الموضوع: تسريب زيت موتور من ناحية سير الكاتينة

أيه يا جماعة الموضوع صعب قوى كده؟

الزيت غلط على سير الكاتينه
لأن السير كاوتش
والزيت فيه مواد كيماويه وبيخللى الكاوتش ينفش مع السخونه

فحاول فى أقرب وقت أنك تعمل الازم فى المنطقه دى

المشاركة الأصلية كتبت بواسطة samirayad

الزيت غلط على سير الكاتينه
لأن السير كاوتش
والزيت فيه مواد كيماويه وبيخللى الكاوتش ينفش مع السخونه

فحاول فى أقرب وقت أنك تعمل الازم فى المنطقه دى

خلاص بدام خطر هاعملها ان شاء الله و شكرا على الرد

حاول تعملها قريب عشان متفتحش معاك فى حاجات انت فى غنى عنها

المشاركة الأصلية كتبت بواسطة mr_sameh

هوا الزيت بينزل علي السير

لما فكيت غطا سير الكاتينة البلاستك لقيت لمعان على طرف الزيت اللى من ناحية الغطا مش اللى ناحية الموتور بس مش غرقان زيت و لا حاجة بس لمعان و كل ما اروح مشوار و ارجع الاقى نقط زيت فى الكرتيرة و لما العربية بتبرد اراجع على مستوى الزيت الاقيه تمام انا بقالى 10,000 كم على الحالة ديه بس المشكلة مش فى الاويل سيل و لا اجرة الميكانيكى كل ده هايكلف حوالى 150 جنيه لكن السير غالى بحوالى 260 جنيه و لسه ما مشيش خالص و شكله ممتاز جدا فحرام ارميه و الميكانيكى قاللى مش هايركبه لازم يغيره اللى مضايقنى ان السير ما مشيش خالص و مش معقول الزيت هايبوظه فالسؤال ممكن امشى عليه حبعه كمان حتى لو لل 20,000 انا ما باتحركش بالعربية الا نادرا يعنى فى سنة عملت 10,000 كم أرجو الأفادة

المشاركة الأصلية كتبت بواسطة naser_56

اكيد انته بتسيب عربيتك مركونه فترات طويله وده بيخلي الاويل سيل بينشف لذلك حاول ماتسيبهاش فترات طويله واطلع مشيها ثانيا احتمال كبير انك بتخلي الزيت اعلي من مستوي max وده كمان مشكلته كبيره علشان ضغط الزيت في الموتور بيعلي ولما ضغطه بيعلي هيضربلك برضه اويل سيل وكمان غير سير الكاتينه بالمره لما تعمل الحاجات دي علشان ماتضمنش ظروفه ايه وانته كده كده فكيت فماجتش علي ثمن السير وكمان لو اتقطع معاك في الطريق هيعملك مشكله انته في غني عنها

و اللهى كأنك قاعد معايا و عارف اللى أنا باعمله كل اللى قلته صح أنا فعلا ما باتحركش بيها كتير يعنى ممكن مرة فى الأسبوع بالعافية بس باسخنها عشان البطارية كل يومين تقريبا بس هيا ظروفى كده طول الاسبوع فى الشغل و باروح و بارجع فى عربيات الشركة و ما عنديش مشاوير مش معقول هانزل الف بيها فى الشوارع و خلاص احنا مش فى باريس و كمان عندى الزيت على طول فوق العلامة بحوالى 6 مللى تقريبا و ده من البنزينة لما باغير زيت على طول يجيبوه فوق العلامة و شكلى كده هاغير الحاجات ديه و هاتضرب تانى انا هاصور لحضرتك السير عشان تتاكد انه كويس