الموضوع: اقدم سيراتاوى قد يصبح احدث سيراتاوى - شارك برأيك....!!!!!

المشاركة الأصلية كتبت بواسطة ahmed_su

ههههههههههههههههههههههه

تصدق معاك حق

لا انا رأى بجد مش هتستمتع بفرق السعر اللى انت متخيله لأن فرق الاداء مع انه قد يكون فى صالح الجديده الا ان المبلغ اللى هيتدفع فرق مش قليل والتغيير فى الرنج ده مش هيطلعك لعربيه برستيجها اعلى او كفئه اعلى بجانب ان عربيتك مريحاك ومفيهاش مشاكل

عرض السعر فعلا هو اللى سخن الموضوع فى دماغك بس صدقنى انت اساسا من جواك مش مقتنع , انصحك ركب حاجه جديده فى عربيتك اليومين دول تكون كان نفسك فيها ودى كفيله تنحيك عن فكره التغيير

والله اعلم الخير فين برده اعمل استخاره وشوف , بس بشكل عام علشان تغير لازم تطلع لفئه اعلى علشان تحس بفرق

المشاركة الأصلية كتبت بواسطة ahmed0nouh

بس بشكل عام علشان تغير لازم تطلع لفئه اعلى علشان تحس بفرق

+11 :b4_388::b4_388:

يعني يا أستاذ أحمد لو عربيتك فضلت معاك سنة سنتين كمان وجبت فئة أعلى هتبقى انت الكسبان

المشاركة الأصلية كتبت بواسطة Amr A.salam

+11 :b4_388::b4_388:

يعني يا أستاذ أحمد لو عربيتك فضلت معاك سنة سنتين كمان وجبت فئة أعلى هتبقى انت الكسبان

هو كسبان وخسران فى نفس الوقت , كسبان ان العربيه الجديده هتبقى اريح وامتع واسرع وبالتالى هحبها اكتر من القديمه لأن حكايه انك تنقل لعربيه فى نفس الفئه او اقل بتخليك دايما تقول العربيه القديمه كان فيها كذا حلو ومش فى دى وتفضل تترحم عليها وبالتالى احتمال كبير تكره العربيه الجديده وده اللى خلانى قولت لأستاذ احمد بلاش السيراتو الجديد لحسن لو وصل فى يوم لمرحله ان القديمه كانت اريح وحاجتها ارخص وانا ايه اللى خلانى غيرت هيبقى الموقف صعب والخساره كبيره والفلوس راحت فى الهوا

و خسران ان الفئه الاعلى دى هتتطلب مصاريف اكتر ده غير فرق السعر اللى هدفعه فيها من بعد بيع القديمه علشان كدا انا مش هغير كمان سنتين , انا مستنى بس لمبورجينى يبقا لها توكيل فى مصر وان شاء الله ان شاء الله ابقا اول عضو هنا اتصور قصاد المعرض بتاعهم

مفيش فايده

المشاركة الأصلية كتبت بواسطة M.Osman

تصدق فعلاً ان ممكن تركيب حاجة جديدة في العربية يعيد ليها رونقها و جاذبيتها ...!
انا مثلاً عربيتي زهقت منها و طبعاً حالياً مش هغير ولا كدا ... فممكن مثلاً اعمل اية ؟ اركب جنط او اي حاجة كتجديد... تعيد الإنجذاب للأمورة (+ ثبات اكتر طبعاً !!)

انا من فتره وصلت لمرحله ان طول اليوم بفكر فى مواضيع تريقه عن البومه :) , نزلت ركبت فرش لقيت الدنيا رجعت حلوه وقريب ان شاء الله هجنطها علشان يعنى احس انى راكب عربيه مش زى كل الناس , بومه بجنط ومش معقول فى كتير بومه بنفس الجنط

والله شوف انت بتهتم بأيه اكتر , انا بسوق وبسافر كتير وبالتالى الراحه من جوا بتشدنى اكتر من اى حاجه تانيه وده اللى خلانى بدأت بالفرش , طبعا عندك انت الثبات مهم قوى فممكن تبدأ بجنط