يا باشا ربنا يخليك ... ألف شكر يا محمد,
الحمد لله أنا جيبت الجنوط أول إمبارح (الجمعة) و ركبتهم, معليش كنت مشغول مع أبويا و لسة فاتح النت دلوقتي.
أولا أحب أشكر الأستاذ مجدي الدسوقي, رغم إني لم اتشرف بمقابلته و كل كلامنا كان بالتليفون إنما فعلا شخصية محترمة جدا,
كنت كلمت الأستاذ مجدي من إسبوع على جنوط 16 أصلي للسيفيك, وقاللي إن عنده طقم واحد إستيراد و أول إمبارح (يوم الجمعة) روحت أشوفهم و مكانش موجود في المحل إللي في الحرفيين في السلام, كان في بورسعيد ... المهم قابلت واحد من الرجالة عنده في المحل إسمه محمد و روحنا شوفنا الجنوط في المخزن, كانو مخربشين شوية بس معقولين ... كلمت الحاج مجدي و الراجل نازلي سعرهم ل 3200 و الحمد لله إشتاريتهم و ركبتهم عند واحد جنب المخزن عندهم و محمد كان معايا لحاد ما الجنوط ركبو بالليل ... جربتهم على الدائري (عند الجزء إللي قبل مدخل مطار القاهرة الجديد) و حسيت برفة ... تاني يوم الصبح نزلت رصصتهم و الحمد لله بقو تمام.
إن شاء الله أصورهم و أنزل الصور تقولولي رأيكم إيه
المفضلات