الخبر على مصراوي "معرفش مسموح احط اللينك ولا ايه" - حد يعرف أو قدر يستنتج مين المطعم دا؟
عرض للطباعة
الخبر على مصراوي "معرفش مسموح احط اللينك ولا ايه" - حد يعرف أو قدر يستنتج مين المطعم دا؟
أنا قريت الخبر و قلبت النت كلها , نفس الخبر من غير ما يقولو هو مطعم إيه؟ كل اللي قالوه مطعم شهير و له فروع كتيره
و على Egy News كانوا كاتبين إن صاحب المطعم إسمه محمد أ.ف
مطعم مشهور كمان
أنا كان في دماغي إنه هيكون مطعم زي بتاع عمك مرزوق إلي تحت الكوبري.
مكنش في دماغي إنه يكون مطعم راقي أو مشهور
يادي الفضيحة
دول 6 طن 6 طنننننننننننننننننننننننن نننننن يادي المصيبه يعني يأكلوا أكتر من 15 الف بني ادم
حسبي الله و نعم الوكيل - ضروري يا جدعان نحاول نعرف مين المطعم دا
أنا بحاول أكلم مباحث تموين القاهره بس مشغولين على طول نمرتهم 23937346 لو حد عرف يجيبهم
6طن دة خزين المطعم؟؟؟؟
حاطط ال6 طن فين؟
قبل كدة قفلوا فرع كنتاكي في المهندسين لنفس السبب
مش بعيد يكون هو او اي واحد من نفس عينة المطاعم
خير خيرر
عادي ياباشا
خلاص ياجماعه طالما المحل مقفول انتوا خايفين ليه
ههههههههههههه الحمد لله خلعت من عزومتين بره الاسبوع اللى فات
نجحت الأجهزة الأمنية بمديرية أمن القاهرة فى ضبط 6 اطنان لحوم وأسماك مستوردة غير صالحة للاستهلاك الآدمى بمخزن أحد سلسلة المطاعم الشهيرة بالقاهرة .
كانت إدارة مباحث التموين بالمديرية قد وردتها معلومات أكدتهاالتحريات السرية , مفادها قيام صاحب سلسلة مطاعم شهيرة يدعى محمد أ.ف , بتجميع وتخزين كمية كبيرة من اللحوم والأسماك المستوردة منتهية الصلاحية وغير الصالحة للاستهلاك الادمى بمخزنه الكائن بشارع الثورة بمصر الجديدة , تمهيدا لتوزيعها على سلسلة المطاعم الخاصة به.
وبالتنسيق مع مديرية الطب البيطرى تم مداهمة المخزن وضبط "26سنة أمين المخزن" يدعى إبراهيم ا.ر , كما تم العثورعلى 5ر4 طن لحوم مستوردة , و5ر1 طن أسماك مستوردة ,وبالكشف عليها بمعرفة أطباء الطب البيطرى تبين أنها منتهية الصلاحية وغير صالحة للاستهلاك الآدمى.
وتم التحفظ على المضبوطات بمجزر البساتين تمهيدا لإعدامها , وتحرر عن ذلك المحضر اللازم وأخطرت النيابة العامة لمباشرة التحقيق.
يذكر أن الحملات التى نفذها قطاع التجارة الداخلية بالتعاون مع شرطة التموين بوزارة الداخلية أسفرت فى 3 فبراير/شباط 2010 عن ضبط 248 طن و896 كيلوجراما من المنتجات الغذائية منتهية الصالحية وغير مطابقة للمواصفات ولا تصلح للاستخدام الآدمي
يكون مؤمن ??
هو مؤمن عنده سمك ؟؟؟؟؟؟؟؟؟؟؟؟؟؟؟
دي زمبة وأتفقعت في صاحب السلسلة دي وأكيد من منافسين ليه الحاجة الأهم من كدة أن أكيد في كتير غيره يعني مش هو لوحده العيب مش فيهم ياجماعة العيب في الرقابة على الأسواق يعني الحكومة اللي سايباها زي ما تيجي تيجي ومعدة المصريين بتهضم الظلط الواحد بقى بيشك في هدومه وبقيت بفلي علبة البسكويت اللي بشتريها بشوف الصلاحية والمستورد والمنشأ لما جاتلي أنتكاريا .
