لا و الله يا باشا انا ساكن في محمد حسنين هيكل و هو موازي لعباس العقاد برده لحد شهر 7-2009 من 1992 .
بس حاليا انا ساكن امام سيتي ستارز .
عرض للطباعة
نفس حوار الاستيكر الاصفر بتاع شل ده بيحصل معايا
بس قابلت سومو ازاي
اصلي كنت اعرفه قبل كدة ولقيته في النادي بيدفع الاشتراك :10d5c8~1107:
هههههههههههه
بس متنكرش انى عرفتك من غير ترتيب مسبق وانت معرفتنيش هههههههههه
انا كمان حاطط الاستيكر بس مبطلعش كتير بالعربيه عشان كده مقابلتش حد بالصدفه لان اضاء نايل موتورز اقليه فى اسكندريه
الى مزعلنى انه مفيش حد بيسألنى ايه الاستيكر ده ولا اكنه محطوط
بفكر اعمل واحد كبير على الكمبيوتر واحطه
امبارح كان فى حد الساعه تقريبا 3 او 4 طاير على طريق بورسعيد فى اتجاه الاسماعيليه بعربيه ياريس فضى وفضلت اجرى وراه حوالى 10 كم بس عربيتى الخارقه ملهاش فى سكه ال 160 والكلام الفاضى ده :) فسيبته
مين ده بقى ؟ افتكر ان بشمهندس سمير الشهاوى عربيته سودا ولا فضى ؟, افيدونا يا تيوتاويه
هو اكيد حد من الاعضاء القدامى علشان كان معاه الاستيكر الاصفر القديم اللى فيه .com بس
تانى مره اقابل حد على طريق سفر , اول مره كان اسلام ويجا بالجين 2 على طريق الاسماعيليه وكنت راجع القاهره
احدث الصدف :)
عربيه ابو اياد اللانسر النبيتى فى صلاح سالم قصاد مشيخه الازهر بس مكانش هو اللى سايق
وعربيه سيريون حمراء امبارح فى صلاح سالم قبل عمارات العبور فى اتجاه العباسيه
وعربيه بيرسونا فضى الاسماعيليه امبارح برده فى اتجاه الاسماعيليه قبل مدخل العاشر من رمضان بس للأسف كنت داخل العاشر ومتأخر فمجريتش وراه , افتكر لو فعلا مكنتش تخيلات يبقى دكتور مغربى
اعتقد كدا انا اكتر واحد بيقابل ناس صدفه فى المنتدى :))
انا شفت عربية هوندا سيفيك سوداء فى حلوان وعليها الاستيكر و بتركن فى حتة بعدى عليها كتير
ايه دااااااااا
احمد نوح باشا
عربيتي اتشرفت والله
يا عم كنت تقولي كنت نزلت سلمت عليك
انا فعلا كنت هناك و كنت بجري مع بنت معاها فابيا كدا و عربية وراها سيراتو متفيمة
انا فاكر فعلا اني عديت من جنب لانسر
بس انتا شفت الاستيكر ولا ايه؟؟؟؟
فيه عربيه نيو أكسنت سودا بتركن في الشارع عندي في الهرم عليها الإستيكر الجديد؟ يا تري بتاعت مين؟
يا رااااجل :( تصدق زعلت انى موقفتكش بجد
انا كنت ماشى فى النص على 100 قبل الحته بتاعت الرادار اللى بعد دخله الشروق لأن الناس الناحيه التانيه كانت بتقلب فقولت يمكن الرادار اتأخر شويه وعلشان كدا مجريتش وراك
وبعد ما عديت لجنه الرادار ومكنش واقف جريت وراك بس على ما حصلتك ( 1300 سى سى معلش ) كنت خلاص لازم ادخل دخله العاشر وكنت متأخر قوى على ميعاد مهم وللأسف مقدرتش اكمل وراك
لو كنت فاضى كنت جيت وراك للإسماعيليه :)
يا باشا انا اللى ليا الشرف وخسرت بجد انى موقفتكش بس انت كنت بتجرى ليه كدا :) , انا فعلا لمحت الاستيكر وانت بتعدى منى بس مكنتش متأكد علشان كدا كنت بقول احتمال تكون انت
انا بنزل الاسماعيليه كتير جدا على فكره ممكن نتقابل هناك , حتى بعد اوتوماك على طول هنزل اقضى هناك كام يوم هكلمك قبلها نتقابل علشان لو شوفتك تانى على الطريق متعرفش تهرب :))
اشطة يا ريس :))
انا فعلا هديت عالرادار لاني عارفه طبعا و حتي اقعدت احذر الناس الي بتجري بس بعديه فتحت شوية :d
عالعموم انا قاعد فاسماعيلية الفترة دي كلها تيجي وتنورنا و نعمل معاك الواحب يا باشا
أنا لازق استيكر المنتدى برضو على العربية بقالى سنة بس ماقابلتش حد او حد وقفنى عشان يسلم عليا , بس انا وانا واقف مرة فى اشارة روكسى شفت عربية أودى a4 سودا كانت ملاكى بورسعيد عليها استيكر المنتدى دى العربية الوحيدة اللى شفتها عليها الاستيكر .
