عرض للطباعة
امبارح كنت في ابو غالي بتفرج على الالنترا و الاوبترا و الراجل قالي ان الالنترا بعد 120 مش ستابل على الطريق خالص عشان الباور كهربا و مش بيفصل و بيبقي الدركسيون مية بس بصراحة انا مش مصدقه و مش مقتنع بكلامه انا عارف ان الباور كهربا فعلا بس اكيد هيونداي مش هتعمل عربية مصنفة 3 عربية في امريكا عام 2009 في الفئة دي و تكون بتعوم بعد 120 يعني ياريت اسمع رايكم في الموضوع عشان بالرغن اني مش مصدق الا انه ضايقني لما قال كدة كمان قال ان التوكيل كله عربيات النترا فيها العيب دة من نص 2009 و 2010 و قلقني منها
مين قال كدا انا جايب العربية من ابو غالي من كام شهر و ما فيش اي مشاكل خالص من دة
و خالي معاه نفس العربية موديل 2007 و جاب بيها 200 على طريق العلمين
بلاش نصدق الاشاعات دة و العربية الباور بتاعها بيتقل مع السرعة
ادخل على اليو تيوب و شوف الناس اللي بتجيب بالعربية 200 و 220 كمان
اهم حاجة في العربية الهدوء و الراحة و انا ما شوتش احسن من كدا الصراحة في فئتها جرب اركب العربية و انت هتغير رايك
شكرا على ردك و اهتمامك طمنتي بس هو انت الشكل الجديد
انا 2009 و الشكل الجديد من موديل 2007 و قبل كدا شكل قديم
ليا واحد صاحبى ماشى بيها 200 من طريق اسيوط وكانت كويسة
بس لازم تكون واخد بالك من الطارة عشان الباور لان دة اللى بيودى الناس فى مشاكل عشان بيكون مية خالص
الراجل ده بيبالغ و غريبة ان كلمة زي دي تطلع من مندوب مبيعات يعني قمة عدم الاحترافية.
بص يا زعيم انا جربت الانترا شخصيا و جبت 200 مرتين مره علي طريق العين السخنة الجديد و مرة علي وادي النيطرون الدريكسيون فعلا مبتقلش زي العربيات التانية بس مش لدرجة انه يبقي ميه و العربية ثباتها فوق المتوسط وضعا في الاعتبار الفئة اللي العربية فيها و حجم الجنوط اللي بتنزل بيها العربية
i drived it at 180 several t
it was very good
her stability is better than my old Nubira
الكلام ده غير صحيح بالمرة
انا لسه شارى العربية و لسه فى التليين بس اول اما بعى (مش هاقولك 120 ) لا 60 بس الدركسيون بيبقى حجر فى ايدك و لو عملت تيرن يمين او شمال بيبقى عاوز يرجع لوضعه الطبيعة لقدام
انا لسه ماجرتش بيها بس لحد 130 ( و دة اكتر سرعة جبتها بعربيتى عشان لسه بلين ) كانت ثابتة جدا الحمدلله و ماتسمعش كلم حد
انا اللى خلانى اشترى العربية انى كنت باخد عربية واحد صاحبى و هى 2008 و جبت بيها 160 و العربية كانت كويسة و مافيش حاجة اسمها الدركسيون بيبقى مياه و الكلام ده
السلام عليكم
العربية ممتازة ومتصدقش الكلام دة ... انا معايا يناير 2008 فى مصر وزى الفل
ومعايا بردة الانترا فى السعودية وامبارح كنت بعمل عمرة ورجعت المدينة ماشى 220 وكنت بهدى بنزل 200
ودة مش 1- ثوانى ولا 15 دقيقة دول كانو 3 ساعات قطعت فيهم 430 كيلو زى الفل لا دركسيون عام ولا غرق.
متنساش تحسب وقت تموين البنزين والرست وتجيب شاى بس.
