بس انا كنت سمعت ان موتور الكورسا السيدان ال1600
بيطلع 101 هورس باور
عرض للطباعة
بس انا كنت سمعت ان موتور الكورسا السيدان ال1600
بيطلع 101 هورس باور
الى خلى الفيات 500 بتطلع 160 حصان يخلى الكورسا تطلع 101
الهوندا القديم 12 صباب
الكسيل 12 صباب
اللانسر القديم 12 صباب
اللى بيطلع 101 حصان الأيكوتك 1600
ياواد ياعلى الكامة 1 ديت بتظمر و2 كامة بتنور ههههههههههههههههههههههههه ههههههههههههههههههههههههه :10_1_102v[2]:
الاوبل كورسا 2004 1600 سى سى كامة واحدة و 8 صباب و بتطلع 101 حصان... دى تقريبا نفس مكنة اللانوس لكن 1500 فقط و بتطلع 86 حصان
الاوبل استرا 2004 1600 سى سى اتنين كامة و 16 صباب و بتطلع 101 حصان برضة... الفرق ان عزم الكورسا بيطلع عند 3400 لفة لكن الاسترا بيطلع عند 4000 لفة
الفرق الاساسى فى المكن ال8 و ال16 صباب هو الكفائة الحجمية للمكنة... الصبابين صغيرين مساحتهم الاجمالية اكبر من صباب واحد كبير بالتالى الصبابين بيقدروا يدخلوا او يخرجوا كمية غازات اكتر من صباب واحد كبير و بالتالى الموتور بيقدر يتنفس احسن و يدى قدرة و عزم اعلى... بس على لفات عالية
دايما المكن ال 8 صباب بيبقى عزمة الاقصى على لفات قليلة لذلك بيبقى حلو فى القيادة داخل المدينة... و المكن ال16 صباب بيبقى افضل فى الطرق السريعة لان طبيعة الاستخدام دة بتحتاج لفات عالية من المكنة
قصة استهلاك البنزين ملهاش علاقة بعدد الصبابات لسبب القدرة بتطلع من كمية البنزين اللى حرقتها... لوجبت مكنتيت نفس التصميم بالضبط بس الفرق ان دى 8 و دى 16 حتلاقى المكنتين بيحرقوا نفس كمية البنزين و بيطلعوا نفس القدرة... الفرق انك لما تسوق العربيتين حتلاقى ال8 بتتسارع حلو على لفات قليلة لكن اللفات العالية مكتومة سنة... و ال16 حتبقى تسارعها كسلان سنة تحت لكن فى اللفات العالية حتلاقيها فايقة عن ال16
الفرق فى الاستهلاك بيجى لان تصميم وش السلندر فى ال 8 بيبقى مختلف عن ال16 و غالبا ما بيبقى فى ال16 كفائتة احسن لان البوجية بيبقى فى نص غرفة الحريق و دة بيدى فاعلية اكبر للمكنة... فا الموضوع مش مرتبط بشكل مباشر بعدد الصبابات اكتر منة تصميم الوش
بالنسبة للعدد فا كل بستم ممكن يبقى له 2 او 3 او 4 او 5 صبابات
2 دة الشائع فى المواتير السيطة و ال 3 موجود فى شوية موديلات منها الاكسنت... و بيبقى فيه صبابين سحب وواحد عادم
ال4 شائع فى المكن الحديث... ال5 اعتقد شوفتة فى مكن فيرارى او حاجة كدة... و كا فيه صبابين سحب و 3 عادم
MMamdouh
يا على رد عليه
الله ينور عليك يا محمد بك
بجد استاااااااااااذ
الله يخلليك يا باشا
MMamdouh
بصوا ياجماعة انا هقولكم رأييى بصراحة لأنى جربت على موتور عربيتى انه يشتغل على السوفت وير المصرى اللى هو20 برده بس بتاع الcdx وجربت انى اشغل الموتور على السوفت وير الاوروبى اللى هو 20xev بتاع المواتير الاستيراد اللى هو زى موتورى اللى فيه الاى جى ار وبوابات الهواء الزيادة...وفعلا فرق القوة بين الاتنين محسوس جدا جدا...وده دليل على انه فيه فرق قوة بين الموتورين فعلا ودى حقيقة...ولما سألت الشيخ هيثم قالى انه موتورى اللى هو الاوروبى فيه بوابات هواء زيادة غير الموتور المصرى عشان كدة هو اقوى من المواتير المصرى بشوية .....كمان قالى انه الموتور ده بيطلع هورس باور مقداره 144 حصان تقريبا...