في حد معاه رينو كليو شوفتو في شارع التسعين ز التجمع الخامس ولونها فضي او ذهبي وكان معلق الاستيكر
انا مرة قابلت حسام Kodak _ GTI
صدفة بس من غير عربيات
كنت ماشى ولقيته واقف مستنى واحد صاحبه
الصدفة الوحيدة كانت إني عديت من جنب عربية يوكو بالصدفة... كنت عارف إنه في النزهة الجديدة بس طلع قريب قوي:ma::ma:
بس أمانة لما حد يشوف سيراتو 2005 ذهبي يبقى يسلم ومايعملش فيها من الهند... و على فكرة عليها الاستيكر و شغال فيها أم كلثوم على طول...... شاب قديم بقى:ma::shyy:
انا هبقى اجيب الاستكر لاني عاوز اشوف من المنتدى وانا ماشي
طبعا شفت اعضاء كتير فى مقابله عيد ميلاد المنتدى
بس اللقاء اللى يعتبر صدفه انا مش شفت حد انا سمعت بس
رحت الزق الاستيكر يوم الخميس اللى فات 27/ 05 عند واحد بتاع كماليات اسمه الزعيم فى فيلات الجامعه فى الزقازيق وقال لى ان الاستيكر ده مشهور وانه عليه خصومات وكده وانه لسه لازق واحد امبارح لعربيه كيا سيراتو لونها فيرانى
وانا من ساعتها وانا بقلب فى قسم الكيا يمكن اعرف صاحب العربية
ياه
على الصدف شفت كتير جدا جدا
واتشافت اكتر
يمكن عشان عربيتي معروفة اكتر
ويمكن عشان تقريبا الوحيد اللي معاه كرولا فضي في المنتدى وعليها استيكر
اخر واحد شفته صدفة كان كريم كريبتون ماشي يسب ويلعن في العربية لدرجة اننا كنا جنب بعض في اشارة واحدة ومش شايفني :-) في ميدان المحكمة
انا مفيش مرة رحت للميكانيكي الا لما لقيت عضو هناك لان نسبة كبيرة من اعضاء الدايو بيتعملوا مع نفس الميكانيكي ده غير شفت النترا في المقطم عليها شماسة المنتدي و كنت برده شفت ماتريكس عليها استيكر النمتدي برده في المقطم
انا الحمد لله
قابلت أخويا احمد سعد انهاردة الصبح
عند مطلع الدائري من صفط
بس للأسف معرفناش ننزل نسلم على بعض علشان مطلع الكوبري
انا فعلاً سعيد اني شوفتك انهاردة يا احمد
و على فكرة من غير مجاملة
وشك كان حلو عليان انهاردة في الشغل
انا شفت سوزوكى ماروتى من 10 ايام فى صلاح سالم لونها ازرق .
و شفت جوليت حمراء فى جسر السويس من 8 ايام .
لو الستيكر كان على الزجاج الخلفى على يمين فانوس الستوب اللى فى النص (انظر الصورة) تبقى عربية سيف... دة زميلى فى المكتب و انا اللى جايبلة العربية
http://i83.photobucket.com/albums/j3.../Image0191.jpg
MMamdouh
انت طلعت عينى النهاردة
http://www.nilemotors.net/Nile/15909...post3872784255
يبقى نأمر بحبس المتهم أربعة أيام على ذمة نايل موتورز ... ويراعى التجديد في الميعاد :36_7_7[1]: :shyy:
إشمعنى أنا عمري ماشفت أي مخلوق أو حتى عربية واقفة لوحدها على جنب من نايل موتورز ... دا أنا بقيت بمشي أبص على الإستيكر على أي عربية لدرجة إني مرة ببص على عربية أخويا ومالاقيتش الإستيكر إتضايقت مع إني عارف إنه مالوش في النت أصلا
دنيا حظوظ والله
:Y_hi_3[1]:
انا قابلت النجم ايمن مومو على كوبرى 6 اكتوبر و عرفته من الميجان بتاعته و عرفته بنفسى و الراجل طلع راجل اكثرمن ذوق و الله هو و كل اعضاء منتدى رينو خاصة و نايل موتورز عامة
ايمن شغال معايا فى الشركة فا بشوفة فى خلقتى كل يوم... بس انا قابلتة صدفة على طريق مصر اسكندرية... انا كنت راكب اوتوبيس و مسافر مرسى مطروح و هو عدى من جنب الاوتوبيس زى الطلقة... كلمتة على الموبايل و اشتغلتة شوية و بعدين قولتلة انى راكب اوتوبيس مش عربيتى :Oc_sun1[1]:
MMamdouh
السلام عليكم ورحمة الله وبركاته
الأخ الفاضل صاحب الموضوع جزاك الله خيرا على الفكرة الجميلة
جميع الإخوة والأخوات الأفاضل الذين شاركوا جزاكم الله خيرا جميعا
أول حد من أعضاء المنتدى أتشرف برؤيته كانت الأخت الفاضلة أم حمــاس في مستشفى
الزراعيين عند التبرع بالدم لإخينا محمد جمعة نسال الله أن يرحم غربته ويؤنس وحشته ويقبل
حسنته ويغفر ذلته ويرحمه رحمة واسعة
الثاني كان الأخ GAD2 (أ باسم ) وأيضا كان عند أخينا محمد جمعة رحمه الله
وهناك الأخ Ali_Amr هذا الأخ الفاضل جاري في حدائق حلوان وأتشرف بأنه يتعلم أحكام
القرءان عندي في دار أسيد بن حضير لتعليم القرءان والتجويد وفوجئنا بأننا أعضاء في نايل
موتورز
وهنالك الأخ الفاضل وائل دسوقي جاري في حدائق حلوان منذ الطفولة وأيضا فوجئت أثناء اتصالي
به بأنه يقول لى يا شيخ خالد أنت عضو في نايل موتورز ؟ وكنت سعيد جدا به
شفت النهارده فيات لينيا " كحلى " عند شركة المياه قصاد نادى مياه القاهرة .
انا من فتره قابلت احمد سالم صدفه فى كار فور
غير كده بقابل الاعضاء بترتيب مسبق