هتجيب جنوط حديد يبقى لازم جنوط هوندا الاصلى ودول هيعدوا هيبقوا فى حدود 800 جنية الى 1000 جنية لو حالة نظيفة
لو عايز تجيب جنوط هوندا استيراد اصلى بردة اسبور بس شكلهم مش قد كدة هيعملوا 1500 جنية
لو عايز تجيب اسبور يبقى خليك فى الماليزى او التايوانى دول سعرهم مش هيعدى ال1900 للجنوط مقاس 15
لو عايز تجييب مومو و o.z يبقى كدة ممكن تعد فوق 4000 الاف جنية حسب الصناعة بس عموما مومو كلة بقى صينى مابقاش ايطالى زى الاول
ومقاسك يبقى r15 - 195/55 دة المقاس الاوريجينال بتاع عربيتك ( ابعاد الجنط عندك 100×4 ) عشان كل عربية وليها ابعاد معينة , وخد بالك لو هتركب جنط اسبور لازم تركب رينجات عشان ال negative , positive offset لان لو ماركبوش هيبقى كدة محمل على العجلة مش سرة الجنط وكدة ممكن يتكسر لاقدر الله مع اى حمولة او اى مطب جامد
بالنسبة للكاوتش فحسب مقدرتك عموما طبعا احسن اتنين bridge stone , dunlop وميشيلان , كونتيننتال دول بالنسبة للاسعار اللى بتعدى 600 للفردة
اما الاسعار اللى بتبقى ب370 جنية للفردة قدامك road stone كويس
المفضلات