ما هو دة كلام الناس قلى مش فهمة حاجة خالص انا كلامى واضح وصريح 136 حصان غير كدة فتى ومفيش كلام تانى وقلى عندة معلومة خلاف كدة يجبلى الاثبات ولانة مش هيلقى فكلامى 100 فى 100 مضبوط ومتزعلش منى اى حد بيقول 144 145 146 لانى سمعتها كتير فتى واى كلام وكمان قلى بيقول كدة حمار حصاوى وهو الحصان رقم 137
ايه ياتامر ايه ياتامر
متخبطش كدا فى الناس
+11اقتباس:
الفرق الاساسى فى المكن ال8 و ال16 صباب هو الكفائة الحجمية للمكنة... الصبابين صغيرين مساحتهم الاجمالية اكبر من صباب واحد كبير بالتالى الصبابين بيقدروا يدخلوا او يخرجوا كمية غازات اكتر من صباب واحد كبير و بالتالى الموتور بيقدر يتنفس احسن و يدى قدرة و عزم اعلى... بس على لفات عالية
دايما المكن ال 8 صباب بيبقى عزمة الاقصى على لفات قليلة لذلك بيبقى حلو فى القيادة داخل المدينة... و المكن ال16 صباب بيبقى افضل فى الطرق السريعة لان طبيعة الاستخدام دة بتحتاج لفات عالية من المكنة
قصة استهلاك البنزين ملهاش علاقة بعدد الصبابات لسبب القدرة بتطلع من كمية البنزين اللى حرقتها... لوجبت مكنتيت نفس التصميم بالضبط بس الفرق ان دى 8 و دى 16 حتلاقى المكنتين بيحرقوا نفس كمية البنزين و بيطلعوا نفس القدرة... الفرق انك لما تسوق العربيتين حتلاقى ال8 بتتسارع حلو على لفات قليلة لكن اللفات العالية مكتومة سنة... و ال16 حتبقى تسارعها كسلان سنة تحت لكن فى اللفات العالية حتلاقيها فايقة عن ال16
الفرق فى الاستهلاك بيجى لان تصميم وش السلندر فى ال 8 بيبقى مختلف عن ال16 و غالبا ما بيبقى فى ال16 كفائتة احسن لان البوجية بيبقى فى نص غرفة الحريق و دة بيدى فاعلية اكبر للمكنة... فا الموضوع مش مرتبط بشكل مباشر بعدد الصبابات اكتر منة تصميم الوش
بالنسبة للعدد فا كل بستم ممكن يبقى له 2 او 3 او 4 او 5 صبابات
2 دة الشائع فى المواتير السيطة و ال 3 موجود فى شوية موديلات منها الاكسنت... و بيبقى فيه صبابين سحب وواحد عادم
ال4 شائع فى المكن الحديث... ال5 اعتقد شوفتة فى مكن فيرارى او حاجة كدة... و كا فيه صبابين سحب و 3 عادم
- حتى لو الصمام الواحد نفس مساحة الاتنين الاحسن انة يقسمهم على اتنين لضمان توزيع احسن للخليط داخل غرفة الاحتراق وكمان علشان يقدر يزود نسبة الانضغاط بدون مشاكل من ناحية البستم والصمام الكبير
- موضوع ان ال 8 اقصى عزم على سرعات قليلة والعكس فى ال 16 اعتقد دة راجع للتصميم اكتر من عدد الصمامات وكتجربة عملية اقصى عزم للعربيات الالمانى حتى ال 16 صمام عند عدد لفات اقل من نظيرها اليابانى
- موضوع استهلاك البنزين منقدرش ننسبة لعدد الصمامات فقط , الموضوع داخل فية تصميم مانيفولد السحب بحيث يقلل الفقد فى الضغط وتصميم غرفة الاحتراق بحيث تضمن توزيع وخلط احسن للخليط داخل الغرفة وتصميم منظومة الحقن وكفائتها من حيث تذرية الوقود يعنى هو تصميم منظومة كاملة اكتر منها عامل واحد ضمن مكونات المنظومة
- موضوع البوجيهات دة مظبوط لأنة بيحسن انتشار اللهب داخل الغرفة وبيبقى متجانس بشكل اكبر ويمكن دة اللى بيفسر نعومة الاداء فى الكمكن ال 16
- بصراحة ال 5 صمامات اول مرة اسمع عنة بس هو منطقى فى المواتير دى لأنة محتاج يطرد اكبر كمية عادم فى اقل وقت بحيث يقلل ال residual gases
- مضوضوع ان الكورسا واللانوس نفس الماكنة باختلاف السعة مش عارف بس فرق الاداء شاسع بين الاتنين