وربنا يستر
السلام عليكم
انا معايا سيفيك 2007 و سوقت الألنترا كتير اوى (عربيت امى) و ثباتها زى الفل
متصدقش الكلام ده.
والله العظيم الباور بتاع الإلانترا بيتقل, قسما بالله العلي العظيم الباور بتاع الإلانترا بيتقل, إلانترا الشكل الجديد إبتدى ينزل من آخر2006 و فعلا الباور بتاعها كان فيه مشكلة إنه مش بيتقل , بس العيب ده إتصلح في كوريا في آخر2007, و من موديل2008 الباور بتاع الإلانترا بيتقل, بيتقل كل ما تعلي السرعة, من سرعة50, و أنا معايا العربيه, قسما بالله العظيم بيتقل, أنا بجد مش عايز أشتم اللي بيقولوا مش بيتقل و أقول عليهم بيألفوا, قسما بالله بيتقل, بس الإلانترا ثباتها مش زي اللانسر بومة مثلا أو السيراتو الجديدة في السرعات العالية أوي, و ده مش عيب فيها, هي تصميمها كده, لأن عفشتها ناعمة مش ناشفة زي البومة سبورت و السيراتو, بس الماتور بتاع الإلانترا تكنوليجيا أعلى و أحسن بكتير و صوت الماتور مش مزعج زي البومة, و الكراسي مريحة عكس البومة, البومة مثلا و الإلانترا الجديدة ثابتين في السرعات العالية جدا أكتر من الكرولا2003, هل البومة أو الالانترا القديمة أحسن من الكرولا يعني؟, طبعا لأ,
شكرا يا جماعة بجد ربنا يطمنكوا انتو ريحتوني اوي و ان شاء الله هاجيبها و ياريت تفيدوني بمعلومات اكتر عنها
أنا معايا 2010 والباور زي الفل وبيتقل مع زيادة السرعه
العربيه عيبها الوحيد من وجهة نظري انها بتبقى واطيه لو محمل ورا وده مش عيب جوهري طبقا لاستخداماتي واحتياجاتي
ربنا يبارك فيكم طمنتوا الراجل
ياعم ال بيقول لك الكلام ماتشترى منه لانه يضللك .. يعنى ايه 120 بتعوم ال يخلى الاتوس ماتعوم اقل فئه فى هيونداى.. جبيبى الموضوع دة كلام مبنى عن سياسه بيع المخزون للانواع الراكده لزبون مش عارف عفوآ ليخلص منها
شكرا على المعلومه
تحياتي
انا راى ما تجيبهاش بس مش علشان الالنترا وحشه بالعكس انا بعشق العربيه ده و بحترمها جدا بس علشان الشكل الجديد نزل بره و شويه حينزل هنا يدفن الشكل القديم و ساعتها سعره حيقع جامد نفس قصه السيراتو النيو سيراتو دفنت الشكل القديم
و الله يا جماعة بعد ما استريحت من ردودكوا رجعت ترددت تاني و بصراحة بسبب المنتدي و عايز اقول حاجة بلارغن من اني استفدت جدا من كوني عضو في اللمنتدي و فهمت تقريبا اغلب العربيات الموجودة في مصر الا انه بيشتت الدماغ يعني انا بقيت محتار الي بيقول في موضوع كويس يقول في موضوع تاني على نفس العربية وحش طبعا انا مش بشكك في مصداقية حد لكن ممكن واحد تكون عربيته قلت معاه شوية كتب كلام وحش عنها فدة بيشتت يعني انا بعد ما قريت الردود في الموضوع هنا قريت موضوع عيوب الالنترا و في ناس كتير بتقول ان اعلربية واطية و بتحك و ناس بتنفي دة و ناس تقول مش ستابل من بعد 100 او 120 و ناس تقول جاب بيها 200 وكان الموضوع حلو جدا و بيس ناس تقول الباور بيفصل و ناس تقول لا واخر حاجة بقي واحد في معرض قالي بيفصل عند 120 و يرجع يشتغل تاني قال