزلت لاقيت انفجار الاطاريين اليمين اللي ورا و اللي اودام مش عارف ازاي ؟!!
شكرااا يا جميل على الموضوع
تحييييييييييياااااااااااا اااااتي
بصوا يا جماعة الموضوع مرتبط بخبرتك وتمكنك فى السواقة وبالتالى هدوءك والتوفيق من عند ربنا والعملية ديه حصلت معايا الصيف اللى فات على طريق إسكندرية الصحراوى وكمان فى المنطقة الجديدة اللى بعد الكيلو 70 وإنت جاى على القاهرة وكنت ماشى على 180 وفجاة الكاوتش اللى ورايا شمال ضرب والعربية بدات هاتحدف قمت مسايسها راحت شمال سنه جبت الدركسيون يمين شوية بسيطة لحد ما إتاكدت إنها ماشية فى خط مستقيم بدات أدوس فرامل سنة سنة لحد اما وقفت على جانب الطريق بكل هدوء من غير الكلبشة لأن معترض على موضوع الكلبشة فى الدركسيون ديه هاتخليك تتنشن وممكن تعمل كارسة لو كلبشت فى اللحظة اللى العربية بتحدف فيها وده اكيد اللى هايحصل .
ونصيحة أخرى أحسن ماسكة للتحكم فى الدركسيون فى كل المواقف هى ماسكة الساعة 10 وربع (طبعاً هاتستغربوا لأنى متعلم الحكاية ديه فى أمريكا دايما كان بيقولولى تن فيفتين) ودى معناها أنك تمسك بإيديك اليمين فى نصف الدركسيون وإيديك الشمال الناحية التانيه ماسكة فوق نص الدركسيون بشوية (يعنى لو إفترضنا إن نص قطر الدركسيون (الدائرة) عامل زى ماتكون الساعة 9 وربع) يبقى الماسكة دى إسمها 10 وربع
شكرااااااا جزيلاااااااااااااا