انت لفت نظرى لحاجة... هو مش اللى حصل دة يندرج تحت بند الفهلوة؟؟؟؟
يعنى لو الموقف دة محصلش وواحد دخل قال "ما نركب طلبة لانوس فى الفيات" كنا كلنا حنقولة "اجرى العب بعيد"... صح؟؟؟
يبقى الفهلوة فيها جانب كويس و جانب وحش.... مش كلها وحشة
الحلو هو انك تلاقى حل امن و منطقى و عملى لمشكلة انت بتواجهها... زى موقف الطلمبة دة... الراجل كان حيدفع مبلغ و قدرة فى طلمبة كاملة... و الميكانيكى الفهلوى (الفهلوة الكويسة مش التانية) قدر يوصل لحل من خلال فهمة لان الطلمبة بالكامل عبارة عن موتور كهربائى (قلب) و دة الجزء اللى فيه المشكلة مش الطلمبة على بعضها... و بعد مقارنة بين قلب الفيات و قلب الدايو لقى الاتنين واحد (و دة منطقى جدا لان غالبا الطلمبات فى العربيات المختلفة بيبقى فيها موتور من شركة معينة و باقى جسم الطلمبة هو اللى من صناعة الشركة اللى عملت العربية) و بالتالى قدر يوصل لحل ارخص بكتير لانة عارف ان قلب طلمبة الدايو ارخص و ينفع يركب فى نفس الوقت... يعنى الميكانيكى دة دماغ و راجل فاهم اوى ومتطلع و عارف بيعمل ايه
اما الوحش بقى فى الفهلوة... تخترع و تالف حاجات ملهاش علاقة باى حاجة فى الدنيا للوصول لحل للمشكلة... صحيح الهدف واحد زى الفهلوة الحلوة بس الوسيلة للوصول الى الغاية دى غلط خالص... و كل ما زاد البعد فى طريقة الحل كل ما كان قدر الفهلوة السيئة اكبر...
يعنى فيه واحد ممكن يفكر يستبدل الطلمبة كلها بطلمبة خارجبة...
و فيه واحد فهلوى اكتر حيلغيها خالص و يركب واحدة ميكانيكية...
اما التالت بقى..... لا تعليق...
MMamdouh
المفضلات