يعجبنى تواضع سيادتك يا تامر
يعجبنى تواضع سيادتك يا تامر
انا نضفته لقيت الار بي ام نزل للنص :H_angry[1]: اعمل ايه دلوقتي بقا
شرح 100 100 تمام الله يكرمك ومتنسوش تركبو الجوان تانى
تسلم ايدك.
يا فادى أنا نزلت من شويه عشان أنظف الايديال بس أنا لقيت حساسين واحد من ناحية الموتور وواحد من ورا (الموتور 2000 الاسود)
اللى ناحية الموتور ليه مسامير الانكيه وحجمه كبير نوعا ما واللى من ورا ناحية الكابينة مسامير صليبة حجمه صغير نوعا ما فأنا محتار وخايف أفك حاجة تعمل مشكلة
أنا كنت هصور المكان بس الموبايل بتاعى كان فصل وطبعا دلوقتى الدنيا ضلمة مش هعرف أصور
بالنسبه لعمل الاديال كنترول : هو موجود عندى فى الفكترا 98 ونفس المكان اللى فى الصور ولكن مش بيحصل تسخين فى اول الدواره فى الصباح يعنى العربية بتدور والارا بى ام زى ما هو ثابت على 900 اللى انا اسمعه من اصدقاء لى المفروض عند اول الدوارة والموتور بارد صوت العربية يكون عالى لغايه ما تسخن بعدين تفصل وده مش بيحصل عندى ايه السبب ؟؟؟
عيب غريب قوى
بس اعتقد اللى عندك كده حساس الكولنت مش بيدى اشاره صح للتسخين
ازيك يابوحميد ...
صور الحساسين وارفع الصور وتحت امرك هقوللك فين الايديال فيهم .
لما حضرتك بتشغل التكييف والعربيه واقفه او اول مامروحه التبريد تشتغل بيحصل تغير لقيمه الار بي ام يعني بتنزل تحت ال900 ولا لا ؟؟ لو بتنزل وبتحس بلخبطه يبقي الايديال عندك بايظ - قيس طرفي السلك اللي واصله بالافوميتر وشوف واصله كهربا ولالا ...لو واصله فكه ووصله مباشره بالبطاريه وشوف موتوره شغال ولا قاطع ,جرب كده وقولنا وصلت لايه .
يا فادى أنا جيبت صورة لكل واحد يارب بس تكون واضحة
دة اللى من ناحية الكابينة
http://img22.imageshack.us/img22/2770/20434638.jpg
ودة التانى اللى من ناحية الموتور
http://img337.imageshack.us/img337/4219/53329989.jpg
اعتقد مش هو اللي في الصوره الاولي ولا التانيه لان في الاولي مالوش صوباع اللي وراه الموتور - الصوره التانيه اللي باين ده حجمه كبير جدا مش ايديال ده يااحمد ...جايزيكون من ورا زي اللانوس .استني الرجاله هتقول ايه؟
طيب يا فادى أنا ممكن أعرف عن طريق أيه
يعنى مثلا لو دورت العربية وشيلت الفيشة هل العربية تبطل ولا صوت الموتور يعلى ولا إيه بالظبط
الصورة الاولى لأ
الصورة التانية للأسف مش عايزة تظهر
بص صور المانيفولد مع بداية الخرطوم اللى رايح للفلتر من ورا واودام
مشكلة التسخين غالبا هتلاقى الايدل محتاج تنضيف , ابدأ بالتنضيف وشوف هتعمل اية
هل لما بتمشى والعربية لسة باردة بتبرجل وتطفى ولا لأ ؟؟
الصورة الأولى تى بى اس tps
الصوره الاولي فعلا حساس التي بي اس - التانيه جايز يبقي الماف ..لو شيلت فيشه اي حساس لمبه الاعطال هتنور انما لو كانت فيشه الايديال بالتحديد مش هيعمل حاجه اكتر من انك تحس ان العربيخ عاوزه تبطل لو الصبح .
هو أيه الماف (مش دة اللى بيبقى قبل العمة بشوية ) وهل كل الحساسات لو شيلت الفيشة بتاعتها لمبة الفحص هتنور
ويا بشمهندس أحمد فعلا الصورة التانية هيا بداية الخرطوم مع المانيفولد وفيها حساس كبير نوعا ما
وعلى فكرة يا جماعة أنا لما جربت أشيل الفيشة بتاعت الحساس اللى فى الصورة التانية العربية بطلت
للأسف كل الى باين عندى من الصورتين تلت الصورة اللى فوق بس فا مش شايف اى حاجة
الايدل لو شيلت فيشتة هتلاقى العربية بتعلى
تمام كدة بكرة إن شاء الله هشوف وأرد عليكم
اليوم جربت وشغلت التكيف والعربية واقفه وايضآ مروحة التبريد وهى واقفه لم يحدث تغير فى الار بى ام ونظفت الايديال كنترول مظبوط لغاية ما المزيل اللى نازل من التنظيف بقى لونه ابيض كله ده تمام بس برضة صوت الموتور عادى
اثناء التسخين الصبح والار بى ام على 900 لم يتغير الا درجه بسيطه اول دوارة المارش وبعد كده رجع الى الطبيعى 900
يافادى ياريت تقولى هو حساس الايديال الانكيه كام عشان انا مش عارف أحدد
وهل الانكيه ولا نجمة
يافادى ياريت تقولى هو حساس الايديال الانكيه كام عشان انا مش عارف أحدد
وهل الانكيه ولا نجمة
الانكيه نجمه 4
انزل الجمهورية زى ما انا باعمل و باجيب اطقم عدتى من هناك
فين الجمهورية دى يا طنانى
شارع الجمهورية فى العتبه
او العيال اللى فارشه بعده على اول الوكالة بس خش فيهم شمال
سلام عليكم
انا عملت الموضوع ده ونظفت الرشاشات كمان عند الميكانيكي
بس بعد ما ركبناه الd زاد فى العربيه هيا العربيه اوتوماتيك لما كنت بتجيب الغيار على ال d
كان الاول اقل من واحد دلوقتي واحد وشويه ومضايقني كل ما اجي اقف العربيه بيكون العزم بتاعها عالي
ده له حل ارجعه زي ماكان
سلام عليكم
يا فادى أنا عملت الايديال إمبارح والعربية بقيت بسم الله ما شاء الله عليها
ناعمة وقوية وكلها حنية بس أنا نسيت أعمل أيديال ليرن إن شاء الله أعمله كمان شوية
وغيرت زيت الفيتيس وفلتر البنزين وبقى كله تمام
بس يا فادى الايديال عندى مش زى اللى الصورة
اللى عندى مفيهوش صباع بس فيه بوابة زى بتاعت الكربيراتير
وعموما هبقى أصورو وأرفع لكم الصورة