عايز الاقى حل فى ال delay بتاع تجميع اللانوس فى بدايتها
بتحس ان فى خنقة مع القرص فى بداية الطلعة , هل دة عيب فى الكونترول ولا تصميم مداخل الهوا ولا اية مش عارف
مش ممكن نفتكس حل :DD
كتاب الصيانة بتاع العربية قال ان الموتور ال 2.0 الايكوتك 136 حصان مقالش بأنهى سوفت وير
وبناء علية اى صنايعى يقول عكس كدة قلة هاتلى داينو واثبتلى
انا شاكك ان مكنة الكورسا نسبة انضغاطها اعلى من اللانوس... يعنى اللانوس 9.5 و الكورسا 10 او 10.5 مثلا لان انا ركبت الكورسا و جربتها و كانت بتجرى بغباوة و صعب 100 سى سى فقط يعملوا الفرق دة
برضة فيه فرق فى الmanagment بين الموتورين بس برضة ميجيبش كل الفرق دة... دا موتور الكورسا ال8 صباب فاضلة 5 حصان و يبقى زى موتور النوبيرا ال16 صباب... انا شاكك فى حوار نسبة الانضغاط دة و ححاول ابحث فيه شويتين
MMamdouh
موتور الكورسا سمعت عنة كتير مصدقتش غير لما جربتها , موتور غبى وبيتلكك , انا مش عارف لو 16 كان عمل اية :049:
ممكن لو حد من الاخوة معاة كتالوج اوبل كورسا سيدان يقولنا نسبة الانضغاط كام او على الاقل كود الموتور
مشكلة اللانوس مع القرص بتتخنق فى الاول وبالذات على سرعات قليلة
بالضبط... هى بتحب لفات الموتور العالية عشان تحت بتبقى كسلانة شويتين
لو طلع انظغاط الكورسا اعلى يبقى ممكن نجيب طقم بساتم بتاع كورسا و نركبة فى نوبيرا و نرفع قدرتها من 106 الى.... الله اعلم كام بس اكيد رقم محترم ممكن يوصل الى 120 او 125 مثلا
MMamdouh
يابشمهندس تامر معلش مع كامل احترامى بس قبل ماتغلط فى حد ياريت تكون اتعاملت معاه من عدمه عشان تقدر تقول انه بيفهم او لأ...او بتاع درة او حتة بتاع بليلة...
يعنى حكمك على الناس المفروض انه يتبنى على اسس واقعية ومنطقية وتعامل مش كلام وخلاص لأنه قال رأى معجبكش او متفقش مع رأييك وخلاص...
المهم ماعلينا..
نرجع لقصة الموتور...
ياتامر بااشا انا مشفتش لاكتاب الفيكترا ولا حتى كتاب حياتى ياعين...انا اللى شفته تجارب...ولما رد على حد او اقول رأييى فى موضوع بيكون بناء على تجارب واقعية غير كدة مش بجادل كتير ....
والتجربة اللى انا قولتها انى شغلت العربية على سوفت وير مصرى بيشغل عدد معين من بوابات الهواء اللى نازلة مع الموتور اللى خصص لمصر....وكانت فيه نتيجة وكفائة...وشغلت نفس الموتور على السوفت الاوروبى اللى بيشغل كامل بوابات الهواء فى الموتور الاستيراد وشفت النتيجة بين الاتنين....وعلى الاساس ده حكمت انه فيه فرق قوة...
حاجة كمان احب اقولها ....فى الموتور الاوروبى بيكون فيه حاجة اسمها egr دى اسأل على فايدتها ايه واحسبها بنفسك ودور عليها فى المواتير المصرى اللى نزلت مصر...
حاجة كمان احب اقولهالك...اسأل بنفسك اى مركز صيانة فى الكون عنده جهاز كومبيوتر على حجم مانيفول الهواء بتاع الموتور الاستيراد وبوابات الهواء فيه وحجم مانيفول الهواء فى الموتور المصرى وبوابات الهواء فيه.....مش عارف اقول ايه تانى لأن كلامى مبنى على تجربة عملى ورأى واحد فاهم جدا جدا ورأى اكتر من مركز صيانة سألتهم قبل كدة على نفس الموضوع ده وعلى رأى حتى بتوع الاستيراد ...وكله اجمع على انه فيه فرق قوة بين الموتورين ....مش عارف بصراحة اعمل ايه تانى او مطلوب منى ايه عشان حضرتك تصدق...
عموما ياسيدى فداك مليون موتور اوبل المهم انت متزعلش....
