اقتباس المشاركة الأصلية كتبت بواسطة tutankhamoun مشاهدة المشاركة
لا أتفق مع هذا المقال قلبا و قالبا
لأن القاعدة رقم واحد غلط ..... لماذا ؟؟؟
لأن التصنيع المحلي ليس سئ و الدليل العربيات الهيونداي و الدايو و الاسبرانزا الشيفرولية .......... الخ
ثانيا لو أحنا المصريين بطلنا نشتري المصري ....... طيب بنشتكي ليه إن الأقتصاد ضعيف ........ يبقى نقفل المصانع و نزود البطالة و يجوع الشعب ........ الصناعة المحلية إن لم تنهض محليا لن تنهض مطلقا
و اللي بيشتري المصري بيكون عنده فكرة مسبقة إنه سئ و ذبلك يقعد يستنى أي غلطة و يطلع القطط الفاطسة علشان يطلعه وحش

القاعدة رقم 2 ......... برضه غلط
لأن الياباني ممتاز و لكن ليس وحده هناك السيارات الأوروبي مثل الفيات و السكودا و الفولكس و البيجو و هناك الكوري مثل الهيونداي (سيارة الشعب) و هناك الدايو (سيارة الشعب) و هناك الماليزي و هو الوافد الجديد ذو السمعة الطيبة

قاعدة رقم 3 أتفق مع فيها
ابعد عن الصيني و غنيله ........ و أرقصله كمان مع أني أشعر أن السيارة الاسبرانزا و الشيري تخرج عن قاعدة الصيني السئ

قاعدة رقم 4
موضوع السيارات الإيراني و التركي
بالنسبة للإيراني هو مش معروف قوي في السوق المصري
أما التركي فله سمعة طيبة مثل الشاهين المجمعة محليا و التي لا بأس بها و أيضا الهيونداي الماتريكس

قاعدة رقم 5
الشاهين
الشاهين سيارة عتيقة الطراز و لكنها عملية إلى حدا ما
لأنها سيارة قوية ...... و تناسب الطرق المصرية ذات الجبال و الهضاب

و أختلاف الرأي لا يفسد للود قضية
100+

بالنسبة لموضوع الصناعة المحلية: مشكلة كل الصناعات و الخدمات فى مصر بغض النظر عن كونها لها علاقة بالسيارات ولا لا هى الجودة Quality

ممكن المنتج يبقى خامة ممتازة لكن مفيش عناية فى التصنيع/التقفيل و شوية كروتة من عامل فهلوى عايز يخلص عشان يشربلة كباية شاى او سوجارة (مش سيجارة... سوجارة) فا بدل ما يراجع على الشغل اللى فى ايدة و يتاكد انه تمام يقولك "مشى حالك يا عم" و ينسى فيشة او مسمار مش راكب كويس و بعد كدة تطلع الحاجة معيوبة

هى مش معيوبة لان احنا صناعتنا وحشة... هى معيوبة لاننا بنكروت و نمشى حالنا و بالتالى اصبحت الصناعة المصرية سيئة السمعة

تخيل العكس... لو واحد قالك دا المانيا نزلت توك توك فى السوق... اكيد فى ثانية رسمت صورة للتوك توك ان عضمة ناشف و اقوى من الدبابة و يشيل فيل ميقولش لا

و لو كان يابانى كنت تخيلت انه شكلة جميل جدا و انسيابى و ملوش صوت و ناعم زى الحرير

و لو كان روسى كنت تخيلت انة بيسخن موووت و دركسيونة تقييل

كل بلد عملت سمعة لصناعتها و للاسف احنا عملنا سمعة و حشة بادينا... اللى بيشتغل بيكروت و اللى مبيكروتش اوى عايز ياخد كل الفلوس اللى فى جيبك... لا عجب اذا ان الصينيين دلوقتى بيبيعولنا سجاجيد الصلاة و فوانيس رمضان

MMamdouh