سؤال ومحيرني

**hokaboka** · 08-03-2010 01:16 PM

معايا في حدود 320 الف وبقارن بين مرسيدس c180 وبين بي ام دبليو 318 والاثنين زيرو موديل 2010 هل من نصيحة يا مختصين؟

**Waleed_Fathy** · 08-03-2010 02:56 PM

رغم حبي الشديد ل BMW الا انى بميل اكثر من الى جانب المرسيدس من حيث الاتى

1- سعر اعادة البيع للبى ام سيء و طبعا كلنا طبعا عارفين سعر اعادة بيع المرسيدس
2-المرسيدس فى مصر اوجه كتير من البي ام
3-انا بعتبر ان كون البافارية وكيل بى ام ده عيب فى حد ذاته

بس انا فى الاخر بميل ان لو شاب اول الثلاثينات مثلا يبقا البى ام اشيك ليك لانها شبابى
اما لو انت اكبر فى السن من كده يبقا المرسيدس اقيم

و ده طبعا مجرد رائي و ارجوا ان محدش من الاعضاء محبى البى ام يزعل منى

**Hany.ElBaathy** · 08-03-2010 03:14 PM

طبعا لو المقارنة بين 318 و 180 ال مرسيدس 180 من وجهة نظري أفضل بس لو تقدر تعلى شوية طبعا ال320 هتكسب و طبعا أنا مع البى إم على طول الخط المرسيدس كل المستويات بتركبها و هي طبعا جامدة جدا و الشكل الجديد آخر شياكة و قيمة جدا و بتحافظ على السعر أحسن بس البى إم أكثر رياضية و شبابية

**ahmad--ezzat** · 08-03-2010 06:24 PM

المرسيدس فى المقدمه طبعا.....

**Ahmed Hassan** · 08-03-2010 10:34 PM

المشاركة الأصلية كتبت بواسطة hokaboka

معايا في حدود 320 الف وبقارن بين مرسيدس c180 وبين بي ام دبليو 318 والاثنين زيرو موديل 2010 هل من نصيحة يا مختصين؟

انا لو مكانك اجيب 320 ماشيه 5000 - 10000 كم و بكده تبقى ضربت 9 عصافير بحجر واحد:

1- استفدت من موضوع سعر اعادة البيع السيء للـ BMW لان اللي هتشتري منه (اللي هوه شاري زيرو) هوه اللي هيخسر.
2- لما انت تيجي تبيع مش هتخسر كتير.
3- هتجيب عربيه اعلى من اللي انت هتجيبها زيرو (320 بدل 318) يعني موتور اقوى و امكانيات اكتر.
4- الـ BMW 230 سواقتها ممتعه اكتر حتى من المرسيدس c280 مع فارق القوه للمرسيديس طبعا. و الفرق ده مش موجود اصلا في اختياراتك لان المرسيدس اللي انت عايز تجيبها 1600 و اعتقد حوالي 150 حصان (مش متأكد من الرقم) و الـ 320 156 حصان.
5- هتوفر على الاقل 70000 جنيه لان اتخن 320 هتلاقيها بـ 250000 لو حاله شاذه جدا و مش ماشيه. و ممكن تجيب باسعار اقل من كده كتير.

يبقالك عندي 4 عصافير

**amrbakly** · 19-03-2010 02:15 PM

بص انا لو مكانك حشيل المرسيدس طبعا لأن فعلا المرسيدس افضل علي كل المستويات ما عدا حاجة واحدة بس

ماتور الـ 180 1600 سي سي و دة عيب بشع ان تجيب مرسيدس و حسب ما سمعت من بعض الناس هنا في المنتدي ان العربية سحبها بيتأثر بالتكييف، أكيد هي مش ماروتي يعني بس 1600 علي عربية جر خلفي اكيد قليل طبعا

غير كدة المرسيدس بلا منازع

هو انا مش عارف اسعار المرسيدس دلوقتي بكام و هل الفرق بين الـ 180 الأفانجارد و الـ 200 الكلاسيك كام

بس لو الأتنين قريبين في السفر شيل الـ 200 الكلاسيك و ربنا يحلها في فرق الكماليات بعدين و ممكن حد يجيبهوملك من برة حيبقوا ارخص كتير من توكيلاتنا المصونة