عايز اعرف هيا السارينة انواع وبكام وفين
عرض للطباعة
عايز اعرف هيا السارينة انواع وبكام وفين
يا عم اتقي الله .. و مش حقولك مخالف للقانون و بتاع .. تخيل واحد من معارفك راكب اسعاف و ماحدش راضي يوسعله من كتر ما الشباب الروش بقي مركب سرينه
استهدوا بالله الموضوع مش مستاهل للشد ده
حضرتك حبيت تستفسر عن شىء والاستاذ حجازى بيقول رائيه فالمفروض يكون فى تقبل للراى الاخر طالما راى بناء
وعلى العموم سرينه الشرطه بتتباع فى التوفيقيه بـ350ج
جميل جدا الاصرار على مخالفة القانون
طب ليه عايزينا نتقدم؟!!!!!!!!!
اللي هيا صوتها عالي قوي دة
ب220 جنية :verygood:
:36_1_34[1]::36_1_34[1]:تقريبا يا باشا و مش متأكد من الكلام ده
ان كل السراين الغاليه صوتها عالي الي حد متفق عليه لكن بتفرق في الاصوات نفسها و الله اعلم:36_1_34[1]:
أخى صاحب السؤال
بارك الله فيك
قال النبى صلى الله عليه وسلم " من لم يحمل هم الامسلمين فليس منهم "
انا واثق انك ما تقصد بشرائك السرينة ايذاء الغير انا عارف انك احسن من كده بكتيييييييييييييير
بس انا واحد من الناس اللى بتضايق من السرينة
انا الحقيقة ما شفتش الردود من ساعة ما نصحت الأخ صاحب الموضوع بتقوي الله و تخيل انه قد يضر أحد معارفه يحتاج الاسعاف !!!
بس شكله كده شتمني و الله أعلم .. عموما .. ربنا يسامحك
و اتمني فعلا ان تتخيل نفسك (لا قدر الله ) في سيارة الاسعاف مع احد معارفك و السائق يشغل السرينة .. و لا حياة لمن تنادي و الناس بتقول ( تلاقيه واحد من العيال اللي بتركب السرينة دي و خاوتنا بيها )
و ربنا يوفقك
يا ريت اى حد مركبها يصورها و يصور الجهاز و الهورن بتاعها و يقولنا هى كام وات
نساء الخير يا باشا
1) سارينة فيها صوت الشرطة بمايك (زبااااااااااااااااااالة) 40
2)سارينة فيها صوت الشرطة و الاسعاف 5 اصوات بمايك70
3) صينى 6 اصوات بمايك 180
4)تايوانى 6 اصوات بس بدون مايك ب 240
5)يابانى 6 اصوات بمايك 600
6)اسعاف امريكى 6 اصوات و مايك (دى انا مركبها) 1200
7)الكبيرة بتاعتهم مطافى 4800 بس دى عايزة عربية زى الدودج كبيرة يعنى علشان دى 4 هورن
فية واحدة اصوات حيوانات فيل اسد كلب بقرة حمار دى ب 220 جنية
يا جماعه محدش يدخل الاسعاف فى الموضوع خاااااااااااااااااااااااا الص
اظن اى واحد راكب عربيه عنده مرايه وعارف شكل عربيه الاسعاف وصوت السارينه
وساعات سواق الاسعاف بيبقى معهوش حاله ولا رايح يجيب حاله ومشغل السارينه
والمشاريع دلوقتى مشغله سارينه
وكلنا عارفين ان دى ممنوعه وبرضه بنركبها عشان اى حد بارد يوسع من ادامك وحط 100 خط تحت كلمه بارد دى
وانا واحد من الناس مش مركب سارينه ومركب كلاكس جامد عشان الناس دى هو الكلاكس الجامد ده مش غلط برضه بس حعمل ايه مضطر انى اركبها ولو فى استطاعتى اركب سارينه عشان ابعد الناس دى حركبها
هو العيب مش فى الى بيشترى سارينه ولا الى بيبيعها العيب على الى بيستعملها عمال على بطااااااااااااال
عفوا سيدي الفاضل .. من الزحام أو لو خلفك سيارة مرتفعة .. قد لا تري مشغل السرينة اسعاف أو عيل بيلعب
الاسعاف عندما يشغل السرينة و هو ليس معه حالة .. قد يكون ذاهب ليحضر الحالة
أو لو ليس معه حاله .. فهو عائد الي مقره ليذهب بسرعة عند طلبه
أما أي شخص بارد زاحم الطريق .. فأنت تقنع نفسك خطئا أنه سيفسح الطريق .. أقسم أنه سيزداد بروداااا
الف ميروك انا لسة شارى واحدة
يا جماعة الموضوع على حسب الأستخداااااااام
ماهو ممكن واحد يجيب عربيه نص نقل و تكون زرقا و يعمل كمين فى نص الشارع هل مثلا العربيات النص نقل دى خلاص متدخلش البلد و ميبقاش منها فيه لون أزرق و دا كان بيحصل كتير جدا على فكرة فى الطرق الزراعيه و كل حاجة فى الدنيا دى سلاح ذو حدين يعنى أستعمالها الخاطئ طبعا يؤدى لكوارث زى الكمبيوتر و كل حاجة حولينا و طبعا السرينه دى لو على طريق زى البحر يبقى قمه النرفزة لأن ممكن واحد يوسعلك يلاقى نفسه طلع فوق رصيف ولا دخل فى عربيه تانيه لمجرد أن فيه واحد تافه بيلعب بس بالسرينه لكن فيه حالات مش هتبقى مشكلة الأستخدام فيها
عندى أستفسار بس
السرينه دى صوت بس ولا بيبقى لمبه ملونه أحمر و بتلف ؟
انا كنت مركب سارينة وفنار
هههههههههههههههههههههه
.