اية بينبهني اني على سرعة عالية (كلام مش مقنع خالص بتاع الراجل بتاع المعرض دة ) و انا فعلا بقيت محتار جدا و مبقتش عارف اجيب اية بقالي اكتر من سنة بدور و مستني ظروفي تتحسن و اول ما نويت اشتري وقعت في حيرة ما بين اجيب النترا عربية اوسع و اكبر و ناعمة في المطبات و لا اجيب نيو اكسنت عربية شبابية وسبورت و اضحي بالعفشة الناعمة و الوسع الداخلي و كمان في ناس يتقول عليها بعد 140 مش ستابل كمان و بصراحة انا نفسي في عربية جامدة و متقلش معايا في اي حاجة معلش عارف اني طولت اوي عليكو بس ممكن هنا حد يرد يقول دي عربية مش غالية يعني و في فئة لازم يكون فيها عيب بس لا الفلوس دي الواحد بيتعب فيها حتى لو قليلة و ميحبش يحس انه بيرميها على الارض مرة تانية معلش على الاطاله بس ارجو منكو تفيدوني بسرعة و تساعدوني في اتخاذ القرار الصائب
هاقولك رأيى من الاخر و بصراحة
العربية معايا بقالها تقريبا شهر .... بصراحة ناعمة و جميلة و واسعة ... و سحبها جميل و التكييف كويس بس عيبها اللى انا شايفه فعلا انها بتوطى مع الحمولة ... بمعنى ان العربية فى العادى عالية عن الارض بس لما بتحمل 2 او 3 على الكنبة بتبقى واطية جدا و فعلا بتحف فى المطبات .... بس بالنسبة للنيو اكسنت انا اعرف واحد جايبها بقاله 3 شهور تقريبا و بصراحة فرق كبير قوى بينها و بين الالنترا فى الثبات و الوسع و العفشة و حتى شكل التابلوه و الخامات اللى فى العربيتين كل ده لصالح الالنترا ..... الميزة الوحيدة فى النيواكسنت انها عالية ( و دى ميزة هنا فى مصر بس عشان مطباتنا الجميلة )
و بالنسبة للباور ماتسمعش كلام حد و الباور الكهربا انعم من الهيدروليك بكتير و بيديك احساس جميل و انت سايق بس الفرق بينهم كالتالى
الباور الهيدروليك شغال بتغير ضغط الزيت يعنى كل اما بتزيد السرعة ضغط الزيت بتاعه بيختلف و بيتقل و دى حاجة نسبية و مش دقيقة عكس الكهرباء
الباور الكهرباء شغال على سنسور بيتقله مع السرعة اللى انت ماشى عليها و دى حاجة دقيقة جدا عن الهيدروليك بمعنى انه هايفضل بنفس الاداء بتاعه عند كل مرة تجيب فيها سرعة معينة و لنفرض 100 مثلا انما الهيدروليك بيبقى نسبى و بيتأثر بضغط الزيت اللى فيه
و اللى يقولك مابيتقلش ده مابيفهمش حاجة و عشان تطمن جرب العربية و احكم عليها و ماتسمعش كلام حد
و ربنا يوفقك و توصل للقرار السليم
طمنتوا الراجل ووضحتوا له الحقيقة
ايه كمية الحلفانات دي كلها ؟اقتباس:
المشاركة الأصلية كتبت بواسطة seanmichaels
:ma:
بسم الله الرحمن الرحيم
انا معايا النترا 2009 بقالها سنة ماشاء الله ممتازة جبت بيها 190 على طريق العين السخنة عيبها الوحيد انها عند تحميل فردين فى الكنبه الخلفية لا زم تعدى المطبات (اللى هى اساسا مقاستها غلط)بالعرض ومن قال غير ذلك لا يعطى كل ذى حق حقه الا اذا وجد العيب فى الوكيل وهذا وارد
في لبس عند بعض الناس ( اقصد واحد زي بتاع المعرض مثلا)
الالنترا 2007 تختلف عن 2009 وما فوق في الباور .