الأيكوتك على كتالوج العربية اى ما كان رقمه 136 حصان
ال 2000 العادى ( 8 صباب ) اى ما كان رقمه 115 حصان طالما مش تربو
ال 1600 الموتور الأسود 75 حصان
1600 ايكوتك 100 حصان
الكورسا 1600 85 حصان
و اى حد عايز يتأكد ياخد كود الموتور و يخش على جوجل و يكتبه زى ما هو و هيلاقى الكلام اللى باقوله صح
معامل الأنضغاط اللى هو بين النقطه الصغرى و القصوى لمشوار البستم ممكن يتغير لو غيرت البيلات و قصرت البستم
ولا انا غلطان
الله اكبر دى بقت محاضرة فيزياء رسمى...:C_laugh[1]:
وانا بقى فى الفيزياء الحمدلله كنت ماعرفش الالف من كوز الذرة....
عموما الموضوع بجد ممتاز وفيه معلومات جامدة جدا ماشاء الله
اولا المعلومة بتاعت عدد الاحصنة مؤكدة وليس لها اى شك على تغير اداء المتور عادى جدا سوفت وير افضل لكن مش هيديك اكتر من 136 هورس بور ودليل ان اى حد بيقول عكس كدة بيكون غير مطلع وكلامة خطاء كبير جدا جدا لية بقا لما يكون شغال فى المتور بقالة سنين ومش عارف قوتة اد اة دة تسمية اة وانا عارف ان معظمهم مبيفهمش حاجة وانا مجرب كتتتتتتتتتتير منهم لا امل فيهم اذا كان الناس برة بتقول 136 الباشا يجى يقول 144 مستحيل انا عارف ان سعتك ملكش دعوة لان مظدر المعلومة منة فانا بعيب علية لان الحقيقة غير كدة قلى خلانة بس اتكلم كدة انى لقيت ناس كتير فهم غير كدة
و الله يا يشمهندس هو ده اللى قصدى عليهاقتباس:
انا شاكك ان مكنة الكورسا نسبة انضغاطها اعلى من اللانوس... يعنى اللانوس 9.5 و الكورسا 10 او 10.5 مثلا لان انا ركبت الكورسا و جربتها و كانت بتجرى بغباوة و صعب 100 سى سى فقط يعملوا الفرق دة
برضة فيه فرق فى الmanagment بين الموتورين بس برضة ميجيبش كل الفرق دة... دا موتور الكورسا ال8 صباب فاضلة 5 حصان و يبقى زى موتور النوبيرا ال16 صباب... انا شاكك فى حوار نسبة الانضغاط دة و ححاول ابحث فيه شويتين
على الرغم انك برده مردتش عليا بخصوص موضوع egr اللى موجود فى الموتور الاوروبى ومش موجود فى الموتور المصرى ولا رديت عليا بخصوص موضوع بوابات الهواء الزيادة اللى فى المانيفول اللى موجودين زيادة فى الموتور الاوروبى عن اللى نزل مصر....وموضحتش ليه طالما الموتورين واحد ينزلهم اكتر من نوع سوفت رغم انه المفروض سوفت واحد طالما هوهو موتور واحد(على حسب كلامك) ....ورغم انك برده موضحتش اذا كنت اتعاملت مع الراجل اللى قولت عليه بتاع بليلة ولا مش فاكر ايه قبل ماتحكم عليه..على الرغم انى شفت عنده كتب واسطوانات الفيكترا الاصلية اللى بتنزل من الشركة الاصلية والاسطوانات الاصلية اللى نازلة سواء للأوبل او للفوكسهول...والخرائط الكاملة لتقسيمات جميع انواع ضفاير مواتير الاوبل...على الرغم من كل ده برده بقولك متزعلش نفسك وفداك مليون موتور ياسيدى المهم متزعلش نفسك
معامل انضغاط الكورسا 1600 هو 9.6
معامل انضغاط اللانوس هو 9.5
و الف شكر يا احمد بك على المعادلة
egr موجود فى المتور الecotec عادى جدا موجود فى 1600 و2000 وهو مش قصة وملوش دعوة بقوة المتور
ثانيا بوبات الهواء ملها بوبات الهواء عادى جدا ملهاش تاثير بص يا حبيب قلبى اة فيدت بوابة الهواء الاول عشان نكون على نور
وعلى فكرة المتور بيجى من برة احنا هنا مبنصنعش احنا بنجمع يعنى هو هو تغير السوفت لاننا احنا قلى بنحطة مش اكتر
اتعاملت مع الراجل اولا كفاية انة مش فاهم فى المتور اقل ما يقال المعلومة الاولى كام حصان بيفتى فيها
لو حدرتك شفت غير 136 اثبتلى لانى سعتها مش كتب رد فى المنتدة تانى لانى هكون سعتها فعلا جاهل