بس شلت الفنار وإديته لأخويا يركبه على الموتوسيكل بتاعه
ومحدش يتخيل إني مركب السارينة وماشي أضربها على الفاضي والمليان
وربنا يحاسبني على الكلام ده
مش بستخدمها غير للضرورة ..ولو حاسس إنها بتجيب نتيجة
يعني مثلا
لما ييجي سواق ميكروباص يقف في وسط الطريق يحمل ..ويركن وراه صف عربيات طويل
والناس عمالة تزمرله ..وهوا طبعا -غالبا- بيكون مصطبح
أضرب السارينة ..يمشي على طووول
وساعات بستخدمها لو ماشي في زفة فرح واحد صاحبي ..من باب الإشتغالات
زعلتني يا احمد
كنت فاكر الصيادلة ما يعملوش كده
طب و الناس اللي سمعتك و شافتك بتشغل السرينة للميكروباص مش حيعرفو ان اللي ضربشغل السرينة ده مش اسعاف!؟
أصل الفنار دة ساعات بيبقى بسلك كدة عامل زى بتاع التليفون ساعة بقى لما تكون عايز تعمل نفسك ظابط مباحث تقوم مطلعة فوق سقف العربيه و نظام بقى ألعاب الأطفال دة برضة بيدى منظر هههههههههههههه
بس السؤال دلوقتى هل دة لما بيتحط على السقف بتاع العربيه بيلزق ولا ممكن يقع ولا أية إلى بيخليه ثابت كدة ؟
مفرقتش كتير صيدله من أسعاف يا راجل بالذات فى السرينه و زى مابيقول المثل (كلها فى بيتها) و كمان دا بيقولك ميكروباص يعنى لو معاك أر بى جى أو رشاش ألى أطلع من الشباك و أضرب على السواق نار و فى الأخر مش هيحصله حاجة دا عشان يتحرك من مكانه بس
أنا مش بعملها للناس طبعا علشان يزعلوا
..الناس بتفرح لما الطريق يمشي ..
ماتفركنيش ياراجل
قبل ماأركب السارينة ..كنت بضطر أنزل بنفسي أمشي الطريق
الطرق بتاعتنا كلها سرفيس وميكروباصات ............* راكبة عربيات
لقد خالفت القاعدة رقم (9) بند (أ) من قواعد المنتدى لذا يتوجب حصولك على ( انذار ) مع عدم الوقف.
فى حالة تكرار المخالفة سيتم تفعيل عقوبة الوقف
مشــرف القســــم
اقتباس:
أصل الفنار دة ساعات بيبقى بسلك كدة عامل زى بتاع التليفون ساعة بقى لما تكون عايز تعمل نفسك ظابط مباحث تقوم مطلعة فوق سقف العربيه و نظام بقى ألعاب الأطفال دة برضة بيدى منظر هههههههههههههه
بس السؤال دلوقتى هل دة لما بيتحط على السقف بتاع العربيه بيلزق ولا ممكن يقع ولا أية إلى بيخليه ثابت كدة ؟
فيه مغناطيس طبعا
بس ايه شغل الافلام الاجنبى ده الظباط عندنا مبيعملوش كده
كفايه يبصلك بصه تفهم على طول
وسع طريق الاسعاف
التاكسيات عندنا فى اسماعيلية اغلبها دلوقتى مركبها تخيلوا (اللى صوتها عالى اوى) طب ده بيوهم نفسه بايه عايز افهم ؟
الحكاية يجماعه مش بيفتح بيها الطريق هى مجرد لفت نظر زيه زى اللى مركب ساوند سيستم واللى مركب ديفل ..... والبقية تأتى
بيوهم نفسه بالوهم :ma(30):
و الله العظيم تلاتة اكاد اقسم ان الكلاكس علي السرينة علي الجن الأزرق ما يوسعوش في مصر طريق .. يا الطريق زحمة و اللي بيضرب كلاكس بيفش غله فيه و خلاص بدون أي نتيجه منه قال يعني الزحمة في مصر حتختفي عشان كلاكس حضرتك
يا اما البارد اللي واقف .. كده كده بيفضل واقف .. يا يزيد برود و يقوللك " عاووووز ايـه "؟!!!!!!
