-
يا ترى دى بطارية نايمة؟
العربية كان بقالها يومين مركونة و نزلت الصبح جيت اديها اول تكة اللى بتشغل الكاسيت ما اشتغلش، رحت مكمل و العربية مارديتش تدور غير بعد محاولتين و بصعوبه و فضلت ترج شوية، المهم لما وصلت الشغل بطلت و دورت 3 مرات لقيت كله عادى، انا ان شاء الله هفوت اكشف على البطارية بس ياريت تقولولى رأيكم علشان محدش يشتغلنى، البطارية 55 نسر فارتا سائلة و بقالها 14 شهر.
-
ممكن تكون نسيت حاجه شغاله زى نور الصالون او نور الشنطة معلق
عموما اكشف على مياه البطاريه ممكن تكون ناقصه
لو عايز تعرف البطاريه بايظة و الا لأ افتح كل الأغطيه و خللى حد تانى يدور العربيه لو لاقيت فقاعات فى احد العيون (بلغة الصنايعيه البطاريه بتغلى) يبقى لازم تتغير
بلاش تخلى الكهربائى يعمل قفله لحظيه على البطاريه عشان يكشف عليه لان ده بيدمر الواح الرصاص و بيقصف عمر البطاريه حتى ولو كان لمده صغيره جدا
-
ممكن البطارية بتهييس او فيه قطاش عايز يتنضف او يتربط كويس
MMamdouh
-
طب لو وصلت لتغيير، أجيب 55 ولا 70؟
-
هي غالبا بطارية
بس حد يعرف اسعار البطاريات دلوقت انا سمعت انها غليت اوي يا ريت لو حد يعرف يقولنا
-
انا كنت جايب فارتا 60 او 62 او حاجة كدة... 70 كبيرة اوى و حتبقى غالية جدا
MMamdouh
-
والله اسعار البطاريات بقالها فتره بتغلى كل اسبوع بقت زى الطماطم مجنونه
70 طبعا احسن بس 60 شغاله وانت و ميزانيتك
-
طب يا اخوانى من دلوقت للساعة 5 ممكن ترشحولى اماكن ثقة بين مصر الجديدة و المقطم و ما بينهما للكشف على البطارية و تغييرها لو احتاجت للتغيير؟
-
فى محل بطاريات كويس فى المقطم جنب كوك دور على طول ...
عنده فارتا ألمانى جافة ونسر فارتا عادية
ونوع جديد كورى مستورد ممتاز Hyundai Enercell جافة برضو ....
الـ 55 أمبير منها بحوالى 500 جنيه بالقديمة
وأى خدمة
-
معلش يا أخوان، شدوا حيلكم شوية فى المعلومات، أخوكم قلقان
Content Relevant URLs by
vBSEO 3.6.0 PL2