سمعت حاجة عن الالنترا 2010 عايز اتاكد منها

**seanmichaels** · 07-03-2010 01:03 PM

والله العظيم الباور بتاع الإلانترا بيتقل, قسما بالله العلي العظيم الباور بتاع الإلانترا بيتقل, إلانترا الشكل الجديد إبتدى ينزل من آخر2006 و فعلا الباور بتاعها كان فيه مشكلة إنه مش بيتقل , بس العيب ده إتصلح في كوريا في آخر2007, و من موديل2008 الباور بتاع الإلانترا بيتقل, بيتقل كل ما تعلي السرعة, من سرعة50, و أنا معايا العربيه, قسما بالله العظيم بيتقل, أنا بجد مش عايز أشتم اللي بيقولوا مش بيتقل و أقول عليهم بيألفوا, قسما بالله بيتقل, بس الإلانترا ثباتها مش زي اللانسر بومة مثلا أو السيراتو الجديدة في السرعات العالية أوي, و ده مش عيب فيها, هي تصميمها كده, لأن عفشتها ناعمة مش ناشفة زي البومة سبورت و السيراتو, بس الماتور بتاع الإلانترا تكنوليجيا أعلى و أحسن بكتير و صوت الماتور مش مزعج زي البومة, و الكراسي مريحة عكس البومة, البومة مثلا و الإلانترا الجديدة ثابتين في السرعات العالية جدا أكتر من الكرولا2003, هل البومة أو الالانترا القديمة أحسن من الكرولا يعني؟, طبعا لأ,

**m_zizo620** · 07-03-2010 04:46 PM

شكرا يا جماعة بجد ربنا يطمنكوا انتو ريحتوني اوي و ان شاء الله هاجيبها و ياريت تفيدوني بمعلومات اكتر عنها

**momen** · 08-03-2010 12:46 PM

أنا معايا 2010 والباور زي الفل وبيتقل مع زيادة السرعه
العربيه عيبها الوحيد من وجهة نظري انها بتبقى واطيه لو محمل ورا وده مش عيب جوهري طبقا لاستخداماتي واحتياجاتي

**essam_shaaban** · 08-03-2010 07:59 PM

ربنا يبارك فيكم طمنتوا الراجل

**raedegypt** · 08-03-2010 08:22 PM

ياعم ال بيقول لك الكلام ماتشترى منه لانه يضللك .. يعنى ايه 120 بتعوم ال يخلى الاتوس ماتعوم اقل فئه فى هيونداى.. جبيبى الموضوع دة كلام مبنى عن سياسه بيع المخزون للانواع الراكده لزبون مش عارف عفوآ ليخلص منها

**mahmoud_magdy** · 08-03-2010 08:31 PM

شكرا على المعلومه
تحياتي

**zahaan** · 09-03-2010 05:02 AM

انا راى ما تجيبهاش بس مش علشان الالنترا وحشه بالعكس انا بعشق العربيه ده و بحترمها جدا بس علشان الشكل الجديد نزل بره و شويه حينزل هنا يدفن الشكل القديم و ساعتها سعره حيقع جامد نفس قصه السيراتو النيو سيراتو دفنت الشكل القديم

**m_zizo620** · 11-03-2010 09:36 AM

و الله يا جماعة بعد ما استريحت من ردودكوا رجعت ترددت تاني و بصراحة بسبب المنتدي و عايز اقول حاجة بلارغن من اني استفدت جدا من كوني عضو في اللمنتدي و فهمت تقريبا اغلب العربيات الموجودة في مصر الا انه بيشتت الدماغ يعني انا بقيت محتار الي بيقول في موضوع كويس يقول في موضوع تاني على نفس العربية وحش طبعا انا مش بشكك في مصداقية حد لكن ممكن واحد تكون عربيته قلت معاه شوية كتب كلام وحش عنها فدة بيشتت يعني انا بعد ما قريت الردود في الموضوع هنا قريت موضوع عيوب الالنترا و في ناس كتير بتقول ان اعلربية واطية و بتحك و ناس بتنفي دة و ناس تقول مش ستابل من بعد 100 او 120 و ناس تقول جاب بيها 200 وكان الموضوع حلو جدا و بيس ناس تقول الباور بيفصل و ناس تقول لا واخر حاجة بقي واحد في معرض قالي بيفصل عند 120 و يرجع يشتغل تاني قال اية بينبهني اني على سرعة عالية (كلام مش مقنع خالص بتاع الراجل بتاع المعرض دة ) و انا فعلا بقيت محتار جدا و مبقتش عارف اجيب اية بقالي اكتر من سنة بدور و مستني ظروفي تتحسن و اول ما نويت اشتري وقعت في حيرة ما بين اجيب النترا عربية اوسع و اكبر و ناعمة في المطبات و لا اجيب نيو اكسنت عربية شبابية وسبورت و اضحي بالعفشة الناعمة و الوسع الداخلي و كمان في ناس يتقول عليها بعد 140 مش ستابل كمان و بصراحة انا نفسي في عربية جامدة و متقلش معايا في اي حاجة معلش عارف اني طولت اوي عليكو بس ممكن هنا حد يرد يقول دي عربية مش غالية يعني و في فئة لازم يكون فيها عيب بس لا الفلوس دي الواحد بيتعب فيها حتى لو قليلة و ميحبش يحس انه بيرميها على الارض مرة تانية معلش على الاطاله بس ارجو منكو تفيدوني بسرعة و تساعدوني في اتخاذ القرار الصائب

**mcml_13** · 11-03-2010 11:57 AM

هاقولك رأيى من الاخر و بصراحة
العربية معايا بقالها تقريبا شهر .... بصراحة ناعمة و جميلة و واسعة ... و سحبها جميل و التكييف كويس بس عيبها اللى انا شايفه فعلا انها بتوطى مع الحمولة ... بمعنى ان العربية فى العادى عالية عن الارض بس لما بتحمل 2 او 3 على الكنبة بتبقى واطية جدا و فعلا بتحف فى المطبات .... بس بالنسبة للنيو اكسنت انا اعرف واحد جايبها بقاله 3 شهور تقريبا و بصراحة فرق كبير قوى بينها و بين الالنترا فى الثبات و الوسع و العفشة و حتى شكل التابلوه و الخامات اللى فى العربيتين كل ده لصالح الالنترا ..... الميزة الوحيدة فى النيواكسنت انها عالية ( و دى ميزة هنا فى مصر بس عشان مطباتنا الجميلة )
و بالنسبة للباور ماتسمعش كلام حد و الباور الكهربا انعم من الهيدروليك بكتير و بيديك احساس جميل و انت سايق بس الفرق بينهم كالتالى
الباور الهيدروليك شغال بتغير ضغط الزيت يعنى كل اما بتزيد السرعة ضغط الزيت بتاعه بيختلف و بيتقل و دى حاجة نسبية و مش دقيقة عكس الكهرباء
الباور الكهرباء شغال على سنسور بيتقله مع السرعة اللى انت ماشى عليها و دى حاجة دقيقة جدا عن الهيدروليك بمعنى انه هايفضل بنفس الاداء بتاعه عند كل مرة تجيب فيها سرعة معينة و لنفرض 100 مثلا انما الهيدروليك بيبقى نسبى و بيتأثر بضغط الزيت اللى فيه
و اللى يقولك مابيتقلش ده مابيفهمش حاجة و عشان تطمن جرب العربية و احكم عليها و ماتسمعش كلام حد
و ربنا يوفقك و توصل للقرار السليم