ال 2007 باور زيت انا جربته وبصراحة بيكون خفيف على السرعات العالية .
ال2009 وما فوق باور كهرباء ( قمة المتعة والامان في القيادة )
الباور ده مميز جدا وبيحسك بسهولة ودقة التحكم في توجيه العربية وبيبقى شبه متحجر على السرعات العالية وبيتقل تدريجيا حسب السرعة . بالنسبة للالنترا 2008 مش عارف الباور بتاعها زيت ولا كهربا.
ثبات الالنترا ممتاز وليس كما يقول البعض ان تصميم الالنتر مش مساعد على الثبات . الكلام ده ميتقلش كده بمجرد النظر على العربية . الحاجات ده بتكون محسوبة بالملليمتر في تصميم العربية . يعني مش معنى انها مرتفعة عن معظم العربيات اللي في فئتها تبقى مش ثابتة.
وفي حاجة اسمها drag coefficient وده معامل احتكاك الهواء للعربية على سرعة 90 وهو = 0.32 وده قيمة كويسة مقارنة باللانسر شارك = 0.34 و الكرولا 0.29 واللانسر بومة 0.30
طبعا الرقم كل ما يقل بيكون افضل في استهلاك البنزين والثبات.
الالنترا سيارة الخدمة الشاقة والعمر الافتراضي الطويل بأقل تكاليف تشغيل.....
زيزو انا زيك بالضبط قعدت سنه ادور على عربية و قلقان علي فلوسى وجبت العربية من شهر
الالنترا ما شاء الله عليها عربية روعة و اداءها ممتاز
اروع عربية ركبتها انا ركبت لانوس و نوبيرا و مرسيدس 1980 و جولف 1989 بيجو 406 كمان
هاتها اوتوماتيك و هتدعيلى و ياريت لو تجيبها ب ايه بي اس كمان
على فكرة ان اباسافر اسبوعيا من بورسعيد لشبين الكوم وما ادراك ما طريق بورسعيد شبين الكوم ...
تيارات هوائية شديدة على الساحلى و مليان لوريات و سرعتى فيه من 150 الى 190
ملفات حراقة جدا فى طريق مافيهوش لمبة واحدة فى وصلة جمصة المنصورة باخدها على100 و 110 بمنتهيي الثبات و الى جرب الطريق ده هيعرف معنى كلامى
وباليل نور العربيه مممممتااااز
انا بعد تجربتى مع الالنترا باستغرب من اللى بيتكلموا عن ثباتها او دركسيونها يمكن يكون فيه عربيات اثبت منها زي السيفك مثلا بس هى عربية ممتازه تستحق تمنها
نصيحتى لو هتجيب العربية هاته توكيل عشان يبقي ليها ضمان لو طلع فيها مشكلة تبقى فى السليم
مفيش الكلام ده
الخلاصـــــــــــــــــــ ـة
الباور بيفصل عند 120
فعـــــــــــــــــــــــ ــــــــلااااا
واســــــــــــــــــــــ ــــــــأل مجرب
elntara 2010
انا متشكر جدا يا جماعة ليكو
لاتصدق اى احد يشتكى من هيونداى. هيونداى شركه عالميه تنافس الاخريين بشراسه فى اروبا وامريكا واتفرج مبيعات الخليج للهيونداى ياعم انتوا فين . يمكن عربيه هنا او هناك بها عيب من المعرض ال باعها لك ولكنها ليست متكررة وعربيات زى الفل واشترى الهيونداى عربيات جودة عاليه تستاهل ثمنها بحق ربنا .. بلا صينى ولا اروبى الكورى شغال وقادم شوف الهيونداى والكيا والشفروليه وحوش كوريا قادمين