اللي بيركب كلاكس عالي أو سرينه .. نفسيا شخص مقهور مما أل اليه الحال و بيفش غله فيه أو شخص ناقص الانتباه فيركبه لعل انتباه الناس له يكمل ما ينقصه
النهارده يا جماعه شوفت موقف غريب جدا هوفرح وفيه حوالى 50 عربيه من ضمنهم حوالى 15 عربية مركبة سراين وتخيلوا كميه الضوضاء اللى صادرة منهم اد ايه ده حتى كان فى واحده ست كبيره راكبه جنب ابنها اللى سايق صاحب السرينة وبتبصلى ومبسوطه اوى
المهم مش ده اللى غريب الاغرب انى شوفت الاسعاف ماشى وراهم قبلهم بناصية بيدى سرينة ويكاد يكون صوتها مسموع وطبعا لا حياة لمن تنادى
واللة انل شاايف انها مش حكااية وهم ولا اي حااااجة
ولا نقص ولا الكلام دة كلو
عادي جدا بتكون اكسسوار من الاكسسوارات
زي الزينون والديفيل علي راي محمد فريد
انا قدامي واحدة للبيع ب180 جنية وتايواني
واللة العظيم استعمال اسبوع صاحبي العربية اتباعت وصاحبي فكها
انا عايز اقول حاجه ...
انا واحد من الناس مستحييييييييييييييييييييي يييييييييييييييييييييل
اوسع لاى واحد جه ورايا و شغلى سارينه ...
كلاكس عادى هوسع (لو انا سبب عطله الطريق لو بيستهل مش بوسع بردو ..)
انما مهما كان نوع العربيه و مهما كان رقمها مش بوسع ...
اخر حاجه عملتها ..
فانتازيا سمرا و فاميه اسووووووووود
و جاى لازق فيا و مشغلى السارينه ...
بكل برود
و رخامه
كنت ماشى 100
قمت نازل
ل 90
دى السرعه القانونيه .....
و مثبت السرعه
و مدى اشاره شمال (يعنى لو رقصت مش هسيب الشمال)..
فضل يتشقلب ورايا ..
و واااااااااااااااااااو و بتاع
زهق عدى من اليمين ...
و اى واحد بيشغلى السارينه بعمل معاه كده ..
مع احترامى لكل الى مركبين سارينه ...
إكسسوار مخالف للقانون يا باشا
و مزعــــــــــــــــــــــ ـــــــــــــــج للبني آدميـــــــــــــــــــــ ـــــن
مش عارف لية الناس مش فاهمة كدا ...
في شعوب...
عندها ثقافة ان الواحد المفروض ميعليش صوته...
عشان إزعاج الغير في الأماكن العامة...
شوفوا الفرق؟ تعجبني
انا بعمل كدا بالظبط
بالإضافة إلى ...
ان اللي راكبين عربيات معندهمش عمى بعني عشان لما يسمعوا سارينة هيروحوا موسعين للإسعاف ... لأ .. إحنا بنشوف في المرايا... والله إسعاف بجد بوسعله
غير كدا..
عدي انت بقى ... اتصرف....
دا غير كمان اني لما بكون ماشي على طريق سريع و ماسك الحارة السريعة ... لو لقيت حد جاي ورايا اسرع مني بروح مدي اشارة يمين و معديه من قبل ما يقلب نور حتى ... لأنه جايز يكون مستعجل... معرفش ظروفه
لكن اللي بسرينة لأ
لأ
لأ
:shine[1]:
يا جماعه و الله هي ا>واق و على حسب استخدام كل واحد و حاجته ليها ..
انا عن نفسي ركبتها و ماستخدمتهاش إلا مرتين تلاته لحد دلوقتي تقريبا :shine[1]: لاني حسيت انها بتدايق ناس كتييير .. و بصراحه الكلاكس عندي صوته ضعييف اوي و ركبتها بسبب الموضوع دا ..
بس بردو في ناس اللي بتسافر كتير و بتكون على طرق سريعه كتير و اصوات الكلاكس بيكون ضعيف اوي في السرعه و في نااس باااااارده اوي مبيفرقش معاها لا كلاكس ولا سارينه وتلاقيهم ماشيين براحتهم في حارة السرعه و لو رحت تتنطط على الكبوت بتاعه مش هيوسع :_Alshmokh08[1]:
عموما هي بتتباع في التوفيقيه .. و هات ال 6 اصوات من غير المايك .. لاني اعتقد المايك ملوش لازمه
فاصل مع الراجل كويس هتاخدها ب 200 و ممكن اقل
النهاية بتاعه الموضوع ده
1- السرينة بتتباع علنا يعنى مش هيمسكوا اللى بيشتريها
2- خلاص الناس فهمت موضوع السرينة المزيف ده محدش عاد بيوسع ليها
3- هى حرية شخصية
4- واخيرا هى ممنوعه يعنى لو اتمسكت بيها انت ونصيبك بقى
يلا سلام