انا اكل من عربيه فى الشارع و ماكلش من مؤمن
حد يا رجاله يفهمنا ده مطعم ايه, علشان الواحد بسبب ظروف شغله بياكل من بره كتيير...
زي.. ماكدونالدز, هاردييز, كوك دور, بيتزا هت (دول أكتر حاجه)... كنت باكل احياناً من مؤمن زمان بس بطلت تماماً
كل دول بيقدموا وجبات فيها سمك... ده غير اصحابنا و اخواتنا اللي بياكلوا بردو من بره...
يا ريت حد يعرف هو مطعم ايه و هل الخبر صحيح 100% و لا مجرد اشاعات؟؟؟
انا بقي لايمكن اكل عند مؤمن ده
أخيرا حد رد عليا من مباحث التموين
بيقولولي المطعم هو التكيه
ياجماعه ده مافيش حد بيعمل ماجنم غير مؤمن
التكيه اللى فى الحجاز
لوووووووووووووووووول
مطلعش مؤمن بس مؤمن ساندوتشاته استغفر الله العظيم
اللي في شارع الثورة المخزن وليس المطعم
اهم حاجة ميكنش بتاع السمين ولو ان دا مخزونه كله علي بعضه ميكملش
1ونص كيلو مش طن
ده اكيد مادفعش المصلحه الشهريه وزعل البهوات منه ربنا معاه لو مظلوم وياخده لو ظالم
و الله يا جماعة الاحسن لينا كلنا نستحمل شوية وناكل فى بيوتنا والناس اللى اغلب وقتها بره البيت تاخد معاها سندوتشات انشالله جبنة لحد ما ترجع بالسلامة البيت و ربنا يسلمها معانا كلنا احسن دى حاجة توجع القلب هى ناقصة.
انا بدأت أشك في اللي رد عليا يكون بيفتي ولا حاجه بس كان واثق أوي و بيرد بتلقائيه - بكره حانعمل اتصال تاني نحاول نأكد المعلومه ان شاء الله
الحقيقة كنت لسه قريب بافكر في موضوع محلات الأكل ده او شراء اي اكل من بره بشكل عام وفكرت كالتالي :
في الزمن الحالي قل ومش عايز اقول انعدم الضمير تماما عند ناس كتير جدا (الا من رحم ربي) ، واصبح كل واحد عاوز يغتني بأي شكل وبأي طريقة حتى لو الطريقة دي هتسبب ضرر للآخرين المهم ميكنش فيه مسائلة قانونية مباشرة .. يعني ايه الكلام ده
يعني واحد عنده مطعم / مطاعم / سلسلة مطاعم (ومعندوش ضمير) بيجيب اللحمة البلدي والسمك الكويس وبيبيعه وبيكسب كويس جدا 10 قروش .. ماشي .. انما لو جاب لحمة مجمدة هيكسب 20 قرش يبقى يديها مجمد .. طيب لو جاب لحمة منتهية الصلاحية هيكسب 50 قرش يبقى يديها منتهية بس مش منتهية قوي علشان محدش يموت ويروح في حديد
اعتقد امثال الناس دي بتفكر كده دلوقتي .. انا لا اقصد شخص معين او مطعم معين انا باتكلم عن تفكير عام لمجموعة كبيرة جدا من منعدمي الضمير اللي بيدوروا على مكسب من اي مكان حلال حرام مش مهم
كتير قالو انهم بطلو او ما بياكلوش اساسا من مؤمن هي ايه حاكاية مؤمن بالظبط
فعلا كلام حضرتك مظبوط وبمناسبة انعدام الضمير ليا واحد صاحبى عنده مطعم فى منطقة مصر الجديدة كان بيجيله تاجر منعدم الضمير يعرض عليه فراخ ميتة نية الفرخة بجنيه واحد,طبعا صاحبى رفض لكن تخييلوا لو كان مكان صاحبى واحد تاني من اللى بالى بالك وجتله الفرصة لحد عنده و مكسب كبير وسريع ياخد فرخة بجنيه ويشويها فى الشواية يكسب فيها مثلا فوق ال20 جنيه.
