الموضوع: قابلت كام واحد من نايل موتورز صدفه

المشاركة الأصلية كتبت بواسطة yoko

رتب وإبعتلي


وواضح إن الموضوع هيزعل رنا مني

لا خالص بالعكس انا مبسوطة جدا بموضوعك بغض النظر عن التشريد والتسييح اللي حصللي فيه
وبغض النظر عن اني من هنا ورايح هاشيل الاستيكر واغير لون العربية واتنكر كمان وهامشي جنب الحيط خالص
بس بجد موضوع جميل وحلو اوي انك تشوف حد من المنتدي وتعرفه من نوع عربيته او من الاستيكر صدفة وتلاقيه جنبك في اشارة مثلاً

المشاركة الأصلية كتبت بواسطة salahlanser

اوعى حد ياخد فكرة وحشة عن الناس اللى فى عين شمس وسواقتهم الله يخليكى
ههههههههههههههههههههههههه هههههههههه

لا والله انا سواقتي كويسة جدا واسأل الناس اللي شافوها بس هي المشكلة ان الناس اللي في عين شمس وماحولها عارفين الشوارع بتاعتها اد ايه سخيفة ومش مستحملة بقي دلع من الناس في السواقة فعشان كدة انا لما بدخل الشارع ده بنجز وبحاول اعدي العربيات اللي قدامي (لو لاقيتهم نازلين يتفسحوا بعربياتهم وماشيين يتفحصوا في المعالم السياحية اللي في المكان ) بس فخفت لايكون حد من نايل موتورز كانت طالبة معاه وقتها انه ينزل يستجم في الشارع ده واكون غلست عليه بكلاكس اوي عديته ولا حاجة .
وبعدين بزمتك يعني في حد مبيعرفش يسوق هايعرف يعدي في الشارع ده كل يوم دانا اتعلمت السواقة بسرعة بسبب القذارة اللي بشوفها في الشارع ده .

المشاركة الأصلية كتبت بواسطة Eng_Mostafa_89

يبقى كدة تقريبا انتى
ومتخفيش مغلستيش ولا حاجة
وبعدين كمان متقدريش تغلسى لانى راكب الوحش 128 هتغلسى هغلس وعلى المتضرر اللجوء للسمكرى واللى خايف يوسع

اه طبعاً حقك انا لما كنت بمشي بعربيتي القديمة ولا كان بيهمني لأني عارفة اني ممكن ارشها كلها على بعضها ب 1500 جنيه مثلا .

المشاركة الأصلية كتبت بواسطة Eng_Mostafa_89

متقلقيش انا كمان عربيتى كانت متشلفطة باب ورفرف والحياة حلوة بس الحمد لله اتظبت وسمكرتها ورشتها
بس ساعة لما شفت عربيتك تقريبا كان الباب مخبوط او رفرف حاجة كدة مش فاكر والكلام دة كان من فترة كبيرة شوية

اه تلاقيك شوفتني ساعة الحادثة الكبيرة بتاعتي هي ساعتها فعلا كانت متشلفطة باب ورفرفرين وفانوس كان حالها يصعب ع الكافر يعني وكل اللي كان يشوفها وقتها كان يتخض لإنها كانت لسة باكياسها وزيرو ومتبهدلة كدة يالا منه لله بقي اللي شلفطهالي كدة .

المشاركة الأصلية كتبت بواسطة Eng_Mostafa_89

وانا مالى لما اخبطها ابقى اصلحهالك

المشاركة الأصلية كتبت بواسطة Eng_Mostafa_89

ولا اقولك بدلى عربيتك بعربيتى كدة بتاع اسبوع وياريت تكونى مفويلاها ويلا مش مشكلة ابقى ارشك الرفرف على حسابي

وفيها ايه يعني لما تصلحهالي من غير ماتخبطها عادي مواطن بيصلح عربية اخيه المواطن
عموما هي الحمد لله كويسة دلوقتي ومش متشلفطة ربنا يحفظهالي بقي وتفضل كدة على طول.
حلو اختراع تبديل العربيات ده بس بعد ماترجعهالي هاتكون رشتلي الرفرف وتسيبني انا ارش باقي العربية مش كدة؟

المشاركة الأصلية كتبت بواسطة Eng_Mostafa_89

فعلا دة شارع الزهراء مش احمد عصمت

المشاركة الأصلية كتبت بواسطة Eng_Mostafa_89

انا اكتر حاجة بكرها فى حياتى شارع لعنة الشمس دة متلاحقيش على الرخامة من سواقين الميكروباصات ولا المزلقان دة كمان ياااااااااااااااااااااااا ااااه رزل رزالة باتجهاتة الكتير دى

المهم بقى عملتى اية النهاردة فى الزحمة السخيفة اللى كانت الصبح
انا فضلت قاعد فى الميكرباص نص ساعة وموصلناش للمزلقان (كنت راكبة من عند الصيداوى لالف مسكن) ولما زهقت نزلت اخدت المشوار مشي لغاية الكلية(هندسة المطرية اللى فى ابراهيم عبد الرازق) وريحت دماغى

لا الحمد لله انا امبارح نزلت متأخر والطريق كان كويس بس اخويا نزل قبلي وحكالي عن الزحمة وانه فضل في الطريق كتير والدنيا كانت مقفولة تماماً (منهم لله بتوع الميكروباص والميني باص هما اللي مبهدلين الشارع ده كدة بقلة ادبهم وسفالتهم في السواقة)
انا نفسي شارع عين شمس بالمزلقان بالمنطقة دي كلها تتنسف ويعيدوا انشائها من جديد (طبعا ميكونش فيها ناس عشان محدش يموت يعني ) بس بجد المنطقة دي كلها محتاجة اعادة تخطيط من اول وجديد.