المشاركة الأصلية كتبت بواسطة ahmedhilmy
النهارده كان حاجة غريبة من يوم ما انضميت للمنتدي هنا من 3 سنين تقريبا مشفتش غير عربيتين عليهم استيكر المنتدي لغاية المفاجاة اللي حصلتلي النهارده اشوف 3 عربيات دفعة وحدة الاولي الساعة 12 قبل صلاة الجمعة بشوية و هي لانسر كحلي حاطط الاستيكر علي الازاز اللي ورا من فوق يمين كان علي الدائري في اتجاه المنيب طبعا كلاكسات و نور و لا هو هنا بعدها بدقيقتين وحد ه اوبترا فضي نزل من منزل الزهراء برده علي الدائري طبعا و الاستيكر بتاعه في نص الازاز اللي ورا بس ده ملحقتوش للاسف و اخيرا العصر الساعة 2:30 كده كان في افيو فيراني كان جاي من و رايه بس شكله مخدش باله م الاستيكر بتاعي لانه عدي عادي بدون اي اشارة توحي بمنتدانا و لما عدي مني شفت الاستيكر بتاعه و كان طالع معاية علي الدئري من مطلع دار السلام في اتجاه التجمع عموما صدفة سعيدة و غريبة بصراحة و يا ريت تعرفوني عليكم جميعا.