الهم احفظنا ومتعنا بصحتنا وقوتنا ما احييتنا.
:36_1_31::36_1_31::36_1_31:
ممكن اعرف ليه الناس بطلت مؤمن ؟؟؟
مطاعم الـ takeaway مبيبقاش عندها مخازن خاصه بيها لانهم بيجيبو اللحوم والفراخ والسمك من شركات متخصصه في الحاجات المجمده (امريكانا-حلواني.......) من مخازن الشركات دي مباشرةً
ولو عندهم مخازن هيبقى صعب يخزنو الكميه دي
اللـه اللـه :) انا مدمن التكية!!! يا نهار اصفر :)
دا انا مع اهلى كل حد بناكل فيه :)
يعنى اسبوعياً :) بس اخر مرة كلت فيها كانت قبل الصيام يعنى من حوالى شهر :)
بس بجد انا عمرى ما كلت فيه وحسيت بحاجة ولا يمكن انا اتعودت على اكله :):)
هو تأثير الأكل دا ايه؟ يعنى المفروض اعرف ان عندى حاجة بعد اد ايه؟ انا اخر مرة كلت من شهر :)
بس مش مشكله :) ربنا يسترها بقى :)
نفكر واحدة واحدة كدا. االخبر بيقول ضبط الكمية الفاسدة 6.5 طن لحوم واسماك. في مخزن في شارع الثورة يعني 1: ان المطعم كبير و لية فروع كتير وشغاااال
2: المطعم بيقدم وجبات لحوم وأسماك.
3: مطعم مشهور واسعارة متوسطة واحتمال ضئيل يكون مطعم تيكاواي, الا لو كانت فروعة كتيرة وبيبيع كتير.
4: المطعم غالبا فرعة الاساسي او الرئيسي في مصر الجديدة( اقرب مكان للمخزن)
طيب احنا كدا هنستبعد مطاعم كنتاكي (فراخ) هارديز(معجنات) ماكدوندلدز (لحوم+ كمية كبيرة جدا علية + علي حد علمي ملوش في الاسماك) حضرموت (فراخ)
هيتبقي 5 او 6 مطاعم في مصر الجديدة
انا بعتقد أبو شقرة او الشبراوي والله أعلم
فيه شبه اجماع على العزوف عن مؤمن ، يا ترى ليه ؟؟
عموما لمن يظن أن معدة المصري تهضم الزلط أحب أبين أن التأثير مش شرط يبان على المدى القريب و الدليل شوف الفرق بين متوسط حالنا الصحي و حال آباءنا حفظهم الله لما كانوا في أعمارنا. Take Care
و خليك في أكل البيت قدر المستطاع
نصيحة يا جماعة لوجه الله
محدش ياكل من مؤمن....
اكله والله العظيم بقا زي ال........*
شاورمة ريحيتها وحشة جدا..... ستيك سيء...... فراخ مش طازة و وحشة جدا
انا مرة كلت من عنده شاورمة لحمة بطني كانت حتموتني لمدة اسبوع
انا ساكن فوقيه و بطلت اكل منه من سنتين بجد
حد فيكم شاف عمرو أديب قريب لما كان عامل انترفيو علي قناة إل بي سي ؟
كان بيقول مثلا من الحاجات اللي ممكن تتعمل فيك أن عربيتك تتحرق بمية نار
تطلع كل سنة في العينة العشوائية بتاعت الضرايب
يقفلو الكافية بتاعك علشان عندك لحوم فاسدة رغم أنك مش بتبيع أي حاجة فيها لحوم
اعتقد كدة تعليقي وصل