بكرة ان شاء الله هاسافر مرسى مطروح و هاشوف العربية بقى على الطريق الطويل و انا متاكد بأذن الله انها هاتبقى ممتازة
بكرة ان شاء الله هاسافر مرسى مطروح و هاشوف العربية بقى على الطريق الطويل و انا متاكد بأذن الله انها هاتبقى ممتازة
تروح وتيجي بالسلامة إن شاء الله .
بالمناسبة ، مافيش اخبار عن موضوع تيل الفرمل ؟؟
وأخبار العربية معاك أيه ؟ وعملت بيها كام كيلو لحد دلوقتي ؟
و الله يا باشا العربية زى الفل و موضوع التيل ان شاء الله اول لما ارجع من السفر و عليك خير و الله انا بس مشغول واجلت سفرى بسبب عربية ليفان معفنة و مشاكل مع التوكيل
كل عام و الاخوة الاقباط بخير
أشكرك علي الموضوع الجميل و المفيد جدا
بس في حاجة انا لسه مستلمة الساجا و ده اول عربية اشتريها و مكنتش اعرف الاجراءت بالنسبة للرخصة بس انا رخصتها و ادتهم اوراق العربية و ما اخدتش صورة منهم, فهل ده هتعملي مشكلة في المستقبل و لا لا ؟
و عايزة أعرف منين اجيب استكرز نايل موتورز؟
و شكرا ليك كتير
اولا مساء الخير انا اسف على التاخير فى الرد بص ظروف ان سافرت مرسى مطروح و انا هناك حاليا اما بخصوص الاخ العزيز اللى استلم الساجا و مخدش صور من الورق يا باشا و لا يهمك اولا الف مبروك عليك العربية و يا رب تكون مبسوط منها زى منا مبسوط و الحمد لله و مبروك على الترخيص و مبروك على انضمامك لعائلة بروتون و خاصة الساجاوية اما بخصوص الاستيكرز فممكن تتصل بايمن و نمرة هابعتهالك على الخاص و الف مبروك مرة اخرى
هو rpm بتاع الساجا عـادي يكون على 970
+ ان لار بي ام بيعلى وينزل مع التكييف
و في رعشة في لعربية
ومش عرف برضه الأنذر بتاع لعربية هيجنني بيعلق بشكل بشع
اخى العزيز انت العربية عاملة كام كيلو لو فى 1000 الاولانية يبقى المفروض انك بالكتير تمشى على الار بى ام لا يتعدى ال 3000 بسرعة 80 الى 90 كيلو و يفضل التنوع بين السرعات و يفضل ان المشوار يكون فى سفر مثلا و لا يفضل ابدا فى خلال ال 1000 الاولى تشغيل التكيف لانه بالطبع زية زي اى عربية بيكون مجهد للموتور و بيستهلك بنزيين
اما بخصوص ان الار بى ام بينزل لما تشغل التكييف ده طبيعى فى كل العربيات و ذلك لان كمبروسيور التكييف تم تحميلة على الموتور و بالتالى فان الموتور يحتاج الى بنييز اكتر ليتم احتراقة ليغطى احتياجات التكييف و السيارة
اما بخصوص رعشة الفيس لو انت فى الالف الاولى استنى و اكتب كل ملاحظاتك على السيارة و قول للتوكيل عليها فى صيانة الالف اتمنى انى اكون قدرت اساعدك
اولا شكرا على سرعة ردك
العداد 3900 كم حاليا
العربية كلها بترعش مش الفتيس بس والا ر بي ام عالي وبلغت بكدة في صيانة ال 1000 دون جدوى - وصوت الماتور بيعلى جدا فوق ال 100 كم ومع الغيار ال 5 بيوصل الار بي ام الي 3200
هي الفكرة الاربي ام الطبيعي المفروض يبقى كام في الساجا